Rəsmi qəzetlər PA ictimai-siyasi şöbənin müdiri Əli Həsənovun RF-AR arasında münasibətlərə dair müsahibəsini dərc ediblər.
“Azadlıq” qəzeti məşhur iş adamı Hafiz Məmmədova məxsus “Bank of Azerbaijan”ın Beynəlxalq Bankın rəhbəri Cahangir Hacıyevin nəzarətimə keçməsi xəbərini ilk səhifəyə çıxarıb.
Qəzetə açıqlama verən ekspertlər qeyd edirlər ki, müdafiə naziri Zakir Həsənov onun barəsində yalan məlumat yayan polkovnik Elxan Məcidovun general rütbəsinə təqdim olunmasına qəti etiraz edib.
Qəzet dövlət başçısı İlham Əliyevin Qərblə münasibətlərə önəm verməsi, bəzi rəsmilərin isə RF ilə əlaqələrin inkifaşı haqda açıqlamalarını “Əliyev və komandasının ayrı-ayrı dillərdə danışması” adlandırır.
AXCP üzvü Kəmalə Bənənyarlının bu il mayın 6-da aksiyada saxlanılaraq Nəsimi Rayon Polis İdarəsində işgəncəyə məruz qalması barədə şikayətini ölkə prokurorluğu əsassız sayan qərar çıxarıb. K.Bənənyarlı qərarı “saxta və yalan” adlandırıb.
ABŞ Dövlət Departamentinin hesabatında insan alverini ləğv etmək üçün rəsmi Bakının minimum standartlara əməl etmədiyi yerl alır.
Qəzet hadisə şahidlərinə istinadən Binəqədi rayon 5 saylı polis bölməsinin rəisi Anar Şıxəliyevin bu günlərdə Xutord qəsəbəsi ərazisində bıçaqlanmasının hansısa cinayət əməliyyatı ilə yox, sakinləri söyməsilə bağlı olduğunu yazır.
“Yeni Müsavat” qəzeti Bakıda vəhabi təriqətindən olanlara qarşı daha bir əməliyyatın hazırlanmasını önə çəkərək bunu “İŞİD-in küləyi”nin Azərbaycanı da vurması” adlandırır.
Qəzet Tovuzda fermer İsmayıl Hüseynova məxsus 985 ha yaylaq ərazisini Daşkəsən torpaq şöbəsi müdirinin qanunsuz olaraq ayrı-ayrı adamlara satdığını bildirir.
Qəzet ekspertlərə istinadən QHT-lərin fəaliyyəti haqda qanuna son dəyişiklikləri “xarici QHT-lərlə bağlı daha bir məhdudiyyət” kimi dəyərləndirir.
2015-ci il ildə formalaşacaq parlamentdə rəsmi Bakının fraksiya yaradılmasına ilkin razılıq verdiyini iddia edən qəzet bunu “hakimiyyətin sensasion 2015-ci il ssenarisi” adlandırır.
Bu günlərdə vəhabi təriqətindən olan şəxslərin saxlanılmasına toxunan qəzet bu şəxslərdən Bakı meri Hacıbala Abutalıbovun oğlunun barəsində ifadə alındığını nəzərə çatdırılır.
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz