Mətbuat-Monitorinq 29.03.14
Rəsmi qəzetlər dövlət başçısı İlham Əliyevin Haaqada nüvə təhlükəsizliyi sammitinin keçirilməsi çərçivəsində Niderland Krallığına səfəri, orada keçirdiyi görüşlər barədə xəbərləri ilk səhifəyə çıxarıblar.
“Azadlıq” qəzeti redaksiyalara nazir Kəmaləddin Heydərovun atası, PA ictimai-siyasi şöbəsinin müdiri Əli Həsənovun qudasının “nurçu”ların tədbirlərində çıxışlarını əks etdirən videoların göndərilməsini hər iki məmura zərbə sayaraq manjetə çıxarıb.
Həbsdə olan keçmiş səhiyyə naziri Əli İnsanovun işilə bağlı Avropa məhkəməsinə göndərilən sənədlərdə onun özünü müdafiə və tələb etdiyi şahidlərin dindirilməməsi kimi məqamlar əksini tapıb.
Suriyada Bəşər Əsəd rejiminə qarşı qanunsuz silahlı qrupların tərkibində vuruşan Azərbaycanın daha iki vətəndaş öldürülüb və bu döyüşlərdə Azərbaycanın 100-dən çox vətəndaşının öldürülməsi xəbəri əksini tapır.
Ekspertlər Dünya Bankının “Krım böhranı” ilə bağlı investorların Rusiyadan 150 milyard dollar vəsaiti geri çəkəcəyi bəyanatını “Rusiyanın çöküşü”nün başlanmasının anonsu kimi dəyərləndirirlər.
Ekspertlərə görə ARDNŞ-dəki ixtisar rüsvayçılığı vaxtilə həyata keçirilmiş bərbad kadr siyasətinin nəticəsidir.
Hərbi Dəniz Qüvvələri Gəmiləri Xilasetmə Divizionun komandiri III dərəcəli kapitan Ilkin Əsgərov həbs olunub.
“Zerkalo” Rusiyanın “Krım böhranı”nı “Qarabağ məsələsi”ndə təkrar edə bilməməsi üçün münaqişə həll olunana kimi Azərbaycanın Gömrük İttfaqına daxil olmaması təklifini irəli sürür.
Qəzet Bayraq meydanından Əhmədli qəsəbəsinə qədər ərazidə “dəniz taksi”lərinin fəaliyyət göstərəcəyini bildirir.
“Ekspress” BMT-də Ukraynanın ərazi bütövlüyü ilə bağlı məsələdə rəsmi Bakının Ukraynanı dəstəkləməsini önə çıxarıb.
Qəzet ölkədə əhalinin ərzaq istehlakının Ümumdünya Səhiyyə Təşkilatının nəzərdə tutduğu normalardan az olduğunu qeyd edərək bunu “əhalinin zəif qidalanması” kimi dəyərləndirir.
“Exo” Suriyada gedən döyüşlərin martın son 10 gününə təsadüf edən əməliyyatlarında Azərbaycan vətəndaşı olan 12 şəxsin öldürüldüyünü nəzərə çatdırır.
Adambaşına çay istehlakının həcminə görə Azərbaycanın dünyada 5-ci yerdə olduğunu yazan qəzet, buna baxmayaraq ölkədə çay istehsalının həcminin azalmasına diqqət çəkir.
“Novoe Vremya” vəhabi təbliğatının təsirilə Suriyada qanunsuz silahlı qruplaşmaların tərkibində döyüşərək həlak olan Azərbaycan vətəndaşlarının taleyinə “vəhabiliyin gec partlayan mina olması” mövqeyini ifadə edir.
Qəzetin yazdığına görə, 2013-cü ildə Azərbaycanın 2360 vətəndaşı Avropa ölkələrinə sığınacaq almaqla bağlı müraciət edib.
“Bizim yol” BMT-də Ukraynanın ərazi bütövlüyü məsələsinin müzakirəsində Azərbaycanın Ukraynanı, Ermənistanın isə Rusiyanı dəstəkləməsini ilk səhifəyə çıxarıb.
Qəzet eksperetlərə istinadən məmurların istehlak etdikləri qaz məsrəflərini də “Azəriqaz”ın sadə vətəndaşlarnı ayağına yazması kimi üsula əl atdığını nəzərə çatdırır.
“Yeni Müsavat” PA-nın parlament seçkilərinə start verməsi, parlamentin tərkibinə ciddi dəyişiklik eilməsi, “stajlı və sədaqətli” deputatların çıxdaş olunması kimi iddialarını ilk səhifəyə çıxarıb.
Türkiyədə Ərdoğan-Gülən qarşıdurmasının ARDNŞ-nin buradakı 5 milyardlıq “Star” neftayırma zavodu tikiilməsi layihəsini zərbə altına qoyduğu nəzərə çatdırlır.
“Krım böhranı” fonunda MDB məkanında hadisələrə şərh verən politoloq Eldar Namazov durumun Azərbaycan üçün çox ağır olduğu bəyanatını səsləndirib.
Azərbaycan müxalifəti Qarabağ məsələsində Rusiya təhlükəsinə qarşı hakimiyyətlə hazır olduğu mövqeyini ifadə edib.
Ekspertlər bankomatlar önündə növbə yaranmasını aradan qaldırmaq üçün pensiya, maaş və sosial ödənişlərin iki bankın inhisarından çıxarılmasını təklif edirlər.
-
- Mədəniyyət
- 28 Mart 2014 13:04
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz