Rəsmi qəzetlər dövlət başçısı İlham Əliyevin Bolqarıstanın baş nazirinin başçılıq etdiyi nümayəndə heyətilə görüşünə dair xəbərləri ilk səhifələrə çıxarıblar.
“Azadlıq” qəzeti BDU-da tələbələrin keçirdikləri etiraz aksiyası ilə bağlı xəbəri manjetə çıxarıb.
Araşdırmaçı jurnalist Xədicə İsmayılovanın istintaq adı ilə siyasi təqiblərə məruz qalmasına etiraz olaraq Helsinki Komissiyası bəyanat yayıb. Hüquqşünaslar jurnalist Xədicə İsmayılovanın səs yazısını gizlicə yazaraq istintaqa təqdim edən deputat Ceyhun Osmanlının qanunsuz hərəkətinə görə deputat səlahiyyətinə xitam verilməsi və həbsə alınmalı olması mövqeyi səsləndiriblər.
4 kiber-xəfiyyə İtaliya istehaslı olan “HackingTeam” casus proqramının Azərbaycan kimi azadlıqlara məhdudiyyət qoyan 21 ölkəyə satıldığını aşkar ediblər.
Ölkə bank sistemində ixtisarlar başlandığını yazan qəzet ekspertlərə istinadən may ayından bunun daha çox müşahidə olunacağını bildirib. İranın “İmdad komitəsi”nin Azərbaycandan çıxarılmasını ekspertlər rəsmi Bakının “İran təsiri”ni aradan qaldırmaq istəyi kimi dəyərləndirirlər.
“Zerkalo” Türkiyə raketlərinin Azərbaycanda sınağının uğurlu keçdiyini yazaraq yaxın zamanda bu sahədə birgə istehsalla bağlı saziş imzalanacağı xəbərini önə çəkib.
“Ekspress” bəzi mənzil şirkətlərinin mənzil tikintisi adı ilə vətəndaşlara qarşı dələduzluq etmələrinə dair xəbəri ilk plana çıxarıb.
1992-ci ildəki Xocalı faciəsinə görə o zamankı prezident Ayaz Mütəllibovun AXC-ni ittiham etməsinə siyasilər “öz məsuliyyətini başqasının üzərinə qoymaq cəhdi” adlandırıblar.
“Bizim yol” yazır ki, istintaqa cəlb edilən Xədicə İsmayılova artıq ona qarşı sorğu-sualın “mühüm dövlərt sirri” olan sənədi yaymasına yox, restoranda əcnəbilərlə görüşdəki söhbətini üzərinə yönəldildiyini nəzərə çatdırır.
“Yeni Müsavat” Ukraynadakı qanlı hadisələrini ilk səhifəyə çıxararaq bunu “Putinin Gömrük İttifaqını qana bulaşması” kimi dəyərləndirir.
“NİDA”çıların məhkəməsində bir polis əməkdaşı “bulvarda ancaq dövlətin təhlükəsizliyini qoruyan rəqslərə icazə verilməsi” kimi “dahiyanə” bəyanat səslənduirib. Bakının “Sovetski” məhəlləsi sakinlərinin evlərinin sökülməsinə görə 3500-4000 manat kompensasiya tələbini rəsmilər absurd sayıb, martın 3-nə aksiya təylin olunub.
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz