Mətbuat-Monitorinq 22.05.14

Rəsmi qəzetlər dövlət başçısı İlham Əliyevin Çin səfərinə geniş yer veriblər. 

“Azadlıq” qəzeti dövlət başçısı İlham Əliyevə təsir imkanlarını artırmaq üçün Naxçıvan qruplaşması və Paşayevlər arasında savaş başlaması iddiasını önə çəkib.

Beynəlxalq Əmək Təşkilatı hesabatında Azərbaycanı qul əməyinin geniş yayıldığı ölkələr sırasına aid edərək bu sırada 51-ci yeri tutduğunu bildirir. 

Ekspertlər indiki həssas ictimai-siyasi dönəmdə rəsmi Bakının Qərbi yox, Asiyanı seçməsini “ölkənin primitiv iqtisadi modelinin dünya qərabətinə davam gətirməməsi”lə əlaqələndiriblər.

Siyasi xadimlər QHT rəhbəri Anar Məmmədliyə və onunla əməkdaşlıq edənlərə ittiham tərəfin yüksək cəza istəməsini prezident seçkilərində saxtakarlığı üzə çıxarması ilə bağlı olduğunu bəyan ediblər.

Rəsmi Bakının fəal ictimai şəxsləri narkotik maddə, silah, vətənə xəyanət və s. uydurma ittihamlarla həbsə almasına Milli Şuranın sədri  Cəmil Həsənli “ən böyük xəyanət korrupsiyaya qurşanmaqdır” deyə iqtidarı ittiham edib. 

“Ekspress” qəzeti “Azərbaycan” nəşriyyatı rəhbərliyinə istinadən “Azadlıq” qəzeti nəşriyyata olan borcunu hissə-hissə ödədiyi halda çapına icazə veriləcəyini yazır.

Rəsmi qurumların Surxanıdakı 7 saylı internatda 7 yaşlı Nahid Cavadovun döyülməsi faktını inkar etməsinə uşaq “məni Afaq müəllimə döydü” cavabını verib.

“Exo”  rəsmi İrəvanın Araz çayı üzərində çoxsaylı su anbarları tikmək layihəsini “Ermənistanın Azərbaycanı içməli sudan məhrum etmək istəməsi” sayaraq ilk səhifəyə çıxarıb.

“Novoe Vremya” iqtidarın ölkə həyatının bütün sahələrində fəallığın qarşısını almaq üçün həbslərə əl atdığına toxunaraq rəsmi Bakının fəaliyyətinə “daha hansı qaykanı bərkidək?” mövqeyini ifadə edir.

“Bizim yol” Kremlin “asan vətəndaşlıq” şərtlərini açıqlamasına rəsmi Bakının vətəndaşlıqdan çıxmaq və vətəndaşlığı qəbul etmək qaydalarını sərtləşdirməsilə cavab verməsini manjetə çıxarıb.

Azərbaycanda Rusiyaya meylli şəxslərin son vaxtlar Rusiya pasprotları almasına deputat Vahid Əhmədov “Azərbaycanın müstəqilliyi “qırmızı xəttdir” və onu keçmək olmaz” bəyanatını səsləndirib.

“Yeni Müsavat” qəzetinin iddiasına görə, rəsmi Bakı keçmiş səhiyyə naziri Əli İnsanova ölkəni tərk edəcəyi şərtini qəbul etdiyi halda halda əfv olunacağı barədə mesaj göndərib.

Beynəlxaq bankdan olan qrupun “Bank of Azeribaycan”da yoxlama aparmasını qəzet “Cahangir Hacıyevin “Hafka”nın bankını əlindən alması kimi dəyərləndirir.

Qəzet ABŞ-ın Azərbaycan səfiri R.Morninqstarın müsahibəsində rəsmi Bakını tənqidə görə ölkədən qovulması xəbərinin artmasına diqqət çəkərək QHT rəhbəri Anar Məmmədliyə uzunmüddətli cəzanın istənilməsini ABŞ-a xəbərdarlıq sayır.