Mətbuat-Monitorinq 22.06.15

Rəsmi qəzetlər Avropa Oyunları, bu oyunlarla bağlı foto və yazılara geniş yer veriblər.

“Azadlıq” qəzeti hökumətyönlü mətbuatın səfir Eldar Həsənovla “üsyankar” səfir Arigf Məmmədov arasında əlaqə olması barədə açıqlamasını “Eldar Həsənovun hücuna keçməsi” kimi dəyərləndirərək manjetə çıxarıb.

DİN Cinayət Axtarış İdarəsinin keçmiş rəisi Emin Şəkinskinin keçmiş həyat yoldaşının məhkəməsi başlanıb. O, külli miqdarda pul oğurlamaqda ittiham edilir.

Gəncədə iki uşağın başı kəsilib, uşaqlardan biri ölüb, digərinin durumu ağırdır. Polis bu cinayəti uşaqların anasının törətdiyini iddia edir.

Əsassız həbs təhlükəsilə üzbəüz qalan və İsveçrənin Bakı səfirliyində sığınaraq bu günlərdə ölkədən kənara çıxarılan Emin Hüseyn “müstəqil məhkəmənin olmadığı, hüquq-mühafizə qurumlarının hakimiyyətə tabe olduğu bir ölkədə ədalətli mühakiməyə ümid etməyin özünü ümidislik” kimi dəyərləndirib.

Müdafiə Nazirliyinin orduda döyüş ruhunu gücləndirmək haqda  bəyanatlarına qəzet  “bunun üçün öncə ordunun “dedovşina”dan, yalnız kasıb övladlarının döyüş bölgəsində yerləşdirilməsi kimi neqativlərdən təmizlənməsi lazımdır” cavabını verib.

Avropa məhkəməsinin Azərbaycandan olan hakimlərə etimad göstərməməsini qəzet “iqtidara daha bir utanc” kimi dəyərləndirir.  

“STS” və “Sahil-D” şirkətlərinin direktoru, Diaspor Komitəsi sədrinin qaynı Mübariz Cəfərov kredit qalmaqalına görə ihtihar edib.

Qəzetə görə, obyektlərin aşağı şəkildə icarəyə verilməsi vergidən yayınmaq üçün edilir.

“Yeni Müsavat”    dövlət başçısı İlham Əliyevin əmisioğlu İlqar Əliyevə məxsus “Riad-Farm” şirkəti prezidentinin həbsini “oliqarxların həbsinin ikinci dalğasının başlaması” adlandırır.

Qəzetin iddiasına görə, manatın ucuzlaşması ölkənin mal bazarında qiymətləri aşağı salsa belə də alıcı tapılmır.