Rəsmi qəzetlər Avropa Oyunları ilə bağlı mövzuları ilk səhifələrdə yerləşdiriblər.
“Azadlıq” qəzeti. Məhkəmə icraçıları NİDA hərəkatının həbsdən azad edilən 4 üzvünə vaxtilə keçirilmiş ekspertiza xərclərini ödətdirmək istəyir, onlar isə ittihamı da, məhkəmə qərarını da sifarişli və saxta sayaraq imtina edirlər və təzyiqlərə məruz qalırlar.
Qəzet orta məktəblərdə informatika fənninin ləğvinə səbəb kimi bu fənnin yetərincə tədris olunmaması və nəticədə daha çox şagirdin zəif nəticə göstərəcəyilə izah edir.
Diaspora Komitəsinin sədri Nazim İbrahimovun qaynı Məzahir Cəfərovun intihar etməsilə bağlı qardaşı Sahib İbrahimov istintaqda dindirilib.
Hüquq müdafiəçilərinin Beynəlxalq Federasiyası BMT İnsan Haqları Şurasını rəsmi Bakı sentyabra kimi insan haqları sahəsində müsbət addımlar atmadığı halda Azərbaycanla bağlı xüsusi qətnamə qəbul etməyə çağırıb.
Qəzet nəzərə çatdırır ki, alver məqsədilə İrana gedən vətəndaşların sayı gündəlik 1000 nəfərdən 100-150 nəfərə enib və bu, İranda ərzaq bahalaşması ilə bağlıdır.
Ekspertlərə görə, rəsmi Bakının 7 il öncə əhalinin ərzaq məhsulları ilə etibarlı təminatı adı altında qəbul etdiyi dövlət proqramı adlı sənədi düzgün aqrar siyasət qurulmadığı üzündən fiaskoya uğrayıb.
“Ekspress”. Rəsmi Bakının Qərbə “xarici siyasət kursunu dəyişə bilməsi” xəbərdarlığını diqqət mərkəzinə çəkib. PA-nın rəsmisi Novruz Məmmədov isə Avropa Şurasının mövqeyinin Azərbaycanın bu qurumda qalmasını sual altına alması” kimi absurd olan bəyanat səsləndirib.
“Novoe Vremya” PA-nın rəsmisi Novruz Məmmədovun rəsmi Bakının xarici siyasət kursunu dəyişə bilməsi barədə bəyanatına “Bakı öz xarici siyasi kursunu dəyişdirəcəkmi?” sualını gündəmə gətirir.
“Bizim yol” SOCAR-ın “AzMeCo” şirkətinə qaz satmadığını, şirkət rəhbərliyinin “Qazprom”a üz tutduğunu və qaza görə zavodun bağlı qaldığını ilk səhifəyə yerləşdirib.
“Yeni Müsavat” diplomat Arif Məmmədovun Milli Şuranı dəstəkləməsini “müxalifət lideri” statusuna qaldırılacağı ilə əlaqələndirərək önə çəkir və nə üçünsə A.Məmmədovu “Rusiyanın adamı” adı ilə damğalayır.
IŞİD-in Şimali Qafqaza nüfuz etməsini politoloqlar ilk növbədə bölgə xalqlarının həyatı üçün “ciddi təhlükə” kimi dəyərləndiriblər.
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz