• contact.az Contact
  • Bakı
  • Overcast25.20 C
  • Şənbə, 27 İyul 2024
    • flag_EN
    • flag_RU

Son yenilənmə

(2 saat əvvəl)
Mətbuat-Monitorinq - 18.06.13
A- A A+
EN RU
Turan İnformasiya Agentliyi
Turan İnformasiya Agentliyi

Mətbuat-Monitorinq - 18.06.13

“Azadlıq” qəzeti Beynəlxalq Araşdırmaçı Jurnalistlər Birliyinin açıqlamalarına istinadən offşor zonalarda şirkətləri olan 30-dan çox azərbaycanlının adlarını açıqlayaraq bu şəxsləri “Azərbaycandan pul çıxaranlar” adlandırır.
 
  AXCP bəyanat yayaraq partiyanın rayonlarda keçirdiyi toplantılara polis müdaxiləsini pisləyərək bu müdaxilələrə “seçkinin legitimliyinə kölgə salması” şərhini verir. 
 
  Milli Şuranın icra aparatının rəhbəri Eldar Namazov qurumun gözlənilən sessiyasında Əsasnamə üzrə nəzərdə tutulan strukturların formalaşdırılmasının prioritet olduğunu bildirir. 
 
  Türkiyənin Azərbaycandakı keçmiş səfiri Hülusi Kılıc ARDNŞ-yə aid “Petkim” şirkətinin İdarə Heyətində yer alıb.   
 
  Keçmiş rektor Elşad Abdullayev qardaşı, MTN-in mayoru Mahir Abdullayevin itkin düşməsilə bağlı təhsil və milli təhlükəsizlik nazirlərilə görüşlərində “bu axtarışdan geri çəkilmədiyi halda universitetinin bağlanacağı” təhdidlərinə məruz qaldığını açıqlayıb. 
 
  Açıq Cəmiyyət Partiyasının sədri Sülhəddin Əkbər iqtidarın Milli Şuraya tənqidlərini “narazı xalq kütlələrinin müxalifətlə bir araya gəlməsindən doğan narahatlıq” adlandırıb.  
   
  “Bizim yol” həbsdə olan keçmiş səhiyyə naziri Əli İnsanovun tezliklə azadlığa çıxacağı xəbərini önə çəkib.
 
  “Miqrasiya Məcəlləsi”nin milli maraqlara cavab vermədiyini deyən ekspertlər məcəlləni “ölkənin qapısının dünyaya səpələnən azərbaycanlıların üzünə bağlanması” kimi dəyərləndirilər.  
 
  “Avropa.info” saytının əməkdaşı Saleh Qafarlı İmişli-Biləsuvar yolunun üstündəki əxlaqsızlıq yuvası olan kafedən informasiya hazırladığına görə kafe işçiləri tərəfindən döyülüb.
    
  “Yeni Müsavat” Gürcüstanın keçmiş baş nazirinin iqtisadi cinayətlərilə bağlı bu ölkə prokurorluğunun dindirmək istədiyi şəxslərin məxfi siyahısını Bakıya göndərməsini ilk səhifəyə çıxarıb. 
 
  Azərbaycanda xarici kəşfiyyatların fəallaşdığını, prezident seçkilərilə bağlı durumu izləmələrini qəzet  “Bakıda kəşfiyyatların “mühariəsi”” kimi şərh edir.
 
  Həbsdə olan “NİDA” hərəkatı üzvləri ilə bağlı hər hansı istintaq işi aparılmır, hərəkatın üzvü Zaur Qurbanlının isə səhhəti getdikcə pisləşir.
  Səyyar qəzet satışı yayımçıları onlara edilən təzyiqləri “prezident seçkilərinə hesablanmış mərhələli addımlar” kimi dəyərləndiriblər.  

Rəy yaz

Cəmiyyət

Bizi sosial şəbəkələrdə izləyin

Xəbər lenti