![Mətbuat-Monitorinq 30.06.15](https://turan.az/resized/750/500/resize/media/2015/main/063000121607.jpg)
Mətbuat-Monitorinq 30.06.15
Rəsmi qəzetlər Avropa Oyunları ilə bağlı yazıları ön səhifələrdə yerləşdiribllər.
Bundan başqa bu qəzetlərdə AXCP əleyhinə yazılar yer alıb.
“Azadlıq” qəzeti Korrupsiya Əleyhinə Şəbəkənin Əliyevlərə növbəti zərbə vurmasını önə çəkərək şəbəkənin hakim ailənin otel biznesini ifşa etməsini ilk səhifəyə çıxarıb.
“Birlik-inşaat” tikinti şirkətinin rəhbəri Elman Tağıyevin beynəlxalq axtarışa verildiyini yazan qəzet bu şəxsi MTRŞ rəhbəri Nuşirəvan Məhərrəmli və Xətai Rayon RPİ rəisi Muradəli Babayevin himayə etdiklərini bildirir.
Avropa Oyunlarında qalib gələn Azərbaycan idmançılarına 8 milyon manat mükafat verilir, bunun 3 milyon 450 min manatı I yeri, 1milyon 895 min manatı II yeri, 2 milyon 660 min mmanatı III yeri tutan idmançılara və məşqçilərinə aiddir.
Rusiyanın tanınmış blogeri Aleksey Adoxin Azərbaycanın Avropa Oyunlarını təşkil etməsinə və maliyyə baxımından heç nə əldə etməməsinə “Azərbaycandan başqa kim istəyər ki, bu qədər xərc çəkisin, əvəzində də heç nə qazanmasın?!” mövqeyini ifadə edib.
Qəzet dövlət başçısının 3-5 min dollara qədər olan kreditləri siləcəyi, 5 min dollardan yuxarı kreditlərin həcmini azaldacağı haqda xəbərləri yalan adlandırır. Ölkədə yaşı 18-dən yuxarı olan 2 milyon 400 min nəfərə yaxın vətəndaşın banklara borcu var, 1 milyon 116 min nəfər isə borc götürənlərə zamin durub.
AŞPA-da Azərbaycan əleyhinə qətnamə qəbuluna səs verdikləri üçün rəsmi Bakının Kiyev və Tbilisinin əleyhinə kampaniyaya başlayacağı gözlənilir.
“Ekspress” PA məsullarından Əli Həsənovun “böyük dövlətlərin Azərbaycanı idarə etmək istəmələri” kimi cəfəngiyyatı ilk səhifəyə çəkib və elə buradaca Ə.Həsənov “antiazərbaycançı şəbəkənin arzusuna nail ola bilmədiyini” nəzərə çatdırır.
Ölkədə Aliment Fondunun yaradıldığını yazan qəzet alimentlərin ilkin olaraq dövlət büdcəsindən ödənəcəyini qeyd edir.
Dövlət başçısının köməkçisi Əli Həsənov ölkədə “jurnalistikanın milli strategiyası”nı formalaşdırmağı nəzərdə tutur və məmura görə, “medianın işi bir çox dövlətlərin qəzəbinə səbəb olursa deməli hər şey düzgün istiqamətdə gedir”.
“Exo” Avropa Oyunlarının başa çatmasını ölkə idmançlarının 56 medal qazanmasını ilk səhifəyə çəkib.
“Novoe Vremya” ABŞ-ın “Böyük Yaxin Şərq” layihəsini Azərbaycan sərhədlərinə yaxınlaşdırmaq iddiasını siqqət mərkəzinə çəkib.
Avropa Şurasının rəsmi Bakını islahatlara məcbur edəcəyini yazan qəzet buna “siyasi təzyiqlərə qarşılıq siyasi islahatlar” mövqeyini ifadə edir.
“Bizim yol” xalis aktivləri 100 milyon manat olan “Evrascon”da cəmi 1 manat divident verilməsinə diqqət çəkir və müəssisə baş nazir müavini Abid Şərifova məxsus olduğuna görə “məmurun müəssisəsində nə baş verir?” sualı gündəmə gətirilir.
Gənclər və idman naziri Azad Rəhimov bildirib ki, Avropa Oyunlarının keçirilməsinə 960 milyon manat, açılış və bağlanış mərasimlərininə 100 milyon xərclənib, bilet satışından, sponsor və TV yayım hüquqlarının satışından 15-17 milyon manat əldə edilib.
“Yeni Müsavat” “prezidentin “yol xəritəsi”: siyasi islahatlara start verilir” iddiasını ilk səhifəyə çəkib.
YAP-çı deputat A.Mirzadədəyə görə, Avropa Oyunları təşkil edən, amma qoyduğu xərci belə aradan qaldıra bilməyən “analoqsuzluq”u yaşayan rəsmi Bakı “ yeni Azərbaycan standartları yaradıb, xalqımızda dövlətə inam güclənib”(?).
Qəzet rəsmi Bakı ilə münaqişə durumunda olan baş nazirin keçmiş birinci müavini Abbas Abbasovun doğmaları və oğlu üçün həbs təhlükəsi yarandığını yazır.
Ekspertlərin rəylərinə görə, kredit borclarının silinməsinə ehtiyac var və ailənin sosial statusundan asılı olaraq bunu tətbiq etmək mümkündür.
-
- İqtisadiyyat
- 30 İyun 2015 13:07
-
- İqtisadiyyat
- 30 İyun 2015 13:18
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz