![Mətbuat-Monitorinq 24.01.14](https://turan.az/resized/media/2014/main/012300066567-750-500-resize.webp)
Mətbuat-Monitorinq 24.01.14
Rəsmi qəzetlər dövlət başçısı İlham Əliyevin Davos Forumu çərçivəsində görüşləri, qatıldığı tədbirlər barədə xəbərləri ilk səhifələrə çılxarıblar.
“Azadlıq” qəzeti Ukraynadakı etirazlarıın rəsmi Bakını qorxutduğunu yazaraq buna “iqtidar təşviş içində” yanaşması sərgiləyir.
Almaniyanın Bertelsmann Fondu tədqiqatının nəticələrinə görə, Azərbaycan demokratiyaya keçid müstəvisində sürətlə geriləyir.
AŞPA-nın Azərbaycan üzrə həmməruzəçilərini ölkədə repressiyalara “yaşıl işıq” yandırmaqda suçlayan hüquq müdafiəçisi Leyla Yunus onları “əclaf” adlandırıb.
Dövlət başçısı İlham Əliyevin bu günlərdəki çıxışında AXC hakimiyyətini (1992-93-cü illər) vətənə xəyanətdə suçlamasına cavab olaraq ekspertlər İ.Əliyevə həmin hakimiyyətin düşməndən aldığı ərazilərin 52%-nin və üstəlik daha 6 rayonun Heydər Əliyevin vaxtında işğal olunduğunu xatırladıblar.
Təkcə yanvar ayında 25 intihar hadisəsinin qeydə alındığını nəzərə çatdıran ekspertlər bu fakta “ölkəni intihar hadisəsinin bürüməsi” şərhini veriblər.
Ekspertlər Rəqabət Məcəlləsinin hazır olmasına baxmayaraq, hələ də qəbul olunmamasını inhisarçıların bu layihəyə qarşı olmaları ilə əlaqələndiriblər.
“Zerkalo” Azərbaycan və Ermənistan dövlət başçılarının fevral görüşünün pozulması ehtimalını “əgər, Cənubi Qafqazda situasiyanı gərginləşdirməkdə maraqlı olan xarici “oyunçular” onlara imkan verərsə” şəklində nəzərə çatdırır.
Qəzet beynəlxalq hesabatlara əsasən qida məhsullarının keyfiyyətinə görə Azərbaycanın sonuncu yerlərdən birini tutduğunu bildirir.
“Ekspress” Azərbaycanla Türkiyənin aviasiya və hava hücumundan müdafiə sistemində birgə olaraq “vahid dost-düşmən tanımaq” sistemi qurmağa başlamasını ilk səhifəyə çıxarıb.
Ekspertlər ölkədə mənzil qiymətlərinin get-gedə bahalaşmaqda olduğunu və bu bahalaşmanın qarşıdakı 3 il boyu davam edəcəyini bildiriblər.
Neft Akademiyasının III kurs tələbəsi Rəhman Kərimov kütləvi dava zəminində 5 nəfərə bıçaq xəsarəti yetirib, yaralılar xəstəxanaya yerləşdirilib, tələbə isə həbsə salınıb.
“Novoe Vremya” rəsmi Bakının demokratik dəyişikliklərdən boyun qaçırdığını iddia edərək bunu “demokratiyaya keçidin baltalanması” adlandırır.
“Bizim yol” ölkə əhalisinin banklara 6,4 milyard borcunun olduğunu yazaraq ekspertlərin bu duruma “ağır ödəniş yükü ilə verilən kreditlər yoxsul təbəqə üçün deyil” şərhini veriblər.
Elektrik xətlərinin çəkilməsi ilə bağlı eyni həcmdə vəsaitə Türkiyə şirkətinin 1300, Azərbaycan dövlət şirkətinin isə cəmi 30-a yaxın layihə icra etməsini qəzet “ölkənin enerji sektorunun korrupsiya içində boğulması” adlandırır.
“Yeni Müsavat” Ali Hərbi Məktəbin yüksək rütbəli şəxsin həbsini, dəniz donanmasında yoxlamaların başlamasını Əbiyevçilərin həbsinin davam etməsi, keçmiş nzirin ətrafında həbs həlqəsinin daralması kimi dəyərləndirir.
Qəzet yanvar ayının ötən 23 günü ərazində orduda 6 hərbçinin ölümünü və 9 nəfərin yaralanmasını “qorxunc statistika” adlandırır.
Ekspertlər ölkədə avtomobil alınmasına qoyulan kredit qadağasını “maşın bazarı və bankların çökdürülməsi” kimi şərh edirlər.
Cəmiyyət
-
Bu il Aşura ilə əlaqədar ölkədə 35 ünvanda qanvermə məntəqələri təşkil olunub. Ötən il belə məntəqələrin sayı 16 olub. Bu barədə Dini Qurumlarla İş üzrə Dövlət Komitəsinin məlumatında deyilir.
-
Ölkənin ən böyük özəl mobil operatoru “Bakcell” tətbiqində yeni süni intellekt (AI) dəstəkli "Tarif Məsləhətçisi" funksiyasını istifadəyə verib. Bu innovativ alət, abunəçilərin zəng və internet ehtiyaclarını nəzərə alaraq onlara ən uyğun tarif planlarını tövsiyə edir.
-
İyulun 17-də Bakıda və Abşeronda yağıntısız isti hava şəraiti davam edəcək. Havanın temperaturu gündüz müsbət 32+37 dərəcə olacaq. Gündüz rütubət 40-45 faiz, gecə 60-65 faiz arasında olacaq.
-
Bu gün sosial şəbəkələrdə yayılan videoda polis zabitinin bir vətəndaşın cibinə narkotik maddə atdığı və onu saxladığı iddia edilir. İnsident ticarət mərkəzlərinin birində baş verib. Mülki geyimli şəxs bir nəfərə arxadan yaxınlaşaraq cibinə nəsə qoyur.
Rəy yaz