Rəsmi qəzetlər bir sıra qanunlara dəyişikliklərlə bağlı rəsmi mətnləri dərc ediblər, ölkənin iqtisadi inkişafına dair iqtidar rakursundan olan yazılara geniş yer veriblər.
“Azadlıq” qəzeti iqtidarın müxalif partiyaların bölgələrdə keçirdikləri toplantıları dağıtmasının “qorxudan irəli gəlməsi” kimi şərh edir.
Media ekspertlərinə görə, iqtidarın İnternetdə tənqidə görə cəzaları sərtləşdirməsi “seçkilərdə qələbə qazanacağından əmin olmamasın”dan qaynaqlanır.
İlahiyyatçı Taleh Bağırovun hüquqlarını Müdafiə Komitəsi iyunun 1-də etiraz aksiyası keçirmək haqda qərar qəbul edib.
Dövlət başçısı İlham Əliyevin Şamaxı “Cümə” məscidinin açılışında “ölkədə dini və milli sahədə heç bir problemin olmaması” haqda bəyanatının reallığa uyğun olmadığını yazan qəzet “dövlət başçısının islama hörmətdən danışması ölkədə dindarlar həbsə alınması” reallığını yada salır.
Hüquq müdafiəçisi Leyla Yunus ölkədəki hakimiyyəti “kriminal rejim adlandırır” və ölkə vətəndaşları siyasi situasiyanı dəyişmək əzmi göstərdikdə Qərbin dəstəyini ala biləcyini bəyan edir.
Gəncə 2 saylı istintaq təcridxanasında saxlanılan müttəhim Elşad Cabbarov işgəncələrə dözməyərk iynə udub, vəziyyəti ağırdır.
Keçmiş YAP-çı deputat Maksim Musayev bu partiyanın orqanı olan “Yeni Azərbaycan” qəzetini “bulvar qəzeti” adlandırıb.
İranda səfərdə olan şeyxülislam Allahşükür Paşazadənin bu ölkədə həbsdə oaln Azərbaycan ədəbiyyatşünası Xalidə Xalidi həbsdən azad etdirdiyi iddia edilir.
Litvanın “15min.lt” saytı Azərbaycanın 2013-cü il “Eurovision-2013” müsabiqəsində səsləri satın alması haqda aparılan danışıqlara dair video yayıb.
“Yeni Müsavat” aprelin 30-da İranda həbsə alınan Azərbaycan ədəbiyyatşünası Xalidə Xalidin şeyxülislam Allahşükür Paşazadənin bu günlərdə İrana səfəri zamanı azad olunmasını “şeyxin azərbaycanlı alimi zindandan buraxdırması” kimi dəyərləndirir.
Qəzet həbsdə olan İslam Partiyası Astara rayon təşkilatının sədri Rufulla Axundzadənin sağlıq durumunun ağır, hətta islamçının “ölüm ayağında” olduğunu nəzərə çatdırır.
Qəzet iqtidarın iri tikinti laylhələrini prezident seçkilərinə qədər təxirə salması, parlamentdə dövlət büdcəsinə yenidən baxılacağını yazaraq bunu “dövlət büdcəsinin seçki büdcəsinə çevrilməsi” kimi qiymətləndirir.
Bu ilin ötən müddətində silahlı qüvvələr sektorunda 46 nəfər ölüb, 44 nəfər yaralanıb.
Cəmiyyət
-
Azərbaycanla Ermənistan növbəti mərhələdə delimitasiya işlərinin İranla sərhədə qədər başlanması barədə razılığa gəlib. Bununla bağlı yanvarın 16-da Azərbaycan baş nazirinin müavini Şahin Mustafayevlə ermənistanlı həmkarı Mher Qriqoryanın sədrliyi ilə iki ölkənin dövlət sərhədinin delimitasiya və təhlükəsizliyi komissiyalarının iclasında razılıq əldə edilib.
-
Yanvarın 20-də Bakıda və Abşeron yarımadasında yağışlı və küləkli hava şəraiti gözlənilir. Bu barədə meteoroloji proqnozlarda məlumat verilib.
-
18 yanvar tarixində Azərbaycan üzrə hava proqnozu ölkənin müxtəlif bölgələrində dəyişkən hava şəraiti gözlənildiyini, bəzi ərazilərdə yağışın olacağını bildirir.
-
“Azercell” istifadəçilərə daha rahat xidmət təcrübəsi təqdim etmək məqsədilə öz mobil tətbiqinə "Qonaq girişi" funksiyasını əlavə edib. Bu yenilik bütün istifadəçilərə Azercell-in müxtəlif xidmət və məhsullarını daha əlçatan edir.
Rəy yaz