![Mətbuat-Monitorinq 27.08.15](https://turan.az/resized/750/500/resize/media/2015/main/082700127536.jpg)
Mətbuat-Monitorinq 27.08.15
Rəsmi qəzetlər ölkə iqtisadiyyatının inkişafı haqda məqalələrə geniş yer veriblər və bundan əlavə, dövlət qeydiyatına alınmış dərman vasitələrinin qiymətləri ilə bağlı siyahını öz səhifələrində yerləşdiriblər.
“Azadlıq” qəzeti hökumətin qeyri-rəsmi devalvasiyaya getməsini və valyuta “qara bazarı”nın yaradılmasını nəzərə çatdıraraq bu iddianı “Azərbaycanda fevral fırtınası gözlənilir” iddiası ilə manjetə çıxarıb.
Ölkədəki sosial-iqtisadi durumu “ölkənin çox ciddi böhrana girməsi” kimi dəyərləndirən AXCP sədri Əli Kərmli rəsmi Bakıya iqtisadi islahatlara başlamaq çağırışı edib.
40 nəfərədək dəmiryolçinun PA önündə etiraz aksiyası keçirdiyini yazan qəzet onların 2001-ci ildən verilməyən əmək haqları, ezamiyyət pullarıni tələb etdiklərini nəzərə çatdırır.
SOCAR-ın Gürcüstan və Ukraynada benzinin qiymətini endirdiyini, amma Azərbaycanda bunu etməməsini qəzet “xalqı saymamaq” kimi təsnif edir.
Ekspertlər ölkənin bank sistemində yaşanan ağır maliyyə durumunu Mərkəzi Bankın ölkədə “bank siyasəti”nin olmamasının nəticəsi kimi qiymətləndirirlər.
Ekspertlərə görə, xalq ölkənin bank sistemindəki ağır durumun nəticələri olan kütləvi ixtisarları sentyabr ayından əyani görəcək.
Qəzet ABŞ-ın Azərbaycanda səfiri Sekutanın “demokratik seçki” çağırışını Azərbaycan iqtidarına verilən “son şans” adlandırır.
“Ekspress” neftin qiyməti düşsə də benzinin qiymətinin düşməməsinə və bu məsələdə qiymət endiriminin mənbəyi kimi SOCAR-ın Taris Şurasını, Tarif Şurasının isə SOCAR-ı göstərməsini ilk plana çıxarıb.
Uşaq intiharı haqda yazan qəzet rəsmi statistikaya isnadən 2014-cü ildə 50 uşağın, bu ilin ilk 3 ayı ərzində isə 8 uşağın intihar etdiyini bildirir, uşaqlar arasında intihar daha çox ailədaxili münaqişələr səbəbindən baş verir.
“Novoe Vremya” nazirlərin vətəndaşları qəbul etmələrilə bağlı bölgə səfərlərini nəticələrinə görə “mənasız” sayması mövqeyini diqqət mərkəzinə çəkib.
“Bizim yol” neftin qiymətinin enməsinə baxmayaraq, ölkədə benzinin qiymətinin enməməsi məsələsini ilk səhifəyə yerləşdirərək Azərbaycana yanacaq gətirən şirkətləri əhalini soymaqda ittiham edib.
“Yeni Müsavat” Bakıdakı bomjlardan biri Eldar Məhərrəmovun küçədə yaşamasını ilk səhifəyə çıxarıb.
NATO Baş katibinin Gürcüstan səfərinə toxunan qəzetə görə, məqsəd Qərbin Qafqazdakı strateji qaz kəmərlərini nəzarətə götürməkdir.
-
- Siyasət
- 26 Avqust 2015 19:23
-
- İqtisadiyyat
- 27 Avqust 2015 12:16
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz