Rəsmi qəzetlər dövlət başçısı İlham Əliyevin Qurban bayramı münasibətilə xalqa təbrikinin, bəzi sərəncamlarının mətnini və İraqın Azərbaycandakı səfirini fəaliyyətinin başa çatması ilə bağlı qəbul etməsi haqda xəbəri ilk səhifələrdə yerləşdiriblər.
“Azərbaycan” qəzeti Avroparlamentin Azərbaycanla bağlı məlum tənqidi qətnaməsini “Qərbin yeni müstəmləkəçilik ambisiyasının növbəti təzahürü” kimi dəyərləndirən məqalə dərc edib.
“Azadlıq” qəzeti Hesablama Palatasının nazir Ziya Məmmədovun fəaliyyətini yoxlamağa başlamasını onun “vurulacağı” kimi manjetə çıxarıb.
Qəzet ölkədə insan haqlarının pozulması və ona beynəlxalq miqyasda reaksiyalar mövzusuna, iqtisadi sahəyə daha geniş toxunub.
Həbsdə olan AXCP məsulu, Qarabağ qazisi Asif Yusiflinin səhhəti pisləşib, apellyasiya şikayəti üzrə ilkin baxışda vəsatətlərin heç bir təmin edilməyib.
2 saylı həbsxanada cəza çəkən REAL Hərəkatının rəhbəri İlqar Məmmədova həbsxana rəhbərliyi telefonla danışmağı qadağan edib.
ABŞ-ın ATƏT-dəki təmsilçisi Devid Kremer qurumun Polşada keçirilən tədbirində Azərbaycanda vətəndaş cəmiyyətinə qaşrı kütləvi repressiyaların baş verdiyini bəyan edib.
Jurnalist Seymur Həzinin Abşeron Rayon Məhkəməsinin 5 il azadlıqdan məhrum etməsi qərarından apelyasiya şikayətinə baxılıb, baxış sentyabrın 29-na təxirə salınıb.
MTN-ə çağırılan ilahiyyatçı Tale Bağırzadəyə çıxışlarında dövlət əleyhinə fikirlər olduğu deyilib, din xadimi isə dövlətə yox, idarəçiliyə etiraz etdiyini bildirib.
Azərbaycanda vətəndaş cəmiyyətinə repressiyaların Avropa Şurasının yerli və regional hakimiyyətlər Konqresində müzakirə edildiyi nəzərə çatdırılır.
Asiya İnkişaf Bankı manatın növbəti dəfə devalvasiyaya uğrayacağı anonsunu verib.
Ekspertlər bildirirlər ki, bu il ölkədə Avropa Oyunlarının keçirilməsinə baxmayaraq, turizmlə bağlı xidmətin dəyəri elə keçən ilki səviyyədə qalıb.
“Ekspress” məktəb dərsliklərindəki “biabırçı” ifadələrin işlənməsini diqqət mərkəzinə çəkib.
2014-cü ildə Azərbaycanın 106 min nəfər vətəndaşı Rusiyada əmək fəaliyyətilə məşğul ola bilmək üçün patent alıb.
“Exo” ekspertlərə isnadən Azərbaycanda keyfiyyətsiz zərgərlik məhsualları hazırlayan 200-ə yaxın sexin fəaliyyətdə olduğu iddiasını önə çəkib.
“Novoe Vremya” Asiya İnkişaf Bankının Azərbaycanda növbəti devalvasiya ola bilməsinə “Belə, bizi devalvasiya-2 gözləyirmi?” sualını diqqət mərkəzinə çəkir.
“Bizim yol” hökumətin dərmanların qiymətlərini tənizmlənməsindən sonra şəhər apteklərində dərman tapılmamasını ilk səhifəyə yerləşdirib.
Avropa məhkəməsinin çıxardığı qərarların icrası ilə bağlı Avropa Şurasının Nazirlər Kabineti 22-24 sentyabr iclasında araşdırma aparacaq və bu sırada Əli İnsanov və İlqar Məmmədovun da adları yer alır.
“Yeni Müsavat” İraq və Suriyada İŞİD tərkibində döyüşmüş Azərbaycanın 5 nəfər vətəndaşının həbsini “İŞİD-in Bakıda sıxışması” ilk səhifəyə çıxarıb.
Ölkədə seçki mühitinin pis olması ilə bağlı bəzi partiyaların seçkidə iştirak etməmək qərarını hakim YAP “xarici qüvvə izi” kimi şərh etməyə üstünlük verir.
Müsavat Partiyasının başqanı Arif Hacılı partiyanın parlament namizədlərinə bütün bölgələrdə problem yaradıldığı barədə bəyanat səsləndirib.
Ekspertlər gələn il 150-200 min nəfərin işsiz qala biləcəyi, sosial durumun ağırlaşacağı barədə xəbərdarlıq edərək bunu “böhranın qapıda olması” adlandırırlar.
Ölkənin maşın bazarında durumla bağlı satıçılar “fevral ayndan bu yana alıcı tapmağın mümkün olmaması” bəyanatını səsləndiriblər.
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz