Rəsmi və iqtidaryönlü qəzetlər dövlət başçısı İlham Əliyevin qəbulları ilə bağlı xəbərləri ilk səhifəyə yerləşdiriblər. Bu qəzetlər ölkənin etiraz elektoratının birliyi olan Milli Şura, Müsavat və Xalq Cəbhəsi partiyalarının əleyhinə təhqir, böhtan olan 5 məqalə yerləşdiriblər.
“Azadlıq” qəzeti vaxtilə iqtidarda təmsil edilən sabiq məmurların birlik yaradaraq rəsmi Bakının əleyhinə müraciət yayacağının gözlənildiyini və sabiq məmurlar Hüseyn Abdullayev və Akif Muradverdiyevə hücimların bundan qaynaqlandılğını, göz qorxutmaq mahiyyəti daşıdığını bildirir,
Ölkənin narazı elektoratının vahid namizədliyinə razılıq verdiyini bildirən Milli Şuranın sədri Rüstəm İbrahimbəyov vahid namizədliyə bağlı şərtləri normal adlandırıb.
Kimisə döymək adı ilə həbsə alınan Müsavat Partiyası başqanının müşaviri Yadigar Sadıqovun anası “Yadigar adam döyən, ya kimisə təhqir edən deyil, amma siyasi fəaliyyətilə bağlı hər an gözləyirdik ki, Yadigara nəsə edə bilərlər” bəyanatını səsləndirib.
İqtidarın əleyhinə ifadə işlədən hər hansı kəsə qarşı rəsmi Bakının beynəlxalq cinayət axtarışı elan etməsinə hüquqşünaslar ironiya ilə “belə getsə, seçkiyə qədər ölkə əhalisinin yarsının axtarışa verilək” deyiblər.
Siyasi ekspertlər prezident seçkilərinə namizəd kimi deputat Mehriban Əliyevanın qatılacağı barədə proqnoz veriblər.
“Zerkalo” kor əlilin onu döyən şəxsin Müsavat Partiyası başqanının müşaviri Yadigar Sadıqovun olması haqda polis orqanlarına verdiyi ifadəsinə “kor əlil, demə görürmüş” ironiyasını ifadə edib.
“Ekspress”. İsmayıllıda doğum evində ana və uşağın həkimin səhvi üzündən ölməsinə görə narazılıqların artmasından qorxan yerli hakimiyyət xəstəxananı polis mühasirəsinə götürdüb.
Təhsil Nazirliyi ölkədə müxtəlif ixtisaslar üzrə 3 min nəfərdən çox müəllimin çatmadığını bildirir.
“Exo” ekspertlərə istinadən ölkənin bütün mənzil fondunun 20%-nin köhnəlmiş və qəzalı durumda olduğunu yazaraq tədbirlər görülmədiyi halda 10 il ərzində 3 milyon kv.metrə qədər mənzil fondunun dağılacağı barədə xəbərdarlıq edir.
Rumıniya xüsusi xidmət oqranlarının keçmiş rəhbərlərindən İon Paçepa keçmiş SSRİ-nin KQB rəhbəri Yuri Andropovu “islam terroru”nin “xaç atası”” adlandırıb.
“Bizim yol”. Sifarişli qətldə ittiham edilən Şamilovların qohumları oxunacaq hökmü ədalətsiz sayaraq Bakı Ağır Cinayətlər Məhkəməsinin şüşələrini sındırıblar, məhkəmə önünə polis qüvvələri yeridilib, etirazçılar həbs ediliblər.
“Yeni Müsavat” deputat Mehriban Əliyevanın prezidentliyə namizədliyini səsləndirən Demokratik Azərbaycan Dünyası Partiyasının İrana və Rusiya bağlı olması, bu iki ölkədən təlimat alması haqda yazır.
Ağdaş rayon icra başçısının Qəbələnin Laza kəndində otel tikdirməsi rayon sakinlərini etiraz aksiyasına vadar edib. Sakinlər Qəbələ rayon rəhbərliyini “Qəbələni Naxçıvana döndərməkdə” ittiham ediblər.
Ölkənin etiraz elektoratının birliyi olan Milliu Şura iyulun 2-də keçirilməsi gözlənilən sessiyasında vahid namizədin, vəzifə və öhdəliklərinin müəyyən olunmasını nəzərdə tutur.
Rəy yaz