Rəsmi qəzetlər dövlət başçısı İlham Əliyevin və xanımı Mehriban Əliyevanın Milli Gimnastika Arenasında tikinti işlərinin gedişilə maraqlanması haqda xəbərləri ilk səhifəyə çıxarıblar.
“Azadlıq”. Sosial ədalətsiliyə etiraz olaraq özünü yandırmaq istəyən Sumqayıt sakini, I qrup Qarabağ əlili Malik Məcidov “dəli” adı ilə ruhi-əsəb dispanserinə yerləşdirilib.
Qəzet ekspertlərə istinadən Bakının mərkəzi məhəllələrinin söküntüsü zamanı rəsmi qurumların sökülən evlərə görə kompensasiya verməsini, amma torpaq sahəsinin dəyərini nəzərə almamasını kompensasiyanın 5-7 dəfə az ödənməsi kimi dəyərləndirir.
Hüquq müdafiəçisi Leyla Yunus Bakının tarixi məhəllələrinin sökülməsini “yerli əhalinin deportasiyası” adlandırıb.
Əsgər valideynləri mühakimə edilən “NİDA”çılarla bağlı məhkəməyə “bu gənclərin barəsində başlanmış cinayət işinin nə qədər qondarma olması məhkəmə prosesi zamanı açıq-aşkar görünür” müraciətini ünvanlayıblar.
2005-2011-ci illərdə manatın Avstriyada çap olunması ilə bağlı “OeBS” şirkətinin Azərbaycan Mərkəzi Bank rəhbərliyinə rüşəvt verməsilə bağlı məhkəmə prosesində bu rüşvətin Bakıya plastik “meşok”larda göndərildiyi sübut edilib.
“Zerkalo” kompensasiya məsələsində iqtidarın “sovetski” məhəlləsi sakinlərilə mübahisəyə girişməyəcəyini deyərək fikirlərini “hakimiyyətə yeni etiraz aksiyaları lazım deyil” tezisilə əsaslandırıb.
“Ekspress”. Rüstəm İbrahimbəyovun Moskvada Azərbaycan Mədəniyyət Evi tikmək layihəsinə tikinti gedəcək rayonunun əhalisi etiraz etdiyi üçün ləğv edilib.
“Exo” avtokreditlərə son dəyişikliklərdən dövlət büdcəsinin 70 milyon manat itirəcəyini önəmli sayaraq ön səhifəyə çıxarıb.
“Bizim yol” Azərbaycan manatının Avstriyada çap olunması üçün Avstriya şirkətinin Azərbaycan Mərkəzi Bankı rəhbərliyinə rüşvət verməsinə dair məhkəmə prosesi başlayıb.
Gənc siyasi fəal Bəxtiyar Hacıyev “casus qalmaqalı” ilə bağlı məsələni “ABŞ-la Azərbaycan arasında “məsafə”ni daha da uzaqlaşdırmaq üçün düşünülmüş təxribat” adlandırıb.
“Yeni Müsavat” qəzetinin iddiasına görə, rəsmi Ankara SOCAR-ı münaqişədə olduğu Fətullah Gülənin “Xidmət Hərəkatı”na yaxın sayaraq onun layihələrinə Türkiyədə əngəllər yaradır.
Qəzet Naxçıvanda müəllimlərin, həkimlərin və digər büdcə işçilərinin Naxçıvan parlamentinin sədri Vasif Talıbovun plantasiyalarında qul kimi işlədildiklərini nəzərə çatdırır.
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz