![Mətbuat-Monitorinq 280415](https://turan.az/resized/media/2015/main/042700114120-750-500-resize.webp)
Mətbuat-Monitorinq 280415
Rəsmi qəzetlər dövlət başçısı İlham Əliyevin “Bakı-2015” Avropa Oyunları məşəlini alovlandırmasına dair yazıları ilk səhifədə yerləşdirib.
“Azadlıq” SOCAR-la müəmmalı müqavilənin Malta mətbuatı və müxalifətini hərəkətə gətirdiyini yazaraq Malta mediasının Əliyevi “topa tutması”nı ilk səhifəyə çıxarıb.
Qəzet İsveç Milli Mətbuat Klubu 2015-ci il üçün Anna Politkovskaya Söz Azadlığı mükafatına həbsdə olan jurnalist Xədicə İsmayılı layiq gördüyünü və Avropa İttifaqının, AŞPA-nın Azərbaycan üzrə həmməruzəçilərinin hüquqşünas İntiqam Əliyevin barəsində məhkəmə qərarını pislədiyini nəzərə çatdırır.
Qəzet Almaniyanın “Bild” qəzetinin Avropa Oyunları fonunda rəsmi Bakının siyasi repressiyalarına diqqət çəkərək idmançılara bu oyunları boykot çağırışı etdiyini bildirir.
Fransa prezidenti Ollandla İlham Əliyevin Bakı görüşündə Ollandın hüquq müdafiəçisi Leyla Yunusun azadlığa buraxılması xahişinə İ. Əliyevin “L.Yunusn siyasi məhbus olmaması və məhkəmələrin müstəqil olması” cavabını qəzet “gülməli cavab” adlandırır.
Ekspertlər ölkədə kreditlərin dollarla verilməsini qəzetə “manatın dəyərinin aşağı salınması” kimi şərh ediblər.
I rüb başa çatsa da ölkədəki 45 bankdan 30-nun nəticələri açıqlamamasını qəzet “bankların zərəri özlərinə sığışdırmaması” adlandırır.
Qəzet iddia edir ki, torpaqlardan səmərəsiz istifadəyə görə kənd təsərrüfatı naziri bəzi icra başçılarına, fermerlərə su təsərrüfatı ASC-yə problem yaradacaq dosyeni Nazirlər Kabinetinə təqdim edib.
“Ekspress” “Nurgün Motors” şirkəti rəhbərlyinin şirkətə məxsus bəzi salon rəhbərlərinin həbsi barədə xəbər yayan media qurumları ilə bağlı ölçü götürəcəkləri haqda bəyanat yaymasını diqqət mərkəzinə çəkib.
“Exo” Bakı buxtasının kanalizasiya axıntıları ilə daha çirkləndirilməyəcəyini, buxtanı neft qalıqlarından xarici yox, yerli şirkətlərin təmizləyəcəklərini önə çəkib.
“Bizim yol” ləğv edilən Torpaq Komitəsinin 2 min əməkdaşının 2 aydır ki, maaşlarını ala bilmədiklərini ilk səhifədə yerləşdirib.
Qəzet Sumqayıtda ağacları kəsən dövlət qurumunu ifşa edən şəhər sakini Anar Süleymanovun psixi müayinəyə dəvət edildiyini bildirir.
“Yeni Müsavat” baş nazirin müavini, YAP icra katibi Əli Əhmədovun Nazirlər Kabinetindən Seçki Qərargahına nəzarət etmək istəməsinə qarşı çıxanların olması və ona qarşı cəbhənin yaradılması iddiasını önə çəkib.
Hüquq müdafiəçiləri qızı Nərgizin vəfatı ilə bağlı müvəqqəti azadlığa buraxılan Tofiq Yaqublunun əfv olunması üçün dövlət başçısı İlham Əliyevlə görüşə çalışırlar.
Separatçı Əlikram Hümmətovun “erməni soyqırımı”nı tanımasına deputat Hadı Rəcəblinin Ə.Hümmətovun “talış yox, türk olması” və onu yazıçı Əkrəm Əylisli ilə eyniləşdirməsi şərhini qəzet Azərbaycan türklərinə təhqir və həqarət adlandırır.
Qəzet “Nurgün Motors”un bəzi avtomobil satışı salonlarında keyfiyyətsiz maşın satışına görə salon rəhbərləri və əməkdaşlarının “bandotdel” tərəfindən saxlanıldıqlarını bildirir.
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz