Mətbuat-Monitorinq 29.04.15
Rəsmi qəzetlər dövlət başçısı İlham Əliyevin Bakıda işinə başlayan III Bakı Qlobal Forumunda çıxışını ilk səhifədə yerləşdirib.
“Azərbaycan” qəzeti “müxalifətçi “Azadlıq” qəzetini “dünya ermənilərinin maraqlarını müdafiə etmək” kimi təhqirə məruz qoyan məqalə dərc edib. Rəsmi qəzet daha sonra təhqiri dərinləşdirərək “Azadlıq”qəzetinin rəsmi Bakıya tənqidi mövqeyini “antiazərbaycançı şəbəkədən “sapı özümüzdən olan balta”lara I Avropa Oyunlarına qara yaxmaqla bağlı yeni sifarişlər gəlməsi ilə “əsaslandırıb”.
“Azadlıq” Azərbaycanın bəzi İnternet saytlarında ABŞ dövlət katibi Con Kerrinin Azərbaycanda dövlət çevrilişi hazrlaması barədə məqalə olması xəbərini manjetə çıxarıb. Ölkə siyasətçiləri ABŞ-a qarşı bu ittihamı PA-nın rəhbəri Ramiz Mehdiyevin keçən ilin dekabrında dərc etdirdiyi antiamerika məqaləsinin davamı adlandırıblar.
Fransanın “Le Monde” qəzeti Bakıya gedənlərə otellərdə gizli kameraların olması barədə xəbərdarlıq edir.
Qəzet vəkillərinə isnadən həbsdə olan hüquq müdafiəçisi Leyla Yunusun sol gözünün görmə qabiliyyətinin ititrilməsi prosesinin getdiyini yazır.
Kürdəxanı təcridxana rəhbərliyi yazılarını mediaya ötürdüyünə görə jurnalist Xədicə İsmayıla telefon danışığı və yaxınları ilə ünsiyyətdən məhrum ediləcəyi barədə hədə-qorxu gəlib.
Hərbi hissənin komandiri tərəfindən güllələndiyini iddia edən əsgər Çingiz Tanrıverdiyev müalicəsinə yarıdm göstərməsi üçün dövlət başçısı İlham Əliyevə video-müraciət yayıb.
Bakıda keçirilən III Qlobal Açıq Cəmiyyətlər Forumunda dövlət başçısı İlham Əliyevin çıxışını qəzet “danışılanlarla yürüdülən siyasət arasındakı kəskin fərq” kimi şərh edib.
“Ekspress” rəsmi Bakıya yaxın bəzi İnternet saytlarında ABŞ dövlət katibi Con Kerrinin antiazərbaycan kampaniyası aparması haqda yazını əsas götürərək bunu “Ağ Evin qara piarı” iddiası ilə ilk səhifəyə çəkib.
“Exo” uyğun qurumların ictimai nəqliyyat sürücülərinin psixoloji nəzarətdən keçməsi haqda xəbərlərə müstəqil ekspertlərin belə bir nəzarətin olmaması barədə cavablarını diqqət mərkəzinə çəkir.
Uşaq düşərgələrinə putyovkaların 200-300 manata başa gəldiyini deyən ekspertlər bahalıq üzündən məktəblilərin əksəriyyətinin yay tətilini evlərində keçirəcəklərini nəzərə çatdırırlar.
“Novoe Vremya” bəzi İnternet saytlarında yayılan ABŞ-ın antiazərbaycan kampaniyası aparması haqda məqalə fonunda “Birləşmiş Ştatlar nə düşünür?” sualını gündəmə gətirir.
“Bizim yol” səhifəsində dərc etdiyi yol tikintisilə bağlı yazıda dövlət vəsaitlərinin mənimsənilməsi haqda “şok faktlar” açıqlamasını önə çəkib.
“Yeni Müsavat” iqtidara yaxın bəzi media qurumlarının İnternet saytlarında rəsmi Bakıya qarşı kampaniyanın ABŞ dövlət katibi Con Kerrinin ofisindən idarə olunması haqda mqəalə dərc edilib və qəzet bunu “ABŞ-a qarşı sensasion ittiham” kimi dəyərləndirir.
Qəzet Milli Şuranın “Talan son!” şüarı altında mayın 3-də keçirilməsini nəzərdə tutduğu aksiyaya 50 min nəfər dəvət etməsi haqda yazır.
Azərbaycanın da iştirakçısı olduğu Avropa İttifaqının “Şərq tərəfdaşlığı” proqramı ölkələrinin may ayında keçiriləcək Riqa sammitinə Rusiyanın hədə-qorxu gəlməsi fonunda müxalif siyasətçilər rəsmi Bakıya bu hədə-qorxulardan çəkinməyərək sammitdə iştirak etmək çağırışı səsləndiriblər.
-
- İqtisadiyyat
- 29 Aprel 2015 12:42
-
- İqtisadiyyat
- 29 Aprel 2015 13:29
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz