Rəsmi qəzetlər dövlət başçısı İlham Əliyevin Xalça Muzeyinin açılışında iştirakı haqda xəbəri, Qafqaz Müsəlmanları İdarəsinin sədri şeyxülislam Allahşükür Paşazadənin anadan olmasının 65 illiyi ilə bağlı təbrik məktubunun mətnini ilk səhifələrdə yerləşdiriblər.
“Azadlıq” qəzeti baş nazirin keçmiş müavini Abbas Abbasova qarşı kampaniyanın növbəti dalğasının başlamasını ilk səhifəyə çəkərək bunu A.Abbasovin yenidən hədəfdə olması kimi şərh edir.
Tələbə Qəbulu üzrə Dövlət Komissiyası Təhsil Nazirliyinə 3 min tələbənin qanunsuz köçürmə yolu ilə Azərbaycandakı ali məktəblərə qəbul edilməsi haqda müraciət ünvanladığı aşkar olunub.
Rəsmi təzyiqlərlə bağlı fəaliyyətini dayandırmış “Ayna-Zerkalo” qəzetinin baş redaktoru Elçin Şıxlı “ ölkədə normal jurnalistika ilə məşğul olmaq mümkün deyil” bəyanatını səsləndirərək jurnalistikadan getmək niyyətini açıqlayıb.
Türkiyənin “Zaman” qəzeti “Salam Tövhid Qüds Ordusu” adlı terrorçu qruplaşmanın istintaq altında olan 21 üzvünün Azərbaycana qaçırıldığını iddia edir.
Daxili işlər naziri Ramil Usibov təhqirə və böhtana məruz qalması iddiası ilə Milli Şuranın üzvü Eldəniz Quliyevi xüsusi ittiham qaydasında məhkəməyə verib.
Azərbaycanda vaxtilə çalışmış türk diplomatı Turqut Ər YAP-çı deputat Aydın Mirzəzadənin Türkiyə ilə bağlı açıqlamalarını “boşboğazlıq” adlandırıb.
“Ekspress” Azərbaycan vətəndaşı olan şəxsin Dubay-Moskva təyyarə reysində yaratdığı qalmaqal və onun nəticələri haqda xəbəri ilk səhifəyə verib.
Diasporla İş üzrə Dövlət Komitəsinin sədri Nazim İbrahimov baş nazirin keçmiş müavini Abbas Abbasovu Azərbaycan əleyhinə fəaliyyətdə ittiham edib.
Ailəsilə birlikdə Suriyaya gedərək terrorçu qruplaşmaların tərkibində döyüşən idmançı R. Baxşəliyevin anası oğlunun bu hərəkətini “ailəsini dolandıra bilməməsi” ilə izah edib.
“Exo” istehlak krediti götürən şəxslərdən bankların 3-7% həcmində komisyon haqları tutmasını önə çəkərək ekspertlərə istinadən qanunvericilikdə bankların bu haqları nə üçün tutmalarının əksini tapmasının vacibliyini qeyd edirlər.
Qəzet tibbi mənbələrə istinadən Azərbaycanda qan azlığından əziyyət çəkən 40 minə yaxın xəstənin olduğunu bildirir.
“Novoe Vremya” Ermənistan rəhbərliyinin Türkiyə prezidentinin inauqurasiyasına dəvət edilməsi fonunda “Ermənistan-Türkiyə yaxınlaşması kimə faydalıdır?” mövzusunu önə verib
“Bizim yol” yazır ki, qəzetin əməkdaşı Gülər Mehdizadə Bakı Şəhər Prokurorluğunda 7 saylı xüsusi internat məktəbindəki insidentlə bağlı məlumatı kimdən alması haqda sorğu-suala tutulub.
“Yeni Müsavat” Qərb sanksiyalarının çətin duruma saldığı Rusiyanın Azərbaycanın ərzaq bazarına “ayaq açması” ilə qiymətlərin bahalaşdığını önə çəkir və ekspertlər bunu “Putinin Qərblə savaşının Bakıda sosial partlayış hazırlaması” adlandırırlar.
Vəkillər həbs edilən hüquq müdafiəçiləri Leyla Yunus və İntiqam Əliyevin mahiyyəti üzrə hələ də dindirilmədiklərini və bununla bağlı şikayət verəcəklərini bəyan ediblər.
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz