![Mətbuat-Monitorinq 27.02.13](https://turan.az/resized/750/500/resize/media/2013/main/022700029917.jpg)
Mətbuat-Monitorinq 27.02.13
Rəsmi qəzetlər, demək olar ki, əksər səhifələrini ölkədə Xocalı faciəsinin 21-ci ildönümü ilə bağlı keçirilmiş anım mərasimlərinə həsr edib.
Bundan əlavə, bu qəzetlərdə aparıcı müxalifət qüvvələri və yazıçı Əkrəm Əylilsi barəsində təhqiramiz yazılar yer alıb.
“Azadlıq” qəzeti Səbail rayon icra hakimiyyətinin iş adamlarına aztəminatlı ailələrə yardım edilməsilə bağlı göndərdiyi məktubları dövlət başçısının məşhur 12 fevral müşavirəsində “sahibkarların işinə müdaxilə edilməməsi” bəyanatına zidd sayaraq, fakta “Əliyevin müşavirəsini alt-üst edən sənəd” şərhi verir.
Qəzet tələbələrin səviyyəsiz təhsilə etiraz olaraq bu gün bir günlük “təhsili boykot” aksiyası keçirəcəyini və aksiyaya 30 min tələbənin qoşulacağını yazır.
Saatlının Musalı kəndində 81 qəbir daşını AXCP-çilərin dağıtması iddialarına cavab olaraq qəbir daşlarını dağıdan 2 nəfərdən biri Nəsimi Əliyevin atasının YAP-çı olduğu deyilir, qəbir daşlarını cəbhəçilərin dağıtması haqda xəbəri mediaya YAP rayon təşlkilatı sədrinin ötürdüyü qeyd olunur.
Tanınımış ziyalı və ictimai xadim Rüstəm İbrahimbəyov Azərbaycanı həbsxanaya bənzədərək, ölkənin qanunsuz yolla idarə olunduğunu iddia edib.
Tarixçi professor Cəmil Həsənli “kriminal mühit olan yerdə iqtidar seçki yolu ilə hakimiyyətdən getməyi ağlına belə gətirmir”, - deyə iqtidarın fəaliyyətinə qiymət verib.
“Zerkalo” qəzeti Rusiya dövlət agentliyində dərc edilən materila görə rəsmi Bakının Kremlə etirazına ““RİA-Novosti”yə komandanı kim verib?” mövqeyi ifadə edib.
“Ekspress” qəzeti Rusiyanın “RİA-Novosti“ agentliyində Azərbaycan əleyhinə material yerləşdirilməsini “Rusiyanın Qarabağ münaqişəsindəki vasitəçilik fəaliyyətinə kölgə salması” kimi dəyərləndirir.
“Exo” qəzeti hər dövlət qulluqçusunun 324 vətəndaşa xidmət etdiyini yazaraq, ekspertlərə isnadən yaxın 5 ildə məmurların sayının 25% azaldılmasını təklif edir.
“Bizim yol” keçmiş rektor Elşad Abdullayevin “video arsenal”ında Dövlət Əmlak Komitəsinin sədri Kərəm Həsənov əleyhinə də ifşaedici materiallar olduğunu bildirir.
Azərbaycan iqtidarının həm daxili, həm də xarici tənqidçilərinə sərt dillə cavab verməsi “iqtidarın həm daxili, həm də xarici gücləri zor müstəvisində udmaq iddiası” kimi dəyərləndirilir.
“Yeni Müsavat” qəzeti 12 və 26 yanvar etiraz aksiyalarında iştiraka görə cərimə edilən, amma cəriməni ödəməyən Müsavat Partiyası gənclərinin lideri Tural Abbaslının ailəsinin əmlakına həbs qoylması ilə bağlı məhkəmə icraçılarının təqdimatını Nəsimi rayon məhkəməsinin rədd etdiyini yazır.
Keçən ilin yayından bu yana yaydığı video-materiallarla iqtidarı ifşa hədəfinə çevirən keçmiş rektor Elşad Abdullyev daxili işlər naziri Ramil Usubovun qudası Rasim İldırımzadə ilə bağlı yeni ifşaedici materiallar yayacağı anonsu verib.
ABŞ-ın Azərbaycan səfirliyi üçün yeni bina tikilməsilə bağlı məsələnin 90-cı illərin sonundan gündəmdə olmasına, hətta rəsmi Vaşqinton səviyyəsinə qaldırılmasına baxmayaraq, məsələnin indiyə kimi həllini tapmadığı qeyd edilir.
Kremlin nəzdindəki İctimai Palatanın “Azərbaycanda insan haqlarını qoruyacağı” haqda açıqlamasına “Putinin təsdiqlədiyi konsepsiya problemə çevrilir” qənaəti ifadə olunur.
Hüquq müdafiəçisi Həkimeldostu Mehdiyev “Yeni Müsavat” və “Azadlıq” qəzetlərinin bir aya yaxındır ki, Naxçıvana buraxılmamasını “Naxçıvanın informasiya blokadasında olması” adlandırır.
-
- İqtisadiyyat
- 27 Fevral 2013 11:12
-
- Siyasət
- 27 Fevral 2013 12:21
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz