Cümə günü hökumətyönlü KİV məlumatlı mənbəyə isnadla general Elçin Quliyevin həbs olunduğunu bildirib. Bu ilin oktyabrına qədər o, MTN Antiterror Mərkəzinə rəhbərlik edib.
Eldar Mahmudov nazir postundan çıxarıldıqdan sonra E.Quliyev vəzifəsindən kənarlaşdırılaraq MTN Akademiyasına dərs deməyə göndərilib.
MTN sistemində cinayət faktlarını araşdıran Baş Prokurorluq E.Quliyevin həbsi barədə rəsmi məlumat verməyib. Qurumun mətbuat xidmətindən şərh almaq mümkün olmayıb.
Həbsin səbəbləri və generalın nədə ittiham olunduğu məlum deyil. Lakin bir neçə gün öncə E.Quliyevin müavini, polkovnik İlqar Əliyev təcridxanada özünü asıb. Onun adı həbsdə olan jurnalist Pərviz Həşimlinin işi üzrə keçib.
Xatırladaq ki, həbs edilən MTN zabitlərinin sayı 20 nəfəri ötüb. Onların arasında 4 general var.
Onlara qarşı mənimsəmə, pul tələb etmə, şantaj, qanunsuz dinləmələr, reket və s. ittihamlar irəli sürülüb.02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz