Rəsmi qəzetlər dövlət başçısı İlham Əliyevin Xüsusi Dövlət Mühafizə Xidmətinin hərbi şəhərciyində aparılan tikinti və yenidənqurma işlərilə tanış olması, idman kompleksinin açılışında iştirak etməsi haqda xəbəri ön plana çıxarıblar.
Bundan əlavə, bu qəzetlərin səhifələrində 1990-cı ıl yanvarın 20- də baş vermiş hadisələrin növbəti ildönümü ilə bağlı yazılar yer alıb.
“Azadlıq” qəzeti rəsmi Bakının Apellyasiya Məhkəməsi mərhələsində İlham Əliyevi və hökuməti kəskin ittihamlara məruz qoyan həbsdə olan keçmiş səhiyyə naziri Əli İnsanovun həbs müddətinin artırılması haqda düşündüyü iddiasını ilk səhifəyə çıxarıb.
ANS telekanalının ilin adamı elan etdiyi tədbirdə dövlət başçısı İlham Əliyevin mükafat olaraq təqdim olunan saatı bahalı olduğuna görə taxmaqdan imtina etməsinə cəmiyyət fəalları “o zaman İ.Əliyev Dubay villaları, offşor zonalardakı yatırımlarına da aydınlıq gətirsin” mövqeyini ifadə ediblər.
Rəsmi Bakının proporsional seçki sistemini bərpa etmək istəməsi haqda qeyri-rəsmi söz-söhbətləri qəzet “islahat görüntüsü yaratmaq və müxalifət üçün tələ” adlandırır.
Milli Şuranın sədri Cəmil Həsənli xalqa “dəyişiklik istəyirsə məhz xalq özü tarixin səhnəsində olmalıdır” mesajını verib.
Bakının “NZS” qəsəbəsində evləri sökülən 150 ailəyə hər kv.metrə görə 150, əla təmirli evlərin hər kv. metrinə görə 300 manat kompensasiya verirlər.
Son vaxtlar artan avtobus qəzalarına görə sahibkarları ittiham edən Nəqliyyat Nazirilyi “sürücünü işə sahibkar götürür, problemi də o yaradır” bəyanatını səsləndirib.
“Yeni Müsavat” ölkəyə gətirilən milyon manatlar dəyərində avtomobillərin xüsusi tapşırıqlar əsasında zənginlərə satılmasına toxunaraq bunu rəsmi Bakının dünyanın gözündə “firavan və xoşbəxt ölkə imici yaratmaq” istəməsi kimi dəyərləndirir.
Türkiyədə korrupsiya və rüşvət əməliyyatı zamanı həbs edilən iş adamı Rza Zərrabın işinin Azərbaycana uzandığı, “Zaminbank”, “Qafqaz Lizinq”, “Buta Sığorta” kimi qurumların ona tərəfdaş olması deyilir, rəsmi Ankaranın müqavimətinə baxmayaraq, istintaq qrupunun Azərbaycanda araşdırmaya başladığı bildirilir.
Cəmiyyət
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
-
Fevralın 5-də soyuq, küləkli hava şəraiti gözlənilir, xəbəri sinoptiklər yayıb. Paytaxtda və ölkənin əksər hissəsində gücü saniyədə 20 metrə çatan şimal-qərb küləyi əsəcək.
-
Məntəqə daxilində vətəndaşın razılığı olmadan çəkiliş aparmaq dayandırıla bilər. Yerli mediada yayılan məlumatlara görə, bununla bağlı fevralın 1-də Mərkəzi Seçki Komissiyasının (MSK) sədri Məzahir Pənahov danışıb. Qurumun sədrinin sözlərinə görə, bu proses tamamilə qadağaya səbəb ola bilər: "Vətəndaşla söhbət etmək, onun fikrini almaq olar. Amma onun işinə, prosesə mane olmaq, icazəsiz çəkiliş aparmaq doğru deyil".
-
Fevralın 4-də Bakıda hava dəyişkən olacaq, yağıntı olmayacaq. Səhər və axşam bəzi yerlərdə duman olacaq. Mülayim cənub-qərb küləyi əsəcək. Havanın temperaturu gecə müsbət 4 +7, gündüz müsbət 8 + 13 dərəcə olacaq. Rütubət 70-80 faiz olacaq.
Rəy yaz