Rəsmi qəzetlər TANAP qaz boru kəmərinin təməlqoyma mərasimilə bağlı dövlət başçısı İlham Əliyevin Türkiyəyə səfəri, buradakı görüşlərilə bağlı xəbərləri ilk səhifələrdə yerləşdiriblər.
“Azadlıq” qəzeti ölkəyə idxalın 44% artdığını, ixracın 38% azaldığını manjetə çıxararaq bunu “ölkə iqtisadiyyatının dəhşətli geriləməsi” adlandırır.
Qəbələ rayon polisi Milli Şuranın 15 mart aksiyasında iştirak etdiklərinə görə AXCP Qəbələ rayon təşkilatının üzvlərini saxlayaraq 200 manat cərimə edib.
İtaliyanın “La Repubbica” qəzeti Azərbaycandakı repressiyalardan yazaraq “daha çox hüquq müdafiəçisi və fəalı həbs etdirmək yarışı keçirilsəydi Əliyev rejimi medal qazanardı” qənaətini ifadə edir.
Baş nazir Artur Rəsizadənin hökumətin 2014-cü ildəki fəaliyyətinə dair parlamentə təqdim etdiyi hesabatı qəzet qeyri-reallığına görə “rüsvayçı” hesab edir.
İsveçrə frankının kursunun dəyişməsilə SOCAR-ın buradakı benzin doldurma məntəqələri müştərilərinin 50%-ni itirib, müştərilər avro ilə başqa Avropa ölkələrində ucuz qiymətə benzin almağa üstünlük verirlər.
Azərbaycanın silah idxalı haqda danışan ekspert Üzeyir Cəfərli Rusiyanın ölkəyə silah idxalının 85%-ni təşkil etdiyini nəzərə çatdırıb.
Qəzet ekspertlərə isnadən ilin sonuna yaxın dollara münasibətdə manatın ikinci devalvasiyanın qaçılmaz olacağı barədə xəbərdarlıq edir.
“Ekspress” Türkiyədə TANAP qaz kəmərinin təməlqoyma mərasimini önə çəkərək bunu “yeni əsrin kəməri” adlandırır.
Qəzet OPEK-ə isnadən Azərbaycanın bu il gündəlik hasilatı 40 min barel azaldacağı barədə məlumat yayıb.
“Exo” tikinti sektorundakı biabırçılıqlara, dələduzluqlara toxunaraq bu sahə yüksək maaşlı olmadığı üçün təsadüfi adamların da bu sahəyə ayaq aça bildiklərini nəzərə çatdırır.
“Bizim yol” baş nazir Artur Rəsizadənin parlamentə hesabatına isnadən “hökumətin devalvasiya ilə bağlı paket hazırlaması”nı ilk səhifəyə çəkib.
“Yeni Müsavat” ölkənin dünyada tanınan “Xəzər” Universitetinin təsisçisi Hamlet İsaxanlının qızı Ülkər İsayevaının döyülməsi mövzusunu önə çəkib.
Rusiyanın Krıma tətbiq etdiyi işğalı GUAM ölkələrinə tətbiqə hazırlaşması haqda qəzet ABŞ kəşfiyyatının xəbərdarlığını nəzərə çatdırır.
Qəzet Milli Bankın rəhbəri Elman Rüstəmovun parlamentdə manatın ucuzlaşmasının neftlə bağlı olduğu və neftin ucuzlaşmasının davam edəcəyi bəyanatını “manatın gələcəyinə bədbin proqnoz” kimi dəyərləndirir.
“Təkamül” Tərcümə Mərkəzinin rəhbəri Ceyhun Cəfərovun bu günlərdəki həbsindən sonra qəzet yaxınlarının istintaqa cəlb olunmasını nəzərə çatdıraraq həbsi “İran həbsləri” kimi dəyərləndirir.
Cəmiyyət
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
Rəy yaz