![Mətbuat-Monitorinq 30.10.12](https://turan.az/resized/750/500/resize/media/2012/main/103000016256.jpg)
Mətbuat-Monitorinq 30.10.12
Rəsmi qəzetlər dövlət başçısı İlham Əliyevin Saatlı, Beyləqan və İmişli rayonlarına səfərləri haqda yazır.
“Azadlıq” qəzeti rəsmi Bakının ölkənin diaspor qururmlarına Rusiya Azərbaycanlıları Təşkilatları İttifaqı əleyhinə hücum əmri verdiyini iddia edir.
Politoloq Arif Yunus qəzetə şərhində bu qurumun yaradılmasını Kremlin mənfi mənada Bakıya siqnalı adlandırıb.
Eks-prezident Əbülfəz Elçibəyin ailəsi onun zəhərlənərək vəfat etməsilə bağlı başlanmış cinayət işinə növbəti etiraz bəyanatı yayıb.
İctimai Palatanın təmsilçiləri Bakı meriyasının cavabından asılı olmayaraq noyabrın 2-də parlament binasının önündə aksiya keçirəcək.
İki ay bundan öncə polisi bıçaqlayaraq həbsxanaya düşən Bakı sakini Mansur Zeynalov həbsxanada vəfat edib.
“Zerkalo” həmsədrlərin Qarabağ probleminin həllində son zamanlar “Madrid prinsipləri”ni xatırlatmalarını belə bu prinsiplərin “dəfni” adlandırır.
“Ekspress” yazır ki, deputat Hüseynbala Mirələmov oğlunun polis bölməsi rəisi vəzifəsindən azad olunmasını “oğlunun səhvlərinə görə cəzalandırılması” adlandırıb.
Yeni hazırlanan qanun layihəsində avtoxuliqanlığa görə həbs nəzərdə tutulur.
“Exo” ekspertlərə istinadən ölkədə ekoloji durumun əlverişli olması üçün meşə sahəsinin indiki kimi 12% yox, ölkə ərazisinin 25%-ni əhatə etməsini əsas sayır.
“Novoe Vremya” Qarabağ münaqişəsinin başlanmasından 24 il keçməsinə baxmayaraq, hələ də ölkə rəhbərliyinin hər hansı uğura imza atmamasına “rəsmi Bakının erməni məkrinə qarşılıq verməyə qabiliyyəti varmı?” sualı ilə mövqe ifadə edib.
“Bizim yol” Rusiyada “milyarderlər ittifaqı” yaradan azərbaycanlıların Azərbaycandakı mülkiyyət və bizneslərinin təhlükə altına düşdüyü barədə xəbərdarlıq edir.
“Yeni Müsavat” Ermənistanın cırtdan dövlətlərin “DQR”i tanımaları layihəsini işə salıb, layihəni erməni diasporu maliyyələşdirir.
PA ictimai-siyasi şöbəsinin müdiri Əli Həsənovun Moskva görüşlərinə toxunan qəzet bunu rəsmi Bakının “milyarderlər ittifaqı”ndan doğan narahatlıq sayır.
1993-cü ildə milli hökuməti devirən qiyamın başçısı Surət Hüseynov “Milli Qəhrəman” adının qaytarılması üçün parlamentə müraciət edib.
Oktyabrın 6-da bir qrup şəxsin hicabı müdafiə adı ilə keçirdiyi aksiyanın təşkilatıçısı kimi həbsə alınan Cavid Məmmədovu ailəsilə hədələyən istintaq silah saxlamasını boynuna götürməsini tələb edir.
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz