Mətbuat-Monitorinq 29.01.15

Rəsmi qəzetlər dövlət başçısı İlham Əliyevin İranın iqtisadi məsələlər və maliyyə nazirinin başçılıq etdiyi nümayəndə heyətini qəbul etməsi haqda xəbəri, Gömrük Komitəsi əməkdaşlarının bir qrupunun dövlət mükafatları ilə təltif edilməsi barədə sərəncamının mənini ilk səhifələrdə yerləşdiriblər.

“Azadlıq” qəzeti yaxın günlərdə keçirilmiş müşavirədə dövlət başçısı İlham Əliyevin manatın ucuzlaşacağı ilə bağlı bəyanatını manjetə çıxarıb. Qəzet ekspertlərə isnadən bu günlərdəki müşavirədə İlham Əliyevin məmurlara sərt ritorikasını “komanda daxilində panik ovqat yaranmasının qarşısını almaq cəhdi” kimi dəyərləndirirlər.

ATƏT-in media azadlığı üzrə xüsusi nümayəndəsi Dunya Myatoviç jurnalist Xədicə İsmayılın həbs müddətinin uzadılmasına “Əliyevi tənqid edən jurnalistin həbs müddəti uzadıldı” bəyanatını səsləndirib.

Freedom House hüquq-müdafiə təşkilatı Azərbaycanın adını yenə də “azad olmayan ölkələr” sırasında çəkib.

Amnesty İnternational təşkilatı rəsmi Bakını həbsdə olan NİDAçı gəncləri azad etməyə çağırıb.

Keçən ilin dekabrından bu yana PA-nın rəhbəri Ramiz Mehdiyevin rəsmi tədbirlərdə görünməməsini qəzet “Mehdiyev müəmmasının davam etməsi” kimi dəyərləndirir.

Neftin ucuzlaşması ilə bağlı iri dövlət şirkətlərində kütləvi ixtisarlara toxunan qəzet bu ixtisarların kredit borcunu ödəyə bilməyənləri məhkəmə qərarlarının qurbanlarına çevirəcəyi barədə xəbərdarlıq edir.     

“Ekspress”  Nəqliyyat Nazirliyi müfəttişlərinin zorakılığına məruz qalan taksi sürücüsünün özünü yandırmasını ilk səhifəyə çıxarıb.

QHT-lərə Dövlət Şurası nəzdindəki İşçi Qrup Ermənistan dövlət başçısı Sarkisyanın hərbi cinayətkar kimi tanınması üçün 100 minlik imzatoplama kampaniyasına başlayıb.

“Exo” 2014-cü ildə Azərbaycanda boşanma faktının qeydə alındığını önə çəkməklə buna səbəb kimi tərəflərin bir-birini başa düşməməsini göstərir.

“Bizim yol”  rəsmi Bakının manatın məzənnəsinin avronun indiki məzənnəsi səviyyəsinə qədər ucuzlaşdırmaq istəməsi bəyanatını diqqət mərkəzinə çəkib.

Ekspertlər metro keçidlərində xırda ticarətin bərpasını “neftin ucuzlaşması ilə bağlı ölkədə artacaq işsizliyə qarşı görülən tədbir” kimi şərh ediblər.

“Yeni Müsavat”  Qarabağ cəbhəsində erməni fəallığının artmasını Bakıda keçiriləcək İ Avropa Yay Oyunları Olimpiadasını pozmaq olması iddiasını ilk səhifəyə çıxararaq bunun “xain erməni təhdidi” adlandırır.

Qəzetin yazdığına görə, İnsan Haqları üzrə Birgə İşçi Qrup bu ilin Novruz bayramı ərəfəsində əfv fərmanının gözlənilməsi haqda açıqlama verib.

Qadın həbsxanasında məhkum olan Lamiyə Quliyevanın ana olması haqda açıqlamasına şərh verən keçmiş qadın məhbus bunu əsassız sayaraq bu sənədi L.Quliyevanın adından başqalarının yazdığını iddia edib.