Mətbuat-Monitorinq 30.10.13

Rəsmi və iqtidaryönlü qəzetlər dövlət başçısı İlham Əliyevin Brazliya-Azərbaycan parlament dostluq qrupunun müvəkkilini qəbul etməsini ilk səhifələrə çıxarıblar. 

Bundan əlavə, Muğan Babazanlı abidələrinin 2800 illiyinin qeyd olunması, Azərbaycan qazının dünya bazarına Cənub Qaz Dəhlizi vasitəsilə nəql olunması tədbirləri haqqında imzaladığı sərəncamların mətnləri bu qəzetlərdə yer alır. 

“Azadlıq” qəzeti dövlət başçısı İlham Əliyevin rəhbər vəzifələrə təyinat məsələsində Naxçıvandan olan şəxslərə üstünlük verməməsinin bu qruplaşmanın qəzəblənməsinə səbəb olması xəbərini manjetə çıxarıb.    

Böyük Britaniyanın “The Guardian”qəzeti BMT-nin birləşmə və dinc toplaşmaq azadlığı üzrə xüsusi nümayəndəsinin BMT-dəki çıxışında Azərbaycandakı seçki saxtakarlıqlarının da yer aldığı qeyd edilir.   

Hüquqşünaslar Konfederasiyasının başçısı, parlamentin komitə sədri Əli Hüseynlinin “Naxçıvan xanı” Vasif Talıbovu “məhkəmə hüquq islahatlarına görə” təltif etməsini qəzet “Avropanı qəzəbləndirəcək təltif” kimi dəyərləndirir. 

Ekspertlər ölkədə kommunal tariflərin və enerji daşıyıcılarının qiymətlərinin artırılacağı barədə proqnoz verərək bunu “hökumətin yeni bahalaşmaya hazırlaşması” adlandırır. 

Qəzet AXCP sədri Əli Kərimlinin mühafizəçisi Bəhruz Həsənova təzyiqlərin davam etdiyini yazaraq polisin onu oğurluqda ittiham etmək istədiyini nəzər çatdırır. 

“Zerkalo” Azərbaycanın son 10 ildə 264 tank almasını ilk səhifəyə çıxarıb.  

Qəzet ekspertlərə istinadən Rusiyanın layihəsi olan MDB məkanında Gömrük İttifaqı yaradılmasını “Putinin yeni SSRİ” arzuları kimi dəyərləndirir. 

“Ekspress” yazır ki, Müdafiə Nazirliyinin mətbuat xidməti yeni müdafiə nazirinin sürətli kadr dəyişikliklərini “hərbi xidmət üçün yaş həddini keçən yüksək və ali rütbəli şəxslərin tərxisi, uzun müddət bir sahədə çalışan yüksək vəzifəli şəxslərin yerdəyişməsi” kimi şərh edib. 

“Exo” yazır ki, gənclər və idman naziri Azad Rəhimov ölkədə tikilməkdə olan idman obyektlərinin 80-90%-nin 2014-cü ilin sonuna kimi istifadəyə veriləcəyini nəzərə çatdırıb. 

“Novoe Vremya” parlamentdə sərbəst toplaşmaq haqqında qanunla bağlı səslənən  bu qanuna yenidən baxılmasıl təklifini “iqtidarın toplaşmaq azadlığna yeni qəsdi” kimi dəyərləndirir.

“Bizim yol” ekspertlərə istinadən kommunal, yanacaq  və enerji daşıyıcılarının qiymətlərinin artacağı və hökumətin 2014-cü ildə kəskin bahalaşmaya gedəcəyi barədə xəbərdarlıq edir. 

“Yeni Müsavat” qəzetinin iddiasına görə, “Xəzərdənizgəmiçilik” birliyinin keçmiş rəisi Aydın Bəşirovun bank olmayan kredit təşkilatının fəaliyyəti, maliyyə mənbələrilə bağlı yoxlamalara başlayıb. 

Qəzet Azərbycan diplomatiyasının ABŞ-ı “yumşaltmaq” üçün hərəkətə keçdiyini yazaraq bunu “Azərbaycan diplomatiyasının 1 saylı hazırlıq vəziyyəti”nə gətirilməsi kimi dəyərləndirir.