Rəsmi qəzetlər dövlət başçısı İlham Əliyevin qatıldığı Davos Forumu çərçivəsində keçirdiyi görüşlər barədə xəbərləri ilk səhifələrə çıxarıblar.
“Azadlıq” qəzeti dövlət başçısı İlham Əliyevin Gəncə səfərində bu bölgədən olan deputat Aydın Abbasovun görünməməsini “deputatın İ.Əliyevə yaxın buraxılmaması” hesab edərək manjetə çıxarıb.
Davos Forumunda dövlət başçısı İlham Əliyevin İsrail prezidentilə görüşünü ekspertlər “ABŞ-ın Azərbaycana demokratiya tələblərini neytrallaşdırmaq cəhdi” sayıblar.
Rəsmi Bakının qida məhusllarının ölkədə istehsal olunması haqda bəyanatlarına ekspertlər “ölkənin ərzaq buğdasına tələbatı ancaq idxal hesabına ödənir” şərhini veriblər.
Milli Şuranin yeni yaranan Koordinasiya Şurası ölkədə demokratik seçki mühitinin yaradılmasını əsas hədəflərdən biri elan edib.
İş adamı Azad İsgəndərovun apardığı tikinti Qarabağ qazisi Niyaz Əmiraslanovun evinə gedən yolu kəsdiyi üçün o, buna etiraz edərkən özü və atası fiziki zorakılığz məruz qalıblar.
“Zerkalo” AŞPA-nın Azərbaycan üzrə həmməruzəçiləri Aqramunt və Qrexin insan haqlarının onları maraqlandırmaması kimi həyasızlıq nümayiş etdirmələrinə “Aqramunt və Qrexin “qiyməti”ni üzə çıxarmaq lazımdır” mövqeyini sərgiləyir.
“Ekspress” ANAMA-ya istinadən Qəbələ RLS-in minalardan altı aya təmizlənəcəyini bildirir.
“Exo” ölkədəki palçıq vulkanlarının monitorinqinin aparılacağını yazraq dünyadakı 2 min belə vulkandan 350-nin Azərbaycan ərazisində olduğunu nəzərə çatdırır.
“Bizim yol” Mərkəzi Bankın avtomobil kreditlərini qadağan etməsinin hiddət doğurduğunu, bankların, sığorta şirkətləri və avtosalonların çökdüyünü iddia edir.
Metroda bahalaşmaya hazırlıq getdiyini yazan qəzet ekspertlərə istinadən bunu “metro tikintisinə çəkilən xərci xalqın hesabına ödəmək istəyi” adlandırır.
“Yeni Müsavat” Bakı və ətraf qəsəbələrin qazlaşdırılmasının 2013-cü ildə başa çatmalı ikən daha 3 il uzadılmasını “ARDNŞ-nin Dövlət Proqramını fiaskoya uğratması” adlandırır.
“İsmayıllı hadisələri”nin ildönümü ərəfəsində həmin olayları təhlil edən ekspertlər “islahatlar olmasa növbəti oxşar hadisələr qaçılmazdır” mövqeyini ifadə ediblər.
Avtomobillərlə bağlı kreditlərin dayandırılmasına toxunan ekspertlər bu məhdudiyyətlərin 20 bankı sarsıda biləcəyini bəyan ediblər.
Mərkəzi Bank və Gömrük Komitəsinin avtomobil idxalı və satışı inhisarçılarına “yaşıl işıq” yandırdığını yazan qəzet “bu bazarın da bir əldə cəmləndiyini” bildirir.
Cəmiyyət
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
-
Yanvarın 31-də saat 12 radələrində Ağcabədi rayonunun Hindarx qəsəbəsində yerləşən evlərdən birində 5 nəfərin ölməsi, 2 nəfərin yaralanması ilə nəticələnən partlayış baş verib. Xəbəri Baş Prokurorluğun mətbuat xidməti yayıb. Faktla bağlı Ağcabədi rayon prokurorluğunda araşdırma aparılır.
-
Şənbə günü Bakıda hava şəraiti dəyişkən buludlu, yağmursuz olacaq. Şimal-şərq küləyi əsəcək. Havanın temperaturu gecə 5-7 dərəcə, gündüz 8-12 dərəcə olacaq. Nisbi rütubət 70-80% təşkil edəcək.
-
Yanvarın 29-da Azərbaycanda bələdiyyə seçkiləri keçirildi. 118 dairə üzrə seçkilərdə 16 mindən çox namizəd iştirak etdi. Mərkəzi Seçki Komissiyasının (MSK) saytında artıq lider namizədlərin adları açıqlanıb. Seçkidən saatlar sonra isə MSK sədri Məzahir Pənahov brifinqdə bildirmişdi ki, 685 bələdiyyənin 413-ü artıq formalaşmış hesab edilir, lider namizədlərin sayı 7 min 791 nəfərdir. Onun sözlərinə görə, bütün dairələrdə seçkilər normal keçib və rəhbərlik etdiyi quruma heç bir şikayət daxil olmayıb. Halbuki, müstəqil namizədlər və ekspertlər seçkilərin gedişatında pozuntuların olduğunu deyirlər.
Rəy yaz