![Mətbuat-Monitorinq 21.04.15](https://turan.az/resized/750/500/resize/media/2015/main/042100113343.jpg)
Mətbuat-Monitorinq 21.04.15
Rəsmi qəzetlər dövlət başçısı İlham Əliyevin Bakı Su İdmanı Sarayının açılışında iştirakı haqda yazıları ilk səhifələrə yerləşdiriblər.
“Azadlıq” qəzeti vaxtilə iqtidarın tərəfdarı, indisə elə iqtidarla münasibətinə görə mühacirətdə olan keçmiş deputat Hüseyn Abdullayevin dövlət başçısı İlham Əliyevə və nazir Kəmaləddin Heydərova ailə xoşbəxtliklərini xalq bədbəxtliyi üzərində qurduqlarına görə “ədalət məhkəməsi”ndə cavab verəcəkləri barədə bəyanatını manjetə çəkərək bunu “İ.Əliyevə və komandasına meydan oxumaq” adlandırır.
Statistika Komitəsi və Turizm Nazirlyinin ölkəyə gələn turistlərin sayı ilə otellərin qazancları arasındakı fərqə dair açıqladığı rəqəmlərə qəzet “ya turist sayını şişirdirlər, ya otellər gəlirlərini gizlədir” mövqeyini ifadə edir.
Bir qrup şəxsin ölkədə özəl şirkətlər yaradaraq az müddət sonra onları ləğv etmələrinə qəzet “bu şirkətlər vasitəsilə dövlət büdcəsinin vəsaitləri mənimsənilir” şərhini verir.
Dünya bazarında neft qiymətlərinə toxunan ekspertlərə görə, bu prosesdə neftin dəyəri ən yaxşı halda 50-80 dollar arasında dəyişə bilər.
Deputat Vahid Əhmədov manatın devalvasiyasının davam edəcəyi halda 1 dolların 1 manat 50 qəpiyə qədər bahalaşaçağı barədə bəyanat səsləndirib.
Qəzet bir tərəfdən rəsmi Bakının Avropa Oyunları keçirməsinə hazırlaşması və buna 8 milyard manat xərcləməsi, digər tərəfdən bu fonda siyasi həbslərlə ölkəni tənqid hədəfinə çevirməsinə “8 milyardlıq antiazərbaycan təbliğatı” mövqeyini ifadə edir.
Xaçmaz rayonunun Alekseyevka kənd sakinləri kənddəki zorlama hadisəsinə görə insidentin iştirakçıları olan ailələrin kənddən qovulmalarını tələb edirlər.
“Ekspress” deputat Vahid Əhmədovun manata münasibətdə dolların məzənnəsinin 1 manat 50 qəpiyə bərabər olacağı proqnozunu önə çəkib.
“Exo” vətəndaşın ölkəyə şəxsi istifadəsi üçün ancaq 20 qrama qədər qızıl və ya qızıl məmulatı gətirə biləcəyi haqda Nazirlər Kabinetinin qərarını diqqət mərkəzinə çəkir.
“Novoe Vremya” AŞPA rəhbərliyini qurum önündəki öhdəliklərini yerinə yetirməməsinə baxmayaraq, rəsmi Bakıya qeyri-prinsipial mövqe bəsləməkdə ittiham edib.
“Bizim yol” ekspertlərə isnadən Konstitusiya Məhkəməsinin mayın 7-də keçiriləcək iclasında dollarla kredit götürən vətəndaşları yox, bankları müdafiə edəcəyi haqda mövqeyini ilk səhifəyə çəkib.
Ekspertlər Mərkəzi Bankın növbəti kəskin devalvasiyaya gedəcəyini açıqlayaraq məmur və oliqarxların bir qisminin pullarını dollara dəyişərək ölkədən çıxardıqlarını qeyd edir.
“Yeni Müsavat” Azərbaycan uğrunda Qərblə Rusiya arasındakı böyük savaşın pik həddə çatması iddiasını ilk səhifəyə çıxarıb.
Korrupsiya faktı ilə bağlı Bakıdakı 136 məktəbin rəhbərliyinə qarşı vəzifə səlahiyyətindən sui-istifadə, vəzifə saxtakarlığı ittihamlarla ilə cinayət işi başlanıb.
Qəzet politoloq Arzu Nağıyevin “İŞİD çoxdan Qafqazdadır, sadəcə adı başqadır” bəyanatına diqqət çəkir.
AŞPA-nın yaz sessiyası qurumun binasında keçirilən erməni sərgisində ermənilərə “soyqırım” ifadəsi işlətmək qadağası ilə başlanıb.
Ekspertlər rəsmi “Azərbaycan” qəzetinə aprelin 24-də “erməni soyqırımı” günü ilə bağlı Ermənistana getməyəcək ABŞ prezidenti Obamanı deyil, tədbirə qatılacaq RF prezidenti Putini tənqid etmədə cəzarətli olmağı təklif ediblər.
-
- Sual-cavab
- 20 Aprel 2015 20:14
-
- Siyasət
- 21 Aprel 2015 12:59
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz