Rəsmi qəzetlər dövlət başçısı İlham Əliyevin kral Abdullahın ölümü ilə bağlı Səudiyyə Ərəbistanının Bakıdakı səfirliyinə gedərək başsağlığı verməsi, Qətərin yeni səfirinin etimadnaməsini qəbul etməsi və digər xəbərləri ilk səhifələrdə yerləşdiriblər.
“Azadlıq” qəzeti neft gəlirlərinin azalması ilə bağlı Bakı metropoliteni, “Azərenerji” və ARDNŞ-dən sonra daha bir neçə dövlət qurumlarında işçilərin sayının azaldılmağa başlandığını manjetə çıxarıb.
Məhkum Elşad Babayevin bacısı Simuzər Babayeva qəzetə bildirib ki, qardaşının keçən ilin dekabrında 14 saylı həbsxanada işgəncə ilə qətlə yetirilməsinə baxmayaraq, hələ heç kim istintaqa cəlb olunmayıb.
Narkotik maddə ilə şərlənərək həbs edilən AXCP fəalı Murad Ədilov işgəncələrə baxmayaraq, üzərindən narkotik maddə tapılması haqda protokolu imzalamadığı halda imtina etdiyi vəkil Səxavət Məmmədli axtarışda iştirak etmədən sənədi imzalayıb.
Azərbaycan Beynəlxalq Bankının Rusiya “Sberbankı” ilə imzaladığı əməkdaşlıq haqda memorandum “Bakıdan təhlükəli kömək” kimi dəyərləndirilir.
Qəzet AŞPA qətnaməsıinin Azərbaycanda azad mediaya basqılara dair bölümünü təqdim edərək müstəqil jurnalist və bloqerlərin təzyiqlərə məruz qalmaları faktlarına diqqət çəkir.
“Yeni Müsavat” İŞİD təhlükəsilə bağlı Bakıda səfirliklərin mühafizəsinin gücləndirilməsi haqda iddiasını ilk plana çıxarıb.
Güney Azərbaycanın Təbriz və Urmiya şəhərlərinin Traxtur-Polikan futbol komandalarının oyunundan sonra hər iki komandanın azərkeşləri rəsmi Tehrana nümayişkaranə şəkildə Azərbaycanın dövlət himnini ifa ediblər.
Neft Fondu rəhbərliyinin yaxın zamanda neftin qiymətinin qalxacağı haqda proqnozuna ekspertlər yaxın 2-3 ildə neftin qiymətinin qalxmayacğı bəyanatını səsləndiriblər.
Cəmiyyət
-
Abşeron rayonundakı müəssisələrdən birində baş verən insident nəticəsində bir Hindistan vətəndaşı ölüb, digəri xəsarət alıb. Bu barədə yanvarın 13-də Azərbaycan Baş Prokurorluğu məlumat yayıb.
-
Yeni nəqliyyat proqramı çərçivəsində paytaxtın ekoloji cəhətdən təmiz, sürətli və birləşdirici ictimai nəqliyyat sistemi olaraq metropolitenin daha geniş əhatə dairəsinə malik olması hədəflənib.
-
Çərşənbə axşamı Bakıda hava şəraiti dəyişkən buludlu olacaq. Gündüz bəzi yerlərdə çiskinli olacağı ehtimalı var. Gecə və səhər bəzi yerlərdə duman olacaq. Şimal-qərb küləyi gündüz bəzi yerlərdə arabir güclənəcək. Havanın temperaturu gecə 2-6 dərəcə isti, gündüz 7-9 dərəcə isti olacaq. Nisbi rütubət 70-80% təşkil edəcək.
-
Azərbaycan Respublikasının Ekologiya və Təbii Sərvətlər Nazirliyinin Milli Hidrometeorologiya Xidməti yanvarın 13-nə olan hava proqnozunu açıqlayıb. Ölkə üzrə mülayim hava şəraiti gözlənilir.
Rəy yaz