Rəsmi qəzetlər dövlət başçısı İlham Əliyevin Azərbaycanın Avropa Şurası Nazirlər Kabinetinə sədrlik etməsinə başlaması ilə bağlı AŞPA sessiyasında iştirakı, çıxışı, görüşləri barədə xəbərləri ilk səhifələrə yerləşdiriblər.
“Azərbaycan” qəzeti müdafiə naziri Zakir Həsənovun “AzərTAC”a müsahibəsini dərc edib.
“Azadlıq” qəzeti dövlət başçısı İlham Əliyevin Avropa Şurasında etirazla qarşılanması, avropalı deputatların sərt suallarla ölkə başçısını çətin duruma salmaları xəbərini manjetə çıxarıb.
Övladları Bakıdakı türk liseylərində təhsil alan valideynlər bu liseylərin bağlanması haqda qərarlara etiraz olaraq lisey bunaları önündə aksiyalar keçiriblər.
PA rəhbəri Ramiz Mehdiyevin bələdiyyələri xalqın yerli tələblərini yerinə yetirə bilməməsi ittihamına ekspertlər “hakimiyyətin bələdiyyələri bərbad hala salıb sonra ittiham etməsi” mövqeyini sərgiləyiblər
PA ictimai-siyasi şöbəsinin müdiri Əli Həsənova bağlı 20-yə qədər biznes qurumlarının adlarını açıqlayan qəzet bu qurumlara oğlu Şamxal Həsənlinin, xanımı Sona Vəliyevanın və qohum-əqrabasından olan şəxslərin başçılıq etdiklərini yazır.
Qəzet qeyd edir ki, rəsmi Bakının Andlılar məhkəmə sistemindən imtina etməsini “The Guardian” qəzeti “demokratiyadan daha bir addım geri” kimi dəyərləndirib.
Milli Şuranın sədri Cəmil Həsənli dövlət başçısı İlham Əliyevin AŞPA sessiyasındakı çıxışında ölkədə şəffaf seçki olması, söz, mətbuat, sərbəst toplaşma azadlıqlarını təmin edilməsi, siyasi məhbusların olmaması haqda bəyanatlarını “yalan” adlandırıb.
Ekspertlər rəsmi Bakının Avropa İttifaqından uzaqlaşmaq üçün Rusiyaya 8 milyard dollara yaxın investisiya yatırmaq istəyini “yanlış addım” adlandırıblar.
“Ekspress” aidiyyatı qurumlara istinadən narkomaniyanın orta məktəblərə “ayaq açması” xəbərini önə çəkib.
Qəzet ekspertlərə istinadən Ramazan ayında iftar süfrəsi aça bilmək üçün dörd nəfərlik ailəyə əlavə 530 manat vəsaitin lazım olmasını nəzərə çatdırır.
“Bizim yol” AŞPA sessiyasında dövlət başçısı İlham Əliyevin “ölkəmizə yönələn həmlə, təxribatların nəticə verməyəcəyi” haqda ünvansız bəyanatını ilk səhifəyə yerləşdirib.
Qəzet keçmiş hərbçilərin müdafiə naziri Zakir Həsənova qarşı “müharibə”yə başladıqlarını yazaraq buna səbəb kimi nazirin əmrilə sabiq hərbi qulluqçularla bağlı vəsaitlərin uçot kartlarının məhv edilməsi göstərilir.
“Yeni Müsavat” Bakı meri Hacıbala Abutalıbovun turizm şirkətləri və aviakassalardan ayda 1200 manat tələb etdiyini, bu pulu verməyən firmaların reklam və tanıtma lövhələrini sökməsini ilk səhifəyə çıxarıb.
Qarabağ müharibəsinin bir qrup veteranı vaxtilə mərhum Əşrəf Mehdiyevin sədri olduğu Qeyrət Partiyasını bərpa etmək təşəbbüsünü irəli sürüb.
Ölkədə insan haqlarının ağır durumu ilə bağlı rəsmi Bakı təmsilçilərinin AŞPA sessiyasında tənqidi sual “atəşi”nə tutulmasını qəzet anlaşılmaz “AŞPA niyə rəsmi Bakıya hücuma keçib?” sualı ilə qarşılayır.
Cəmiyyət
-
"ToplumTV işi" adlandırılan cinayət işi üzrə təqsirləndirilən şəxslərin ittihamının ağırlaşdırıldığı, istintaqın artıq yekunlaşmaq üzrə olduğu bildirilir. Həmin cinayət işinə "Toplum" İnternet Televiziyasının, Demokratik Təşəbbüslər İnstitutunun, habelə III Respublika Platforması təşəbbüsünün bəzi əməkdaş və təmsilçilərinin həbsi daxildir. Müdafiə tərəfinin məlumatina görə, onlara Cinayət Məcəlləsinin 162-1.1 (Əmək müqaviləsi olmadan işçilərin cəlb edilməsi), 192.3.2 ( küllü miqdarda gəlir əldə etməklə qanunsuz sahibkarlıq), 193-1.3.1 (Cinayət yolu ilə əldə edilmiş əmlakı leqallaşdırma), 193-1.3.2 (...xeyli miqdarda), 206.4 (mütəşəkkil dəstənin qaçaqmalçılığı) və 213.2.1 (Vergiləri,... ödəməkdən yayınma ) maddələri ilə yeni ittihamlar irəli sürülüb. Əvvəl "ToplumTV işi" üzrə həbs olunanlar 206.3.2-ci (qaçaqmalçılıq – qabaqcadan əlbir olan bir qrup şəxs tərəfindən törədildikdə) maddələri ilə təqsirləndirilirdi. Əvvəlki ittihamlarla şəxslərə 8 ilədək həbs verilə bilərdisə, indi cəza müddəti 12 ilə çata bilər.
-
Çərşənbə axşamı hava dəyişkən olacaq, yağıntı olmayacaq. Şimal-qərb küləyi əsəcək. Havanın temperaturu gecə müsbət 3+6, gündüz müsbət 6+9 dərəcə olacaq. Rütubət 70-80 faiz olacaq.
-
İmişli rayonunda ictimai yerdə törətdikləri xuliqanlıq hərəkətlərinə görə bir qrup şəxs həbs edilib.
-
İmişli rayonunda yol-nəqliyyat hadisəsi nəticəsində iki uşaq ölüb, üçü yaralandığı bildirilir. Daxli İşlər Nazirliyinin mətbuat xidmətindən Turana bildirilib ki, xidmətə gedən Dövlət Yol Polisi avtomobilinin qarşısına digər bir nəqliyyat vasitəsinin çıxması nəticəsində xidməti avtomobil yol kənarında olan uşaqlara dəyib. Onlardan 2 nəfər həlak olub, digər azyaşlılar və sürücü xəstəxanaya çatdırılıb.
Rəy yaz