Mətbuat-Monitorinq 18.06.15

Rəsmi qəzetlər Avropa Oyunları ilə bağlı Azərbaycan komandasının uğurları haqda yazıları ilk səhifələrdə yerləşdiriblər. 

“Azadlıq” qəzeti rəsmi Bakıya yaxın medianın ABŞ rəsmisi Nulandı “hədəfə” almasını “Əliyevin Qərbdəki əsas dayağını itirməsi” kimi manjetə çıxarıb.

Böyük Britaniyanın Bakıdakı səfiri İrfan Siddiq Britaniyadan olan jurnalistlərin Azərbaycana buraxılmamalarını “biabırçılıq” adlandırır. İranın ünlü hüquq müdafiəçilərindən Şirin Ebadi jurnalist  Xədicə İsmayılın müdafiəsinə qalxıb.

Milli Şura məsulları qurum əleyhinə məqalələrə görə “Yeni Müsavat” qəzetini sona qədər ifşa etmək missyasını yerinə yetirməyi nəzərdə tutur.

Uşaqların müdafiəsilə məşğul olan UNİCEF qurumu rəsmi Bakı ilə işbirliyinə və Avropa Oyunlarına dəstək verdiyinə görə beynəlxalq media tərəfindən tənqidə məruz qoyulur. 

Qəzet yazır ki, torpaq komitəsi əməkdaşları bu ilin fevralından Əmlak Komitəsinin tərkibinə keçiblər və o zamandan maaş üzünə həsrətdirlər.

Qəzetin yazdığına görə, keçmiş baş nazirin müavini Abbas Abbasovun qardaşı Nadir Abbasov Beynəlxalq banka kredit borcuna görə “bandotdel”ə aparılıb.

Vəkil Kamandar Nəsibov Beynəlxalq Bankla kreditlərdə hər hansı “dələduzluq” olmadığı barədəbəyanatı səsləndirib.

“Ekspress”  rəsmi Azərbaycan qəzetinin ABŞ və Avropanı tənqid etməsini diqqət mərkəzinə çəkir.

Qəzet politoloq rəyi adı ilə keçmiş baç nazirin müavini Abbas Abbasovun qalmaqlallı diplomat Arif Məmmədovla parlament seçkiləri öncəsi birləşəcəyini yazaraq bunu “5-ci kolon”un fəaliyyəti baxımından “fəallıq” hesab edir.

“Exo”  yerli ekspertlərə əsasən Azərbaycan vətəndaşlarının xüsusi kapitalının təqribən 50 milyard dollar həcmində olduğunu yazaraq gələcəkdə bunlara qarşı “kapitalın amnistiyası”nı tətbiq etməyi mümkün sayıblar.

“Novoe Vremya”  rəsmi Bakının yandaşı olan “Azərbaycan” qəzetinin ABŞ-ı antiazərbaycan siyasətə məruz qoyması haqda mövqeyini önə çəkib.

“Bizim yol”  “Baku Steel Company”nin səhmdarlarını divident vermədən borclu yola salmalarını nəzərə çatdırılır.

Qəzet yazır ki, Xocalı hadisələrindən  bəıhs edən “Sonsuz dəhliz” filmi Amerikanın “Kiçik Oskar”ına layiq görülüb.

Ölkənin 12 sığorta şirkətinin yığımında azalma baş verdiyini yazan qəzet bunu “sığörta şirkətləri üçün ağır durum” adlandırır. Ekspertlər ölkədə ixracın yarıbarı azldığını yazaraq idxal sahəsində 557 milyon dollara yaxın artım olmasını isə “təhlükəli tendensiya” adlandırıblar.

“Yeni Müsavat”  bir ay öncə Binəqədi rayonunda yanan bina ilə bağlı qeyd edur ki, Avropa Oyunlarından sonra ikisi icra başçısı olmaqla bir neçə məmurun işdən qovulacaqlarını ilk səhifəyə çıxarıb.  

Həbsdə olan hüquq müdafiəçisi Taleh Xasməmmədovun məhkəmə prosesi bir aydır ki, yubadılır, barəsində seçilmiş həbs qətimkan tədbiri müddəti başa çatdığı üçün təcridxanaya qaytarılıb.

Qəzet həmçinin “bank kreditləri qalmaqalı” ilə bağlı Avropa Oyunlarından sonra yeni həbslərin olacağını bildirir.