Mətbuat-Monitorinq 24.06.14

Rəsmi qəzetlər ilk səhifələrində dövlət başçısı İlham Əliyevin Strasburq səfərinə dair xəbərləri, ölkənin maşınqayırma sənayesində çalışanların bir qrupunun “Tərəqqi” medalı ilə təltif olunması,  daha bir neçə nəfərə “əməkdar mühəndis” fəxri adının verilməsi barədə sərəncamların mətnlərini dərc ediblər.

“Azadlıq” qəzeti PA-nın rəhbəri Ramiz Mehdiyevin iyunun 20-də Rusiyada səfərdə olsa da bu haqda ancaq iyunun 23-də xəbər yayılmasını ön plana çıxararaq səfəri “müəmmalı” və “iqtidardakı ruspərəstlərin fəallığının artması” adlandırır.

Qəzet hakimiyyətin hazırda həbsdə olan gənc fəal Elsevər Mürsəllidən heç zaman üzvü olmadığı AXCP-dən istefası haqda ərizə almasını “daha bir gəncin köməksiz vəziyyətindən “sui-istifadə” adlandırır.  

Azərbaycan və Rusiyanın dövlət başçıları İlham Əliyev və V.Putinin Qarabağ müzakirəsinə ekspertlər “Kreml Qarabağ məsələsini yalnız öz maraqları çərçivəsində həll edər” şərhini veriblər.

Rəsmi Bakının müstəqil QHT-lərə daha da artan təzyiqlərinə görə beynəlxalq qurumları da suçlu bilən yerli ekspertlər “beynəlxalq qurumlar vaxtında kəskin mövqe bildirsəydi durum indiki hala gəlməzdi” mövqeyini ifadə ediblər.

Qəzet Milli Şuranın “Avropa İttifaqı ilə inteqrasiyanın zərurilyi haqda” qəbul etdiyi Bəyannaməni “Milli Şuradan Avropa İttifaqı ilə bağlı mühüm sənəd” kimi dəyərləndirir.

“Ekspress”  son günlər küləkli küçən hava durumu ilə bağlı Bakı səmalarında tozun mirdarının1.2-1.6 dəfə çox olduğunu yazır.

Qəzet son iki gündə paytaxt yollarında baş verən avtomobil qəzalarında 9 nəfərin həlak olduğunu, 18 nəfərin yaralandığını bildirir.

“Exo” ekspertlərə istinadən Azərbaycanda bir şəxsin ərzaq, şirələr, spirtli içki və siqaret ehtiyaclarını ödəməsi üçün ayda 350 manat vəsaitin lazım olduğunu nəzərə çatdırır.

“Novoe Vremya”  dərc etdiyi ölkənin müxalif qüvvələri təmsilçilərinin fotoları fonunda “Azərbaycan haqqında kim düşünür?” kimi çoxmənalı sualı gündəmə gətirir.

AŞPA-nın sessiyasında Azərbaycanda siyasi məhbus məsələsinin diqqət mərkəzində olmasına qəzet “Avropa Şurası yenə də Azərbaycanda vicdan məhbuslarının taleyindən narahatdır” mövqeyini ifadə edir.

“Bizim yol”  polisdən rəsmi orqanlara şikayət edən Lənkəran şəhər sakini Nazim Məmmədovun oğlu Müstəqim Məmmədovun Salyan rayon ərazisində naməlum şəxslər tərəfindən döyüldüyü və belinin sındırıldığını nəzərə çatdırır.

Rusiya-Azərbaycan Qəbələ Forumunda Rusiya tərəf Azərbaycan sahibkarlarına dəyəri 260 milyard rubl (7,6 milyard dollar) olan investisiya layihəsini təqdim edib və ekspertlər bunu Azərbaycan üçün böyük risk adlandırıblar.

“Yeni Müsavat”  Azərbaycan və Rusiyanın dövlət başçıları İ.Əliyev və V.Putinin telefon danışığında Rusiya tərəfin “sülhməramlı”larını Qarabağda yerləşdirmək istəməsini nəzərə çatdıraraq bunu “Putin zənginin sirri” adlandırır.

AŞPA-ya müraciət edən “Siyasi Məhbuslarsız Azərbaycan” İctimai Alyansı Azərbaycanda siyasi məhbus məsələsi üzrə xüsusi məruzəçinin təyin edilməsini istəyir.

Qəzet Türkan kənd sakinkərinə istinadən müdafiə sənayesi naziri Yavər Camalovun dəniz sahilini hasarlamaqda davam etdiyini və məmur özbaşınalığının dayanmadığını bildirir.

Rusiyanın özünü həm Azərbaycan,  həm də Ermənistanın strateji müttəfiqi saymasına ekspertlər “siyasi riyakarlıqla müttəfiqliyin bir araya sığmadığı” şərhini veriblər.