Rəsmi qəzetlər ölkənin iqtisadi inkişafı haqda məqalələrə geniş yer veriblər. Bu qəzetlər Elmira Ramazanovanın “Şöhrət” ordenilə təltif olunması haqda dövlət başçısının sərəncamının mətnini ilk səhifələrə yerləşdiriblər.
“Azadlıq” qəzeti PA-nın rəhbəri Ramiz Mehdiyevin Dövlət İdarəçilik Akademiyasında keçirilən müşavirədə təhsil sahəsindəki durumu tənqid etməsini ilk səhifəyə çıxararaq bu tənqidi təhsil sahəsinin Paşayevlərin nəzarətində olması ilə əlaqələndirir.
Qəzet iş adamı İlham Qasımovun Diaspora Komitəsinin sədri Nazim İbrahimov və qardaşlarının biznesi barədə mediada dərc olunan tənqidi məqaləsini nazir Kəmaləddin Heydərovla İbrahimovlar arasındakı gərginlyin üzə çıxması sayır.
AŞ-nin insan haqları üzrə komissarı Nils Mujnieks Bakıda olarkən siyasi məhbusların həbs müddətinin uzadılmasını ekspertlər rəsmi Bakının beynəlxalq tələblərə münasibətinin göstəricisi adlandırırlar.
Dövlət başçısı İlham Əliyevin Fransaya səfəri ərəfəsində bu ölkənin “Le Monde” qəzeti Azərbaycanda siyasi məhbus məsələsini gündəmə gətirərək “repressiyaların yeni dalğasının tüğyan etdiyini” bildirir.
Ekspertlər dünya investisiyalarının Rusiyadan qaçdığı indiki vaxtda Azərbaycanın orada zavod tikdirməsini iqtisadi yox, hətta siyasi səhv sayırlar.
“Yeni Müsavat” bu gün Parisdə Azərbaycan və Ermənistanın dövlət başçıları İlham Əliyevlə Serj Sarkisyan arasında göslənilən danışılqları önə çəkərək görüşə “kritik Qarabağ danışıqları” mövqeyini ifadə edir.
AŞ-nin insan haqları komissarı Nils Mujnieks Bakıda olduğu halda siyasi məhbusların həbs müddətinin uzadılmasını “rəsmi Bakının tezliklə geri çəkilməyəcəyi” kimi dəyərləndirir.
Bakının Xətai rayonunda uşaq bağçası adı ilə qanunsuz bina tikintisi aparılır. Tikintinin dayandırılması barədə məhkəmə qərarı olsa da tikinti sahibi buna məhəl qoymur.
Cəmiyyət
-
Son zamanlar Azərbaycanda plastik əməliyyatları həyata keçirən bəzi həkimlərin buna səlahiyyətlərinin olmaması ilə bağlı məsələlər geniş müzakirə olunur. Ayrı-ayrı məlumatlara görə, bu sahədə bir sıra həkimlərin heç müvafiq diplomu belə yoxdur. Həmin məlumatlarda iddia edilir ki, saxta həkim diplomları ilə fəaliyyət göstərən bəzi şəxslər müxtəlif klinikalarda çalışır.
-
Elon Mask, texnologiya milyarderi və X (əvvəlki adıyla Twitter) platformasının sahibi, dövlət rəsmilərinin mental hazırlığı ilə bağlı debatları yenidən gündəmə gətirərək vəzifə sahibləri üçün zəka testlərinin keçirilməsini təklif edib. Musk-ın bu təklifi, 81 yaşlı ABŞ konqresmeni Key Qrencerin küçədə azaraq sonradan demensiya xəstələri üçün nəzərdə tutulmuş qocalar evinə yerləşdirilməsindən sonra irəli sürülüb.
-
Dekabrın 22-də "Keşlə bazar"ında fəaliyyət göstərən satıcılar etiraz aksiyası keçiriblər. Onlar yanvarın 1-dən bazarın bağlanmasına etiraz ediblər.
-
Dekabrın 24-də paytaxtda yağıntı gözlənilmir. Səhər və axşam bəzi yerlərdə duman olacaq. Cənub-qərb küləyi əsəcək, axşam şimal-qərb küləyinə keçəcək.
Rəy yaz