Mətbuat-Monitorinq 23.12.15

Rəsmi qəzetlər Əfqanıstan prezidenti Məhəmməd Əşrəf Qaninin Azərbaycana rəsmi səfəri haqda xəbərləri ilk səhfələrə yerləşdiriblər.

Bundan əlavə, bu qəzetlərdə lisenziyalaşdırma, nəqliyyat, vətəndaşlara xidmət dövlət rüsumlarından istifadə sahəsində fərmanların mətnləri qəzetlərdə yer alıb.

“Azadlıq” qəzeti dekabrın 21-də manatın 48% devalvasiyası ilə bağlı mövzunu diqqət mərkəzində saxlayır. Bu məsələ ilə bağlı AXCP sədri Əli Kərimli devalvasiyanın nəticəsi kimi qiymətlərin 50% bahalaşmasını ilkin mərhələ sayır, qarşıda vətəndaşları kütləvi işsizlik, bankların bağlanması, bağlanan banklarda əmanətlərin batması kimi və s. neqativ halların gözlədyini deyir.

Aktrisa Fidan Axundova xalqı devalvasiya ilə bağlı yaranan bahalaşmaya etiraza çağırır.

Qəzet daha bir aparıcı mövzu kimi ölkədə insan haqlarına toxunur. AXCP sədrinin müavini Fuad Qəhrəmanlı həbsini əsassız saydığı üçün ona təqdim edilən bəzi sənədləri imzalamaqdan imtina edib.

Bu ilin avqustunda döyülərək qətlə yetirilən jurnalist Rasim Əliyevin qətlinin təşkilatçısı sayılan   “Qəbələ” futbol komandasının kapitanı Cavid Hüseynovla bağılı icinayət işinin ayırmasını müdadifə tərəf istintaqın C.Hüseynovu “aradan çıxarması” hesab edir.

Bu sırada Vergilər Nazirliyinin 14 saylı Ərazi Vergilər İdarəsinin rəisi Fəxrəddin Əliyevin oğlu Məhərrəm Əliyevin Lökbatandakı “Zeytə Park” restoranında 6 nəfərə odlu silahdan atəş açması, bu qudurğanlğa görə atasının vəzifədərn azad olunması, özünün isə həbsə alınması yer alır.

Dünyanın super dövləti ABŞ Konqresində sanksiyalar da nəzərdə tutan “Azərbaycanda Demokratiya Aktı” layihəsinin müzakirəyə çıxarılmasına rəsmi Bakının “sənəd qəbul ediləcəyi halda rəsmi Bakının lazımi reaksiya verəcəyi” mövqeyinə qəzet “Azərbaycan da ABŞ-a sankasiya tətbiq edəcək?” ironiyası ilə münasibət ifadə edir. Milli Şuranın sədri, tarixçi-professor Cəmil Həsənli isə bu sənədi “xalqa qarşı yox, ölkəni talayan bir qrupa qarşı” sənəd kimi dəyərləndirir.         

“Ekspress” isə Kollektiv Təhlükəsizlik Müqaviləsi Təşkilatında Ermənistanın Azərbaycan əleyhinə fəaliyyətini önə çəkir.

Ölkə həyatının əsas müzakirə mövzusu olan devalvasiya məsələsini arxa plana keçirən qəzet bu sırada ancaq apteklərin bağlanmasını, dərman satışının dayandırılmasına toxunur.

“Exo”  devalvasiya məsələsilə bağlı “manatın üzə bilməyəcəyi”ni və qiymət artımını hökumətin nəzarətdə saxlaya bilməyəcyini diqqət mərkəzinə çəkir.

Devalvasiyanın doğurduğu daha bir məqam diqqət çəkir, belə ki, bu hadisədən sonra əmək miqrantlarının Bakıdan artıq regionlara qayıtdıqlarını nəzərə çatdırır.

Qəzet devalvasiya ilə bağlı ekspertlərə isnadən qeyd edir ki, yeni il öncəsi xaricə  turistik gedişlər 30% azalıb.           

“Novoe Vremya” devalvasiyanı hökumətin yarıtmaz  neft-qaz siyasətinin nəticəsi sayaraq hökumətə irihəcmli layihələri dayandırmaq, manatı sabitləşdirmək və iqtisadi islahatlarla ölkən iqtisadiyyatını xilas etməyi əsas prioritet adlandırır.

“Bizim yol” devalvasiya fonunda sahibkarlıq fəaliyyətilə bağlı bir sıra lisenziyaların ləğvi, bəzilərinin rüsumlarının azaldılması ilə bağlı dövlət başçısının  fərmanlarını “mühüm antiböhran qərarları” kimi ilk səhifəyə yerləşdirir.

Devalvasiya fonunda dərmanların bahalaşacağını yazan qəzet səhiyyə nazirinin müavini ElsevərAğayevə insadən bununla bağlı Tarif Şurasına müraciət olunduğunu nəzərə çatdırır. 

Devalvasiyanın daha bir fəsadı kimi kreditlərin ödənilməsi məsələsində əhali ilə bankların üz-üzə qalması göstərilir və kreditlərin ödənilə bilməməsi səbəbindən bankların bir çoxunun çökə biləcəyi əksini tapır.  

Qəzet devalvasiya fonunda bir qrup müğənninin Vergilər Nazirliyinə çağırılaraq vergiləri ödəmədikləri üçün 1000 manatdan 35 min manata qədər cərimə olunmalarına da diqqət çəkir. 

“Yeni Müsavat”  da devalvasiya mövzusunu və devalvasiyadan sonra qiymətlərin total bahalaşmasını öndə saxlayır.

Deputat Eldar İbrahimov devalvasiyanın “hər kəsin cibinə təsir edəcəyi”ni deyib, xalqa yalançı “inşallah, neftin qiyməti qalxar, hər şey də düzələr” təsəllisi verib.

Ekspertlər isə manatın dövriyyə qabiliyyətini saxlaya bilməsi üçün ğömrükdə inhisara son qoyulmasını təklif edirlər.

Hüquq müdafiəçisi Arzu Abdulla hökumətə “əsassız inadkarlıq Azərbaycanın xeyrinə deyil” bəyanatı səsləndirərək bütün siyasi məhbusları azadlığa buraxmaq çağırışı edir.

Lökbatandakı “Zeytə Park”da 6 nəfəri güllələyən Məhərrəm Əliyevin atasının Vergilər Nazirliyinin idarə rəisi, yəni, dövlət məmuru olması xüsusi qeyd edilir, hadisə sıradan bir kriminal kimi yox, ictimai mövqeyə arxayın olaraq törədilən hadisə kimi təsnif edilir.

ABŞ Konqresində Azərbaycana qarşı sanksiyalar nəzərdə tutan “Azərbaycanda Demokratiya Aktı” layihəsi fonunda ikitərəfli münasibətlərə toxunulur və rəsmi Bakının  sənədin müzakirəsinin qarşısını almaq üçün ABŞ-dakı səfirlik və Los-Ancelosdakı konsulluğun iş aparmağa başladığı nəzərə çatdırılır.