Mətbuat-Monitorinq 26.09.14

Rəsmi qəzetlər dövlət başçısı İlham Əliyevin Moskva meri Sobyaninin başçılıq etdiyi nümayəndə heyətini qəbul etməsi, əməkdaşlıq memorandumu imzalaması haqda xəbərləri ilk səhifədə yerləşdiriblər.

“Azadlıq” qəzeti Qərb dövlətlərinin Əliyevdən üz döndərməsi, iqtidarın isə münasibətləri yaxşılaşdıra bilmək üçün “Rusiya faktoru”ndan şantaj kimi istifadə etməsi mövzusunu önə çəkib.

Hüquq müdafiəçisi Leyla Yunusun təcridxanada zorakılığa məruz qalmasını vəkil Elçin Qəmbər “hər dəfə beynəlxalq qurumların tənqidinə məruz qalan rəsmi Bakının Leyla Yunusdan qisas alması” kimi şərh edib.

  AŞPA prezidenti Ann Brasser Azərbaycanda bir-iki nəfərin buraxılması ilə siyasi məhbus probleminin həllinin mümkün olmaması bəyanatını səsləndirib.

  “Human Rights Watch” təşkilatı “BP” neft şirkətini Azərbaycanda insan haqlarının durumu ilə bağlı rəsmi Bakıya açıq mesaj ünvanlamağa çağırıb.

Ekspertlər uzün müddət Azərbaycan xalqını təhqirə məruz qoyan “Rusiya təlxəyi” Jirinovskinin, Moskva meri Sobyaninin Bakı səfərini “Bakıda Rusiya “küləklərinin əsməsi” kimi dəyərləndiriblər.

Sovet dövrünün dissidenti Nadir Ağayev yaşadığı evin blokunda naməlum şəxslərin fiziki zorakılığna məruz qalmasına “məni İlham və Heydər Əliyevlərlə bağlı hazırladığım broşürlərə görə vurublar” bəyanatını verib.

“Ekspress”  “Xəzər “ klinikasının baş həkiminin müavini Nəbiolla Heydərlinin intihar etməsi faktını ilk səhifədə yerləşdirib.

Ekspertlər Rusiyanın Xəzərə daha bir raket gəmisi çıxarmasını “Xəzərdə güc nümayişi” kimi dəyərləndiriblər.

Dünya bazarında strateji əmtəələrin qiymətlərinin ucuzlaşmasına toxunan ekspertlər bunun Azərbaycanın ixracına mənfi təsir edəcəyini deyirlər.

“Exo”  ekspertlərə istinadən Bakı yollarında avtomobillərin sayı daha 40% artsa o zaman yaxın 2-3 ildə paytaxtda ürək xəstəliklərinin, infarkt və insultun sayının 2 dəfə artacağı barədə xəbərdarlıq edirlər.

“Bizim yol” Avropa Parlamentinin bu günlərdə Azərbaycanla bağlı qəbul etdiyi tənqidi qətnaməyə Qərb ekspertlərinin açıqlaması iddiası ilə “Anti-Azərbaycan qətnaməsinin görünməyən tərəfləri” mövqeyini ifadə edib.

Moskva merinin Azərbaycana səfərini qəzet Qərb sanksiyaları ilə bağlı “Moskvanın Azərbaycan ərzağına ümid bəsləməsi” kimi dəyərləndirir.

“Yeni Müsavat”  “Hafka” ləqəbli iş adamı Hafiz Məmmədovun aldığı ingilis klubuna vəd etdyi pulu ödəmədiyi üçün məhkəməyə verilməsini ilk plana çıxarıb.

Müsavat Partiyasının sentyabrın 27-də keçirilməsi gözlənilən qurultayı ilə bağlı

Türkiyədəki Azərbaycan Kültür Dərnəyinin rəhbərləri Cəmil Ünal və İsa Yaşar Tezel Bakıya gəliblər.

Saxlandığı təcridxanada fiziki zorakılığa məruz qalan hüquq müdafiəçisi Leyla Yunusun vəkili Elçin Qəmbər başından ağır zərbə alan L.Yunusun səhhətinin ağır olması, yaddaş pozğunluğunun yaranması və kor olmaq ehtimalı yaranması, döyülmə faktı ilə bağlı şikayət hazırlanması haqda açıqlama verib.

“Tövbə” cəmiyyətinin sədri Hacı Əbdül rəsmi Bakının “ehsan israfçılığı”na qarşı mübarizəsinə “bu gün 100 minlik maşın sürürlər, 1 milyonluq ev tikirlər, bu, israf deyil?” qarşılığını verib.