Mətbuat-Monitorinq 24.06.15

Rəsmi qəzetlər öz səhifələrində Avropa Oyunları ilə bağlı mövzuya dair yazılara səhifələrində geniş yer veriblər.

“Azadlıq” qəzeti AŞPA sessiyasında müxtəlif ölkələri təmsil edən parlamentarilərin Azərbaycanda siyasi repressiyaları kəskin tənqidə məruz qoymasını qəzet “AŞPA-dan iqtidara ağır zərbə” sayaraq manjetə çıxarıb.

Qəzet BMT-nin rəsmi Bakıya ifadə və sərbəst toplaşma azadlığını təmin etmək çağırışı səsləndirdiyini və “ölkədə “demokratik məkan”ı daraltması xəbərdarlığı etdiyini xatırladır.

Qəzet iki hərbçinin yolu azmaları nəticəsində Ermənistan tərəfə keçdiklərini ehtimal edir və axtarışların davam etdiyini bidlirir.

“Azadlıq” radiosunun baş redaktoru Nenand Pejiç radionun Azərbaycan bölməsi haqda “Yeni Müsavat” qəzetində yazılanları “təxribat” adlandırıb.

Qəzet yazır ki, 2013-cü ildə ABŞ-ın 9 konqresmenin Azərbaycan səfəri ilə bağlı maliyyə məsələsinin araşdırılması üçün təhqiqatlar davam edir. Freedom House təşkilatına isnadən qəzet Azərbaycanın demokratiya reytinqinə görə Rusiya və Belarusdan geri qalmasını “Azərbaycanla bağlı rüsvayçı statistika” kimi dəyərləndirir. ABŞ politoloqu Tomas de Vaal rəsmi Bakının ABŞ-la bağlı mövqeyini “Azərbaycanın postsovet məkanında “ən antiamerikan dövlət uğrunda Rusiya ilə yarışması” kimi qiymətləndirir.   

Qazaxıstanın Ümumdünya Ticarət Təşkilatına (ÜTT) 162-ci üzv olduğunu xatırladan qəzet bunu “Əliyevin Azərbaycanı xeyirli olacaq ÜTT-dən kənarda saxlaması” adlandırır.

“Exo”  devalvasiyadan sonra bank kartlarından istifadə edənlərin sayının azalmasını bank sisteminə inamın itməsilə əlaqələndirərək önə çəkib.

“Novoe Vremya”  BMT-nin insan haqları idarəsinin rəsmi Bakını əsas azadlıqları təmin etməyə çağırmasını diqqtə mərkəzinə çəkib.

Qəzet rəsmi Bakıya yaxın mediada Almaniyanın təhqirə məruz qoyulmasını “Bakının Berlinə “müharibə” elan etməsi” kimi dəyərləndirir.

Qəzet Avropa Oyunlarının belə Bakıya turist marağı yarada bilmədiyini qeyd edərək bunu şəhərin turistlər üçün cəlbedici olmaması ilə əlaqələndirib.

“Bizim yol”  Yerevandakı etirazları qərbmeylli qüvvələrin “inqilab ssenarisi”nin işə düşməsi kimi adlandıraraq ilk səhifəyə yerləşdirib.

Qəzetin yazdığına görə, Leyla və Arif Yunusların işində vətənə xəyanət maddəsi cinayət işindən ayrılıb.

Kürdəmir rayon icra başçısı Ceyhun Cəfərov rayon Su-Kanal İdarəsinin rəisi Tariyel Kərimovun intihara cəhd etməsinə səbəb kimi camaatdan pul alıb qaytara bilməməsini göstərib. 

“Yeni Müsavat”  Yerevanda etiraz aksiyasının amansızlıqla dağıdılmasını “Ermənistanın ürəyindən vurulması: İrəvanda qan və xaos”adı ilə ilk səhifəyə çəkib.

Rəsmi Bakıya yaxın media qurumlarında Qərb dövlətlərin tənqid və təhqirə məruz qoyulmasını politoloqlar “Rusiyaya reverans” kimi dəyərləndiriblər.

Rəsmi Bakı yandaşları Ermənistanı düşmən saymamasına görə Rüstəm İbrahimbəyovu “Azərbaycana bağlı, “milli qeyrəti, təəssübkeşliyi olmayan adam” kimi “dəyərləndiriblər”.  

Novxanıdakı “Miami Biech” çimərliyində açılış olmayıb, hələlik çimərliyə giriş 4 manatdır, iyunun 29-na gözlənilən açılışdan sonra isə qiymətin 15 manata qalxacağı gözlənilir.