Mətbuat-Monitorinq 23.06.15
Rəsmi qəzetlər Avropa Oyunları ilə bağlı mövzuları və bu sıradakı uğurlar haqda informasiyaları önə veriblər. Bundan əlavə, “Azərbaycan” qəzetində rəsmi Bakını son vaxtlar ciddi tənqidə məruz qoyan Almaniya əleyhinə qəzetdə “Almaniya bu gün: hegemon, yoxsa, vassal?” adlı irihəcmli məqalə dərc edilib.
“Azadlıq” qəzeti dövlət başçısı İlham Əliyevin Litva prezidenti Reymond Veyonislə müəmmalı görüşü olması iddiasını manjetə çıxarıb.
Qəzet jurnalist Xədicə İsmayılla bağlı istintaq işinin başa çatdığını, dövlət sirlərini yaymaq ittihamı xaric qalan ittihamların qüvvədə saxlandığını bildirir.
Bakıdakı yanğına görə rəsmi Bakını tənqid edən diplomat Arif Məmmədovun “Rusiya layihəsi” elan olunmasını qəzet “iqtidarın növbəti Rusiya avantürası” sayır.
“Parabank” “KİA Motors az”a aid 40 milyon manat vəsaiti qeydiyyata almadan xəzinədə saxlayıb və dövriyyəyə buraxıb. Bankların müştərilərdən kredit borclarını manatdan dollara çevirmələrini tələb etdiklərini, etiraz edənlərin “bandotdel”ə aparılaraq hədələndiklərini yazan qəzet bunu “bankların xaos ssenarisi” kimi dəyərləndirir.
Bu gün AŞPA-da Azərbaycanla bağlı məsələnin müzakirə olunacağını yazan qəzet son repressiyalara da daxil olmaqla ölkədəki acınacaqlı duruma dair qətnamə qəbul olunacağını qeyd edir.
İranda “quş qripi” aşkar olunduğunu yazan qəzet bununla bağlı İrandan Azərbaycana quş əti gətirilməsinə qadağa qoyulduğunu nəzərə çatdırır.
“Ekspress” bəzi ali məktəblərin təhsil haqqını artıra biləcəklərini yazaraq bunu “tələbələrə bəd xəbər” kimi dəyərləndirir.
AŞPA-nın Azərbaycanda parlament seçkilərini izləycəyini yazan qəzet qurumun müşahidə missiyasının tərkibini formalaşdırmaq üçün alt komitə yaratdığını qeyd edir.
“Novoe Vremya” qaz ixracı ilə bağlı Azərbaycanın Rusiya ilə danışıqlar aparmasını önə çəkərək bunu “Azərbaycanın qaz bazarına “qazsız” daxil olması” kimi qiymətləndirir.
“Bizim yol” Diaspora Komitəsinin sədri Nazim İbrahimovun qaynı Məzahir Cəfərovun özünü asmasına toxunaraq onun “ailədə özünü asan üçüncü adam olduğu”nu nəzərə çatdırır.
Qəzet TQDK-nın imtahanlarında şagirdlərin 25%-nin ana dili fənnindən iki aldığı ölkədə kimlər yetişəcək sualını gündəmə gətirir.
“Yeni Müsavat” diplomat Arif Məmmədovun rəsmi Bakıya etirazı fonunda “böyük ələnmə qapıda” adlı iddiasını ilk səhifəyə çıxarıb.
Avropa Şurasının yay sessiyasının başladığını yazan qəzet Azərbaycanda vətəndaş cəmiyyəti institutlarının durumunu müzakirə etdiklərini nəzərə çatdırır.
Ekspertlər satışda olan qarpızların əksəriyyətinin GMO məhsulları olduğunu bildirərək yeməməyi tövsiyə edirlər.
-
- İqtisadiyyat
- 23 İyun 2015 13:44
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz