Mətbuat-Monitorinq 20.02.14

Rəsmi qəzetlər dövlət başçısı İlham Əliyevin İnquşetiyanın keçmiş prezidenti Auşevi qəbul etməsi, onu “Dostluq” ordenilə təltif etməsi haqda xəbəri ilk səhifəyə çıxarıb. 

“Azadlıq” qəzeti Azərbaycan manatının rüşvət müqabilində Avstriyada çap olunması ilə bağlı məhkəmə baş almasını manjetə çıxarıb və “Azərbacayn tərəfdən 20%-lik “şapka” şərti qoyan “doktor T. kimdir?” sualı ilə cinayətin əsas fiqurunun məlum olmasına diqqət çəkir. Milli Şura Avstriyada Azərbaycan manatının rüşvət müqabilində çapı ilə bağlı başlanan məhkəməni Azərbaycan üçün “iyrənc rəzalət” adlandırıb və ölkə prokurorluğöuna bunun araşdırılması müraciəti edib..

Qəzet Suriyanın paytaxtı Şam şəhərinin şimal hissəsindəki döyüşlərdə Azərbaycan vətəndaşı olan 27 şəxsin öldürüldüyünü yazır.

“Zerkalo” Soçi olimpiadası başa çatdıqdan sonra RF prezidenti Putinin Ukrayna, Moldova, Gürcüstan və Azərbaycana münasibətdə sağlam siyasi düşüncə baxımından qeyri-adekvat fəaliyyət gözlənildiyini nəzərə çatdırır.

Qəzet 2014-cü ilin yanvarına ölkədə 36 mindən çox insanın işsiz statusu aldığını qeyd edərək bunun 42%-nin qadınlar olduğunu bildirir. 

“Exo”  fevralın 22-dən etibarən ASAN mərkəzləri evlərin şəhadətnamələrinin verilməsi prosesinə başlayacaq.

“Novoe Vremya”  Ukraynada xalqa iqtidar arasında yaşanan qanlı qarşıdurmalara diqqət çəkərək bunu “müharibə” kimi dəyərləndirir. 

“Bizim yol”  Azərbaycan manatının Avstriyada çapı ilə bağlı rüşvət sövdələşməsinə bağlı məhkəmədə “OeBS” şirkəti əməkdaşı 20% “şapka”nın rüşvət olmadığı, “bəlkə də məxfi orqanların hesabına getməsi” kimi əcaib açqılama verib.

“Yeni Müsavat” gömrükdə dövriyyədən daxil olmaların gizlədilməsi üzündən büdcənin hər il 2,3 milyard dollar itirməsi faktını ilk səhifəyə çıxarıb.

Qəzet QMİ sədri Allahşükür Paşazadəyə küveytli iş adamı Saleh Aşurdan 200 min dollar rüşvət müqabilində Bakıda bağlanan cəmiyyətini bərpa edəcəyi, amma bu işi etmədiyi ittihamı irəli sürüb.

Jurnalist Xədicə İsmayılovanın “mühüm dövlət sirri”ni yaymaq adı ilə istintaqa cəlb edilməsi zamanı məlum olub ki, həmin “sirri” Mustafa Kozlu adlı facebook istifadəçisi jurnlaistdən üç ay öncə yayıb. 

Qəzetin yazdığına görə, hökumət komissiyası “Sovetski” məhəlləsi sakinlərinin daha yüksək kompensasiya tələbilə bağlı mövqeyinə yenidən baxır və buna görə aksiyalar martın 3-nə kimi təxirə salınıb.