Mətbuat-Monitorinq 23-24.02.14

Rəsmi qəzetlər Xocalı faciəsinin növbəti ildönümü ilə  bağlı çoxsaylı məqalələrin dərcinə üstünlük veriblər

“Azadlıq” qəzeti Türkiyədəki məşhur “Xidmət Hərəkatı”nın rəhbəri Fətullah Gülənin Azərbaycanın müdafiə və xarici işlər nazirlərilə əlaqəsi haqda açıqlamasını ilk səhifəyə çıxarıb. 

Ukraynadakı ictimai-siyasi olayları təhlil edən ekspertlərə istinadən qəzet “Növbə Azərbaycanındır?” qənaətini ifadə edir. 

Keçmiş deputat Gültəkin Hacbəylıi Ukrayna hadisələrini rəsmi Bakı üçün “əcəl zəngi” adlandırıb. 

Politoloq Vəfa Quluzadə Ukrayna olaylarını Rusiyanın yaratmaq istədiyi “Avrasiya İttifaqının dəfni” kimi dəyərləndirib. 

Azərbaycan manatının 2005-2011-ci illərdə Avstriyada çap olunması ilə bağlı rüşvət qalmaqalına aid məhkəmədə “OeBS” şirkətinin keçmiş direktoru Raluka Tanasesku komission ödəmələrin köçürüləcəyi bank hesablarını Azərbaycandan aldığını desə də “ad çəkə bilmərəm, qorxuram” deyib.  Bu məhkəmə prosesilə bağlı Azərbaycan Mərkəzi Bank rəhbərliyinin inidyə kim açıqlama verməməsini hüquqşünaslar “biabırçılıq və rüsvayçılıq” adlandırıblar.

Jurnalist Xədicə İsmayılova  hansısa “dövlət sirri”ni yaydığına görə istintaqa cəlb olunmasını “rejimin fərqli düşüncənin bütün formalarını boğması” hesab edir.

Beynəlxalq Jurnalsitləri Müdafiə Komitəsi rəsmi Bakını Xədicə İsmayılovaya  “çirkin kampaniya”ya son qoymağa çağırıb. 

BDU tələbələri “Universitetdə zorakılığa son qoyun!” tələbilə rektor Abel Məhərrəmova qarşı imzatoplama kampaniyasına başlayıblar.

Bakı-Novorossiyask neft kəmərilə neft nəqlinə dair   bağlanan yeni sazişi ekspertlər “siyasi qərar” sayıblar. 

“Bizim yol”  Ukrayna hadisələrilə bağlı xəbərləri ilk plana çıxararaq hərəkat fəallarının aeroporta gedən yolları bağlamalarını və məmurları ölkədən çıxmağa qoymadıqlarını bildirir.

Azərbaycanın müstəqillik aktına imza atan deputatlar hələ də pensiya ala bilməmələrini bəyan edərək bunu rəsmi Bakının onlara qarşı ayrı-seçkiliyi kimi dəyərləndiriblər.

İmtahan kəsirinə görə pul ödənməsi haqda Nazirlər Kabinetinin qərarına etiraz olaraq aksiya keçirən tələbələrin təzyiqə məruz qalmayacaqlarını deyən BDU rektoru Abel Məhərrəmov qərarın ləğvi müzakirə olunsa müsbət həll olunmasına tərəfdar olacağını söyləyib. 

“Yeni Müsavat”  Ukraynanın apardığı mübarizəyə rəsmi Bakının maddi yardım etdiyini və “meydan büdcəsi”nə nəzarət edən maliyyə qurumuna məxfi şəkildə ötürməsi haqda iddiasını ilk səhifəyə çıxarıb. 

Politoloq Hikmət Hacızadə Ukraynadakı xalq hərəkatını “müxalifətin xalqı yox, xalqın müxalifəti ayağa qaldırması” kimi dəyərləndirib. 

“Xocalı qətliyamı”nı erməniləri törətdiklərini etirafa çağıran keçmiş prezident müşaviri Jirayr Libaredyan “törətdiyimiz cinayəti etiraf etmiriksə, niyə ümid edək ki, başqaları ermənilərə qarşı törədilən cinayətləri tanıyacaq” mövqeyini bildirib.

Qəzet Hacı Mazan adlı şəxsə məxsus “Bayram-M” müəssisəsinin yol çəkilşi adı ilə dövlət büdcəsindən 200 milyon manat vəsaitin  silindiyini və şeyxülislam Allahşükür Paşazadənin bu şirkətə yaxınlığını da önə çəkir.

Imtahan kəsirinə görə pul ödənilməsi barədə qərara etiraz olaraq BDU tələbələrinin keçirdyi aksiyaya cavab olaraq bir qrup alim verilən qərarın “doğruluğunu” bildiriblər  və BDU rəhbərliyini müdafiə ediblər.