Mətbuat-Monitorinq 26.10.15

Rəsmi qəzetlər dövlət başçısı İlham Əliyevin sahibkarlıq fəaliyyətinin asanlaşdırılması üçün bu günlərdə imzaladığı  fərman, ölkənin iqtisadi həyatı ilə bağlı yazıları ilk səhifələrdə yerləşdiriblər.

“Azadlıq” qəzeti “MTN işi” ilə bağlı daha bir generalın həbsə alınmasını və MTN-dəki şəbəkənin cinayətlərinə dair yeni faktların üzrə çıxdığını manjetə çəkib.

Gizli dinləmə səlahiyyətinin MTN-dən DİN-ə verilməsinə ekspertlər “ölkədə qanuna əməl edən orqan var ki, hüququ hansınasa verəsən?” şərhini veriblər.

Ekspertlər ölkədəki durumu “böhranın “yaraları” üzə çıxarması və dəyişikliklərə doğru qarşısıalınmaz prosesin başlaması” kimi dəyərləndiriblər.

Rəsmi statistikaya isnadən bu ilin yanvar-sentyabr aylarında ölkəyə 42 milyon dollarlıq meyvə-tərəvəz gətirildiyini yazan qəzet keçən il ilə müqayisədə bunun 2,4 dəfə çox olduğunu bildirir.

Ölkə başçısı İlham Əliyevin Sumqayıtda zavod açılışında sahibkarlara mane olanları xəyanətkar saymasını qəzet “MTN işi” fonunda komandasını xəyanətkar sayması kimi qiymətləndirir.

Aşura günü Gəncədə dindarların məscidlərə buraxılmadığını yazan qəzet bütün günü iri monitorlarla konsert proqramları yayımlanmasna diqqət çəkirlər.

Ölkə ekspertləri neftin dəyəri 35 dollara düşəcəyi halda dövlətin maliyyə sistemində problemlərin yaranacağı, xarici borclanmanın artıracağı barədə xəbərdarlıq ediblər.  

“Yeni Müsavat” son günlər ölkə mediasının gündəmini zəbt edən “MTN işi” ilə bağlı qurumun keçmiş şefi Eldar Mahmudovun Afrikada daş-qaş biznesinin ortaya çıxmasını ilk səhifəyə çəkib.

Qəzet 15 saylı həbsxanada dustaq olan Bahadır Əsgərovun  Rəcəb adlı nəzarətçi tərəfindən döyülməsini nəzərə çatdırır.

Qəzet yazır ki, həbsdə olan REAL sədri İlqar Məmmədov Renat adlı məhbusun karsa salınması haqda məlumatı ictimailəşdirdiyi üçün döyülüb və nəticədə bir dişi sındırılıb.

Ekspertlər ölkənin 2016-cı il iqtisadi həyatı“ ilə bağlı “bu il də Azərbaycanı ürəkaçan mənzərə gözləmir” qənaətlərini ifadə ediblər.

Müsavat Partiyasının oktyabrın 25-də keçirilən mitinqində seçkilərə hazırlığın pis vəziyyətdə olması əsas gətirilərək hökumətə seçki prosesini dayandırmaq, 4 ay sonraya yeni seçki təyin etmək təklifi səsləndirilib.