Rəsmi qəzetlər dövlət başçısı İlham Əliyevin I Avropa Oyunlarına hazırlıq işlərinin gedişilə tanış olması, Bakı-Oksford məktəbinin yeni binasının açılışında iştirakı, BBC Global News-in baş icraçı direktorunu qəbul etməsi haqda xəbərləri ilk səhifələrə yerləşdiriblər.
“Azadlıq” qəzeti keçmiş müdafiə naziri Səfər Əbiyevin müavini olmuş Mehman Səlimovun həbsilə bağlı xəbəri manjetə çıxarıb.
Keçmiş nazir Əli İnsanov və REAL Hərəkatının rəhbəri İlqar Məmmədovun barəsində Avropa məhkəməsinin azadlığa buraxılması qərarına deputat Əli Hüseynlinin “Avropa məhkəməsi kiminsə azadlığa buraxılması haqda qərar çıxara bilməz” şərhini qəzet rəsmi Bakının götürdüyü beynəlxalq öhdəliklərdən imtinası sayır.
Qəzet yazır ki, AXCP Rəyasət Heyətinin üzvü Asif Yusifli noyabrın 25-də yoxa çıxıb və indiyə kimi ondan xəbər yoxdur.
Naxçıvanda narkotik maddə ittihamı ilə şərlənərək həbs olunan Hicran Qasımlının anası və xanımını polis 13 saatdan çox qanunsuz olaraq saxlayıb, gecə saatlarnda azad edib.
Vəkil Ramiz Məmmədov həbsdə olan hüquq müdafiəçisi Leyla Yunusun səhhəti haqda “bəlkə həyatının son aylarını, bəlkə də son həftələrini yaşayır” deyərək qorxunc açıqlama verib.
Həbsdə olan dindarlara qarşı son vaxtlar intensivləşən sərt davranış inanclı şəxslərin azadlığa çıxmaq üçün əfv ərizələri yazmaqdan imtina etmələrilə bağlıdır.
Qəzet ARDNŞ prezidenti Rövnəq Abdullayevin 21 yaşlı oğlu Rəşad Abdullayevin Türkiyədə 5 şirkət, istirahət mərkəzi və s. obyektlərə sahib olmasına “R.Abdullayevin oğlu ARDNŞ-nın pullarını necə xərcləyir?” mövqeyini ifadə edir.
“Ekspress” dünyada içməli su ehtiyatının azalmasının “III dünya müharibəsinə səbəb olacağı kimi “aktual” mövzunu diqqət mərkəzinə çəkib.
Qəzet DİN-ə istnadən bu ilin 9 ayı ərzində ailə-məişət münaqişəsi nəticəsində qadınlara qarşı 4195 cinayətin törədildiyini bildirir.
“Exo” Azərbaycanda həkim səhvləri üzrə statistikanın olmaması, həkimlərin səriştəsizliklərinə görə məsuliyyət daşıdıqları haqda mövzunu önə verib.
“Novoe Vremya” Ukrayna və Litva prezidentlərinin Bakı-Odessa-Brodı neft kəmərinin çəkilməsi məsələsini aktuallaşdırmalarına etirazını “Odessa-Brodı neft kəmərinin reanimasiyası nəyə lazımdır?” sualı ilə gündəmə gətirir.
“Bizim yol” keçmiş müdafiə naziri Səfər Əbiyevin ölkədən çıxmasına qadağa qoyulmasını “sensasiyalı olay” adı ilə ilk səhifəyə çıxarıb.
2015-ci ilin sonlarından Bakı-Tbilisi-Qars dəmir yolunun işə düşəcəyi üçün dəmir yolu rəhbərliyi 30 yeni vaqon alınması ilə bağlı danışıqlar apardığını nəzərə çatdırır.
Deputat Vahid Əhmədov Rəqabət Məcəlləsinin indiyə kimi qəbul olunmamasını oliqraxların parlamentə təsirilə əlaqələndirib.
“Yeni Müsavat” keçmiş müdafiə naziri Səfər Əbiyevin müavini Mehman Səlimovun həbsini ilk səhifəyə çıxararaq faktı “S.Əbiyevə zindanın qapısının açılması” kimi dəyərləndirir.
Həbsdə olan jurnalist Rauf Mirqədirovun həbs müddətinin 5 ay uzadılması ilə bağlı protokolda nöqsanları araşdırmaq üçün Nəsimi Rayon Məhkəməsində hakim Elman İsayev məhkəmə zalına gəlməkdən imtina edib, öz otağında vəkillərin iştirakı olmadan qərar çıxaracağını bildirib.
Cəmiyyət
-
Yanvarın 14-də Ermənistan və Amerika Birləşmiş Ştatları (ABŞ) arasında strateji tərəfdaşlıq haqqında xartiya imzalandı. ABŞ Dövlət katibi Antoni Blinken bu sənədlə bağlı danışarkən vurğulayıb ki, onlar Ermənistanla onun suverenliyi və ərazi bütövlüyünü qorumaq üçün səyləri gücləndirmək üzərində işləyirlər. O, strateji tərəfdaşlıq haqqında sənədin “daha dayanıqlı, dinc, təhlükəsiz və müstəqil” Cənubi Qafqazın yaradılmasına töhfə verəcəyinə əminliyini ifadə edib.
-
Məmnuniyyətlə bildiririk ki, saytın normal fəaliyyəti artıq tam şəkildə bərpa olunub.
-
Kömək üçün Turan agentliyinə müraciət edən və adının açıqlanmasını istəməyən zərərçəkən bildirib ki, 2024-cü ilin iyulunda öz evinin rekonstruksiyası üçün "DREAM CONSTRUCTİON Azerbaijan" şirkəti ilə rəsmi müqavilə bağlayıb: "Bu 58 000 manatlıq müqavilə idi. Mən “Algaplaza”da şirkətin ofisində 44 000 manat ödədim və qalan məbləği də açarları təhvil verərkən ödəmək niyyətində idim.
-
Abşeron rayonundakı müəssisələrdən birində baş verən insident nəticəsində bir Hindistan vətəndaşı ölüb, digəri xəsarət alıb. Bu barədə yanvarın 13-də Azərbaycan Baş Prokurorluğu məlumat yayıb.
Rəy yaz