Rəsmi qəzetlər dövlət başçısı İlham Əliyevin pensiyaların sığorta hissələrinin indeksləşdirilməsi, 2015-2025-ci illərdə Azərbaycan gənclərinin İnkişaf Strategiyasının təsdiq edilməsi, Nuşirəvan Məhərrəmlinin Milli Televiziya və Radio Şurasının üzvü təyin edilməsi haqda sərəncamlarının mətnlərini ilk səhifələrdə dərc ediblər.
“Azadlıq” qəzeti rəsmi Bakının səfirlik binası tikməsi üçün ABŞ-ın Azərbaycan səfirliyinə icazə verməməsini manjetə çıxararaq bunu “iqtidarla ABŞ arasında gərginliyin pik həddə çatması” kimi dəyərləndirir.
Ekspertlər qəzetə açıqlamalarında məhbusun 14 saylı həbsxanada işgəncə ilə öldürülməsini, qadın həbsxanasında qadının uşaq dünyaya gətirməsini, 17 saylı həbsxanadakı intiharı Penitensiar Xidmət sistemi rəhbərinin “çp”-ləri adlandırır.
Həbsdə olan bloger Əbdül Əbilovun anası 13 saylı həbsxanada uzunmüddətli imtinalardan sonra oğlu ilə görüşüb, ana Ə.Əbilovun səhhətinin qaydasında olmadığını nəzərə çatdırıb.
Qəzet NATO baş katibinin Cənubi Qafqaz və Mərkəzi Asiya üzrə xüsusi nümayəndəsi Ceyms Appaturayın yaxın aylarda Bakıya gələcəyini yazır.
Tarixçi-professor Cəmil Həsənli Tarix İnstitutunun direktoru Yaqub Mahmudovun müəllifi olduğu 5-ci sinifə dair tarix kitablarında ölkə tarixinə dair bəzi məsələlərin təhrif olunduğunu açıqlyaıb.
Qəzet “Vaşinqton Post” qəzeti Ağ Evi Azərbaycandan Səudiyyə Ərəbistanına kimi diktatorlarla əməkdaşlıqda ittiham edən məqalə dərc etdiyini nəzərə çatdırır.
“Ekspress” Müdafiə Nazirliyinin yanvar ayında 17 erməni hərbçinin məhv edilməsi, 20-dək əsgərin yaralanması haqda statistikasını ilk səhifəyə çıxarıb.
“Exo” ekspertlərə isnadən dəm qazından həlak olanların sayının artmasını havatəmizləyici şaxtalar və tüstü boruları üzərində lazımi nəzarətin olmaması ilə əlaqələndirib.
Qəzetin yazdığına görə, Rusiyadakı böhran səbəbindən 50 min nəfərə yaxın əməkçi miqrant Azərbaycana qaydıb.
“Novoe Vremya” NATO və ATƏT-in Bakını sülhə çağırdığını önə çəkərək “Sərkisyan isə getdikcə təcavüzkarlaşır” mövqeyini vurğulayır.
“Bizim yol” Azərbaycanın ticarət dövriyyəsinin kəskin azalmasını önə çəkərək bunu neftin qiymətinin ucuzlaşması ilə əsaslandırır.
“Yeni Müsavat” hakim YAP-ın parlamentdə “müstəqil deputat”lara 30 yerin verilməsi haqda razılığı olması iddiasını ilk plana çıxarıb.
Qəzetin yazdığına görə, rəsmi Bakı “Xəzərdənizgəmilçilik”in keçmiş rəhbəri Aydın Bəşirovdan 10 yük gəmisini dövlətə qaytarmağı tələb edib.
Rəsmi Bakının ABŞ-ın Azərbaycan səfirliyinə bina tikməsinə icazə vermədiyini yazan qəzet daha sonra ABŞ-ın Tbilisidəki səfirlik binasının bir neçə ha sahəni tutduğunu, daha çox hərbi bazanı xatırlatdığını” önə çəkir.
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz