Mətbuat-Monitorinq 20.02.15

Rəsmi qəzetlər dövlət başçısı İlham Əliyevin ABŞ-ın Azərbaycandakı yeni səfiri Robert Sekutanın etimadnaməsini qəbul etməsi haqda xəbəri, “Azəryolservis” ASC-nin bir qrup əməkdaşının dövlət mükafatları ilə təltif edilmələri haqda sərəncamın mətnini ilk səhifələrdə dərc ediblər.

“Azadlıq” qəzeti neftin ucuzlaşması ilə bağlı ölkədə yaşanan böhrandan rəsmi Bakının kütləvi vergi cərimələrilə çıxmaq istəməsini önə çəkərək bunu “ölkədə sahibkar üsyanının baş verə bilməsi” kimi dəyərləndirir.

Həbsdə olan hüquq müdafiəsçisi Leyla Yunus həbs müddətinin daha 5 ay uzadılmasına etiraz edən Hüquq Müdafiəçilərnin Qorunması Observatoriyası rəsmi Bakıdan L.Yunusa qarşı pis rəftara son qoyulmasını tələb edir. “Vaşinqton Post” qəzeti həbsdə olan jurnalist Xədicə İsmayılın həbsinə səbəb kimi rejimin korrupsiyaya uğramasını ifşa etdiyi üçün həbsə alınması barədə həbsdən göndərdiyi məktubu dərc edib.

Bəzi müxalif siyasilər iqtidar və müxalifət təmsilçilərinin görüşünün problemlərin həllinə ximdət etmədiyini, daha çox imitasiya xarakteri daşıdığını iddia ediblər.

İqtisadçı ekspert Oqtay Haqverdiyev ölkədə kifayət qədər milyonçu olduğunu, amma hamısı vəzifə sahibləri olduqları üçün adlarının milyonçular siyahısına düşmədiyini deyib.

Manatın məzənnəsinin sərbəst buraxılması ilə bağlı yaranan ajiotaj səngimək bilmir, kütləvi dollar alınmasını önləmək üçün banklar  dollar satışını maksimum məhdudlaşdırıblar.

Keçmiş mədənlərdə tikilmiş minlərlə evlərin sökülməsi üçün ARDNŞ-nin məhkəmələrə müraciətini qəzet “üsyana səbəb olacaq addım” adlandırır.

“Ekspress”  Azərbaycan XİN başçısı Elmar Məmmədyarovun “Ermənistanın təcavüzü davam etdirdiyi müddətdə çıxılmaz vəziyyətdə qalacağı” haqda Tbilisidə səsləndirdiyi bəyanatı diqqət mərkəzinə çəkib.

Qəzet erməni işğalı altında olan 7 rayonun qaytarılması ilə bağlı rus politoloqların danışıqlar aparılması barədə iddialarını dərc edib.

“Exo”  erməni psixoloq Albert Nalçadyanın 1915-ci il “erməni soyqırımı”na  “soyqırım” əsaslı ümummilli psixoz” diaqnozunu qoymasını ön plana çıxarıb.

“Novoe Vremya”  Avropanın qaz təminatı ilə bağlı kəmərlərin çəkilişi ətrafında gedən müzakirələri “qaz oyunlarının davam etməsi” kimi ilk əshifəyə çəkib.

İqtisadçı Vüqar Bayramov manatın məzənnəsinin sərbəst buraxılması ilə bu il ölkədə 10% inflyasiyanın proqnozlaşdırıldığını nəzərə çatdırır.

“Bizim yol”  AMAY şirkətinin qurucusu Abdulla Abdullayevin hakimiyyətə ünvanladığı “danışsam sonu yaxşı olmayacaq” mesajını önə çəkib.

Qəzet Azərbaycanın xarici ticarət dövriyyəsinin 20% azaldığını, postsovet ölkələrində Azərbaycan mallarına tələbatın aşağı düşdüyünü yazır.

“Yeni Müsavat”  müdafiə naziri Zakir Həsənovun müharibə hazırlığına başlaması kimi iddiasını ilk səhifəyə çəkib.

Əfv komissiyasının üzvü, deputat Bəxtiyar Əliyev Novruz bayramı ərəfəsində  əfv fərmanının olacağı barədə açqılama verib.