Mətbuat-Monitorinq 26.12.15
Rəsmi qəzetlər dövlət başçısı İlham Əliyevin Xəzər rayonunda bir neçə yarım stansiyanın açılışında iştrak etməsi haqda xəbərləri ilk səhifələrdə yerləşdiriblər.
Ölkədəki devalvasiyaya bunun nəticəsi olaraq ciddi bahalaşmanın başlamasına, banklarda ciddi problemlərin yaranmasına baxmayaraq, bu qəzetlər Azərbaycan XİN rəhbəri E.Məmmədyarovun müsahibəsini “2015-ci il Azərbaycan üçün siyasi, iqtisadi, sosial və humanitar sahələrdə uğurlu il olub” başlıqlı adı ilə oxuculara təqdim edirlər.
“Azadlıq” qəzeti Beynəlxalq Bankın keçmiş rəhbəri Cahangir Hacıyevin təcridxanadan maliyyə naziri Samir Şərifovu ittiham edən müracətini manjetə çıxarıb.
Qəzet deputat Rövşən Rzayevin “ABŞ-da insan hüquqlarının vəziyyəti haqda” qanun layihəsinin rəsmi Bakıya sanksiyalar nəzərdə tutan konresmen Smitin “Azərbaycan Demokratiya Aktı” qanun layihəsinin doğurduğu qorxudan yarandığını bildirir.
AXCP fəalı Fuad Əhmədov Facebook səhifəsində əhalini bahalaşmaya qarşı etirazlara səslədiyi üçün iş yerindən polisə aparılaraq polisə müqavimət adı ilə 10 sutka inzibati cəza alıb.
Qəzet ekspertlərə isnadən 2015-c il ildə baş vermiş iki devalvasiyanın dollarla kredit götürən 1 milyon 850 min nəfəri müflis etdiyini, bankların 3, əhalinin isə 7 milyard ziyana düşdüyünü bildirir. “Salyan Oyl” şirkəti qənaət adı ilə 1000 nəfərə yaxın əməkdaşın maaşını 33% azaldıb, buna etiraz olaraq 300 əməkdaş şirkətin Kərimbəyli kəndindəki ofisi önündə etiraz aksiyası keçirib.
“Ekspress” Azərbaycan XİN başçısı Elmar Məmmədyarovun “Azərbaycanın gündəliyində Avrasiya İttifaqına üzvlük məsələsinin olmaması” bəyanatını diqtə mərkəzinə çəkib.
Qəzet Mərkəzi Bankın ölkə banklarına dollarla krediti olan vətəndaşlara faizləri aşağı salmaq, müddəti uzatmaq kimi kömək göstərmək tövsiyəsini nəzərə çatdırır.
“Novoe Vremya” qəzet manatın devalvasiyasından sonra kreditlərin qaytarılmasında yaranan ciddi problemləri “bankların iflas astanasında olması” kimi dəyərləndirir.
“Bizim yol” bankir Cahangir Hacıyevin təcridxanadan yaydığı müraciəti “sensasiyalı müraciət adı” ilə ilk səhifədə yerləşdirib.
MTN-in Antiterror Mərkəzinin keçmiş rəhbəri Elçin Quliyevin həbsə alındığı bildirilir.
Qəzet devalvasiya ilə bağlı ölkədə ərzaq və qeyri-ərzaq, zəruri olan və olmayan bütün əmtəələrin 30-60% arenasında bahalaşdığını statistik şəkildə bildirir.
“Yeni Müsavat” həbsdə olan bankir Cahangir Hacıyevin təcridxanadan müraciət yaymasını, deputat Zahid Orucun “C.Hacıyevi himayə edənlər və danışdıranlar var” mövqeyini ilk səhifəyə çıxarıb.
Ekspertlər problemli kreditlərin həcminin 1 milyard 300 milyon manata çatdığını və bu tipli kreditlər səbəbindən bankların çoxunun müflis olacağını və əmanətlərin batacağını bəyan edirlər.
Bu ilin avqustunda döyülərək qətlə yetirilən jurnalist Rasim Əliyevin qətlinin sifarişçişi kimi adı keçən “Qəbələ” futbol komandasının kapitanı Cavid Hüseynovun işinin ayrıca icraata verilməsinə qəzet “Rasim Əlievin qanı batırılırmı?” mövqeyini ifadə edir.
-
- Siyasət
- 26 Dekabr 2015 11:26
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz