![Mətbuat-Monitorinq 18.04.15](https://turan.az/resized/750/500/resize/media/2015/main/041800113136.jpg)
Mətbuat-Monitorinq 18.04.15
Rəsmi qəzetlər “Bələdiyyə qulluğu haqqında” qanuna dəyişikliklərin , Kənd Təsərrüfatı Nazirliyi sistemindəki elmi- tədqiqat müəssisələrinin maddi-texniki bazasının möhkəmləndirilməsi üçün 10 milyon manatın ayrılması haqda sərəncamın mətnini ilk səhifələrə yerləşdiriblər.
“Azərbaycan” qəzeti Avropa Parlamentinin “erməni soyqırımı”nı tanıyan qətnamə qəbul etməsini “parlamentin erməni lobbisinin “təsiri” altında olması”, “Avropa qurumlarının “korrupsiyaya qurşanması” kimi iki məqalə dərc edib.
“Azadlıq” rəsmi “Azərbaycan” qəzetində Obama və Kerrini sərt ittiham ediməsini “hakimiyyətlə ABŞ arasında savaşın başlaması” sayaraq manjetə çıxarıb.
Qəzet yazır ki, Kəlbəcər rayon təhsil şöbəsinin keçmiş müdiri Məhəmməd Bağırovun korrupsiya əməllərini ifşa edən jurnalist Ərşad İbrahimli həbs edilib, az sonra elə korrupsiya əməlinə görə M.Bağırov həbsə alınıb, bununla belə jurnalist həbsdən azad edilmir.
İnsan haqlarının durumuna görə rəsmi Bakını tənqid edən dövlət və beynəlxalq qurumları hakimiyyətin “qarayaxan”lar adlandırmasına qəzet “ölkəni “qara rəngə” boyayanların “qarayaxan” axtarması” qarşılığını verir.
Qəzetə görə, daxili işlər naziri Ramil Usubov nazirliklərə aid 11 milyon manata qədər borclarını ödəmələri üçün onlara müraciət göndərib.
Ekspertlər görə, Azərbaycanın böhrandan çıxması indiki halda ölkə rəhbərliyinin qeyri-neft sektorunun inkişafına nə dərəcədə ciddi yanaşmasından asılıdır.
“Ekspress” qanunsuz tikinti işləri aparıldığına görə Yasamal Rayon İcra Hakimiyyətinin başçısı İbrahim Mehdiyevə töhmət verilməsini önə çəkib.
Qəzet kredit dərəcələri yüksək olduğu üçün kredit alanların sayında kəskin azalma olduğunu nəzərə çatdırır.
“Novoe Vremya” ABŞ-Azərbaycan münasibətlərinin yenə pozulmasına toxunaraq “Bakı Qərblə münasibətləri kəsəcəkmi?” sualını gündəmə gətirir.
“Bizim yol” ölkədə dəfn qaydalarının dəyişdirilməsi, ailə məzarlıqlarının qadağan olunması xəbərləri ilk səhifədə yerləşdirib.
Qəzet Bakıda son vaxtlar binaların penoplastla üzlənməsini “mənzillərimizin divarına yapışdırılmış “bomba” kimi dəyərləndirir.
Devalvasiyanın “Dəmir Bank”ı çətin duruma saldığını yazan qəzet bankın ilk iki ayı 5 milyon manat zərərlə başa vurmaqla nizamnamə kapitalı tələbiini ödəyə bilmədiyini qeyd edir.
“Yeni Müsavat” ölkə iqtidarının Neft Fondunun vəsaitlərini xərcləməyə qərar verməsini önə çəkərək xaricdəki 37 milyard dollar ehtiyatını 3-4 milyardının manatın kursunun bərpası üçün gətirildiyini bildirir.
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz