Mətbuat-Monitorinq 27.02.14

Rəsmi qəzetlər dövlət başçısı İlham Əliyevin Xocalı faciəsinin növbəti  ildönümü ilə faciəni əbədiləşdirən abidəni ziyarət etməsi xəbərini ilk səhifəyə çıxarıblar.
       
“Azadlıq” qəzeti Demokratik Qüvvələrin Milli Şurasının Xocalı faciəsinin növbəti ildönümü ilə bağlı ziyarətdə quruma qarşı rəsmi Bakının təxribatının qarşısının alınması iddiasını ilk səhifəyə çıxarıb.
Vətəndaş cəmiyyəti institutlarına tədbir keçirmək üçün öncə yer ayıran və son anda verilən sözdən qaçmaq kimi halların çoxalmasını III sektor təmsilçiəri “vətəndaş cəmiyyətinin yeni problemlə üz-üzə qalması” adlandırıblar.
Hərbi ekspetlər yeni müdafiə naziri gəldikdən sonra ordudakı duruma  “bərbad kadr siyasətinin ordunu tanınmaz hala salması” şərhini veriblər.
Qəzetin iddiasına görə, Hindistan kəşfiyyatı iki terrorçunun Azərbaycanda terror bazası yaratmaq planlarının üstünü açıb.
   
“Ekspress” ölkədə benzin istehlakının həcminin azaldığını yazaraq  bunu “bahalaşmanın “faydası” kimi dəyərləndirir.
İsmayıllı rayonunun kəndlərinin birində vəhabilərə aid məscidin bağlanmasına rayon İcra Hakimiyyətinin başçısı “rayonda vəhabi təhlükəsi” hiss etmədiyini bildirib.
 
“Novoe Vremya”  Qərbin Azərbaycanda demokratiya problemlərinə ikili standartla yanaşmasına toxunaraq buna ironik “əbədi dostluq... vaxtına, zamanına qədər” mövqeyini sərgiləyir.
Qəzet bp-nin “Azəri-Günəşli-Çıraq” neft yataqlarında hasilatın azalacağı bəyanatı səsələndirməsinə diqqət çəkir.
    
“Bizim yol”  YAP-çı deputat Mübariz Qurbanlının qardaşı Mais Qurbanovun “Azrus-Dostluq” ASC-yə 10 milyon manat zərər vurmaqda ittiham olunduğunu bildirir.
     
“Yeni Müsavat”  ölkə əhalisinin 10%-nin hepatit-C virusuna yoluxması və bunun genofondu məhv etməsi iddiasını ilk palana çəkib.
Deputat Zeynəb Xanlarovanın dəniz sahillərinin hasarlanması ilə bağlı əhalinin rəsmi Bakıa üsyan edəcəyi xəbərdarlığını Nardaran ağsaqqalları “cəsarətli addım” kimi dəyərləndiriblər.