Rəsmi qəzetlər dövlət başçısı İlham Əliyevin Şəhidlərin xatirəsini yad etməsi, Almaniya səfəri haqda xəbərləri ilk səhifələrə çıxarıblar.
“Azadlıq” qəzeti Almaniyada dövlət başçısı İlham Əliyevin bu ölkənin kansleri Angela Merkellə görüşü zamanı etirazla qarşılanması, əleyhinə şüarların söylənməsini manjetə çıxarıb. İlham Əliyevlə görüşün gərgin keçməsini mətbuata etiraf edən Angela Merkel “aramızda fikir ayrılığı var” mövqeyini ifadə edib.
Azərbaycanlıların kompakt yaşadıqları Dərbənd şəhərində sakinlər etiraza qalxaraq mer İmam Yarəliyev və komandasının hakimiyyətdən getməsini tələb ediblər.
Vəkil Yalçın İmanov Kürdəxanı təcridxanasında saxlanılan jurnalist Xədicə İsmayılın mətbuatda yayılan məqaləsinə görə bir günlük karserə salındığını bildirib.
Məhbus Lamiyə Quliyevanın həbsxanada uşaq dünyaya gətirməsində təcavüzə məruz qalıb-qalmamasını araşdırmaq üçün Baş Prokurorluğa müraciət edilib.
“Qala” mühafizə xidmətinin əməkdaşları maaşlarını ala bilmədikləri üçün aksiya keçirmək istərkən polis zorakılığına məruz qaldıqlarını bildiriblər.
Oliqarxlara məxsus banklara əhalinin 11 milyard manatdan çox kredit borcunun olmasını qəzet “əhalinin oliqraxlara borclu olması” kimi dəyərləndirir.
“Ekspress” ölkə əhalisinin sayının 9,5 milyon nəfəri keçməsi, hər 1000 kişiyə 1011 qadın düşməsini önə çəkib.
“Exo” ekspertlərin hər gün paytaxtda hərəkət edən 100 minlərlə taksinin əsas tıxac yaradan vasitələrdən biri olduğu iddiasını diqqət mərkəzinə çəkib.
“Novoe Vremya” İham Əliyev və Angela Merkelin görüşünü önə çəkərək bunu “Azərbaycana münasibətdə Merkelin incə oyunu” kimi dəyərləndirir
“Bizim yol” “V Azərkredit” qeyri-bank qurumunun hesablarına həbs qoyulmasını ilk səhifəyə çəkib və qurum məsulları bunu Baş Prokurorluğun sanksiyası ilə əlaqələndiriblər.
Büdcədə Bakının tarixi “sovetski məhəlləsi”nin sakinlərinə 180 miylon manatın nəzərdə tutulması, amma söküntü işlərinin aparılmamasını qəzet “pulların mənimsənilməsi” kimi dəyərləndirir.
“Yeni Müsavat” “Hafka” ləqəbli iş adamına məxsus dənizdəki “Qum” adasının AZAL prezidenti Cahangir Əsgərova verilməsini ilk səhifəyə çıxarıb.
Neft Fondunun büdcəsini real saymayan ekspetlər rəsmi Bakını gələcək nəsillərə aid ehtiyatlara əl uzatmaqda ittiham edərək bu faktı “ölkənin neft asılılığının fəlakət həddində olması” kimi dəyərləndirirlər.
Yanvarın 26-da başlanacaq AŞPA-nın qış sessiyasında mətbuat azadlığı haqqında qətnamə layihəsi çərçivəsində bu sahədə Azərbaycandakı durum da müzakirəyə çıxarılacaq.
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz