Yadigar Sadıqlıya vəkili ilə görüşməyə imkan vermirlər

ilə söhbətində deyib ki, polisin hərəkəti qanunsuzdur. «İş günü bitəndən sonra istintaq hərəkətləri aparmaq olar, vəkil müdafiə etdiyi şəxslə görüşə bilməz?. Əgər müstəntiq yerində olmasaydı, bu arqumenti qəbul etmək olardı. Amma müstəntiq Polad Mehdiyev polis idarəsində idi», - deyə Kərimli bildirib.

O, şübhəli şəxsin vəkili ilə görüşünə icazə verilməməsini kobud qanun pozuntusu adlandırıb.

Həbs qətimkan tədbirinin seçilməsi üçün məhkəmə araşdırmasının keçirilməsi şənbə gününə saxlanılıb.

Müsavat Partiyası başqanının müavini Gülağa Aslanlı məlumat verib ki, Sadıqlının saxlanmasından keçən 48 saat 29 iyun saat 13.00-də başa çatır.

Aslanlının sözlərinə görə, cümə günü polisdən məhkəmənin vaxtı barədə ziddiyyətli məlumatlar verilib. Gah deyiblər ki, məhkəmə bazar ertəsi olacaq - bu, qanunsuzdur. Gah da dövlət vəkili bildirib ki, iclas cümə günü saat 18.00-də olacaq, deyə Aslanlı məlumat verib.

Cümə günü şahid kimi dəvət edilən yerli AXCP fəalı Şahin Ağayev 6 saat sonra buraxılıb.  O bildirib ki, Sadıqlı təqsirsizdir. Polis idarəsində Ağayevə onun özünün siyasi fəaliyyəti ilə bağlı suallar veriblər, deyə AXCP gənclər komitəsinin rəhbəri Əbülfəz Qurbanlı Turan-a bildirib.

Yadigar Sadıqlı iyunun 27-də Lənkəran sakini Rəşid Kərimovun şikayəti əsasında şübhəli şəxs kimi həbs edilib. Kərimov bildirir ki, iyunun 25-də Sadıqlı onu döyüb. Kərimovun müraciəti KİV-də yayılıb və onun əsasında Lənkəran rayon Polis İdarəsi onun barəsində Cinayət Məcəlləsinin 221.3 (silah və ya silah kimi istifadə edilən predmetdən istifadə ilə xuliqanlıq) maddəsi ilə cinayət işi açıb. Amma iyunun 26-da Sadıqlı ona qarşı fitnəkarlıq edildiyi və həbsinə hazırlıq getdiyi barədə məlumat verib.  –06D--