Rəsmi qəzetlər dövlət başçısı İlham Əliyevin Misir və Hindistanın Azərbaycana təyin edilən yeni səfirlərinin etimadnamələrini qəbul etməsi haqda xəbərləri, kənd təsərrüfatı işçilərinin bir qrupunu təltif etməsi və fəxri adlar verməsi haqda sərəncamalarının mətnlərini ilk səhifələrdə yerləşdiriblər.
“Azadlıq” qəzeti “MTN işi” ilə bağlı Rabitə Nazirliyinin yüksək rütbəli məmurunun - Cəlil Cəfərovun həbs olunması, MTN-in keçmiş şefi Eldar Mahmudovun Nardaranda villalarının üzə çıxması haqda xəbərləri manjetə çəkib.
Bununla yanaşı qəzet insan haqları, sosial haqsızlıq, beynəlxalq münasibətlər ilə bağlı mövzulara geniş yer verib.
Vəkil Elçin Qəmbər həbsdə olan hüquq müdafiəçisi Leyla Yunusa müalicə imkanı verilmədyi bəyanatı ilə çıxış edib.
Avropa məhkəməsi “Azadlıq” qəzetinin əməkdaşı, Fransada mühacirətdə olan Aqil Xəlilə haqsızlıqlara görə Azərbaycan hökumətini 28 min avro cərimə edib.
Ekspertlər 2015-ci il parlament seçkilərini “müstəqillik dövrünün ən biabırçı seçkisi” kimi dəyərləndiriblər.
Milli Şura 1 noyabr parlament seçkilərini “iqtidarın hakimiyyəti növbəti dəfə mənimsəməsi” sayaraq nəticələrini tanımayacağı barədə bəyanat yayıb.
Milli Şuranın üzvü Gültəkin Hacıbəyli ABŞ Senatında Azərbaycanla bağlı dinləmələri “gələcək sanksiyaların addım səsi” kimi dəyərləndirib.
5 aydır ki, maaşlarını ala bilməyən “Azərinşaatservis”in əməkdaşları Əmək və Əhalinin Sosila Müdafiəsi Nazirliyinin önündə etiraz aksiyası keçiriblər.
Ekspertlər yaşanan böhranla bağlı işçilərin maaşlarını ala bilməmələrinin sosial etirazlar olaraq genişlənəcəyi barədə xəbərdarlıq ediblər.
“Ekspress” “MTN işi” ilə bağlı məsələni önə çəkərək həbslərin davam etdiyini, Rabitə Nazirliyinin bəzi yüksək rütbəli əməkdaşlarının saxlandığını bildirir.
“Novoe Vremya” Azərbaycan özü tam qazlaşmadığı halda rəsmi Bakının Monteoneqronu qazlaşdırması qərarına “bu dəfə də Montoneqronu qazlaşdırırlar” münasibətini önə çəkib.
Qəzet 5 ay əmək haqqı ala bilmədiklərinə görə “Azərinşaatservis”in 100-dən çox əməkdaşının küçə yürüşünə “90-cı illərin kabusu Bakıda dolaşır?” mövqeyini ifadə edir.
“Bizim yol” hökumətin ucuzlaşdırdığı 3 min adda dərmandan 300-nün apteklərdə tapılmadığı xəbərini ilk səhifədə yerləşdirib.
MTN-in keçmiş şefi Eldar Mahmudovun atası, tanınmış alim Əhməd Mahmudovun Şərur rayonunda liseyin önündəki abidəsi sökülüb.
“Yeni Müsavat” “MTN işi” ilə bağlı “rabitə dəstəsinin beynəlxalq danışıqları” dinləməsi kimi hərəkətinin qalmaqala səbəb olacağını ilk səhifəyə çıxarıb.
Qəzet Gürcüstan və Ermənistan dövlət başçılarının Tbilisi görüşünün əsas hədəfi İrandan qaz almaqla Azərbaycandan asılılığı aradan qaldırmaqdır və qəzet bunu “Bakıya qarşı məkrli anlaşma” adlandırır.
Ölkə müxalifətinin tanınmış simalarından olan Pənah Hüseyn MTN-in keçmiş rəhbərliyini “cəmiyyətdə gərginliyin saxlanmasında və destabilizə edilməsində maraqlı olmaqda” ititham edib.
Demokrat Partiyasının sədri Sərdar Cəlaloğlu müxalifət partiyaları və iqtidar təmsilçiləri arasında görüşlərin kəsilməsində Moskvanı günahkar sayır.
Cəmiyyət
-
"ToplumTV işi" adlandırılan cinayət işi üzrə təqsirləndirilən şəxslərin ittihamının ağırlaşdırıldığı, istintaqın artıq yekunlaşmaq üzrə olduğu bildirilir. Həmin cinayət işinə "Toplum" İnternet Televiziyasının, Demokratik Təşəbbüslər İnstitutunun, habelə III Respublika Platforması təşəbbüsünün bəzi əməkdaş və təmsilçilərinin həbsi daxildir. Müdafiə tərəfinin məlumatina görə, onlara Cinayət Məcəlləsinin 162-1.1 (Əmək müqaviləsi olmadan işçilərin cəlb edilməsi), 192.3.2 ( küllü miqdarda gəlir əldə etməklə qanunsuz sahibkarlıq), 193-1.3.1 (Cinayət yolu ilə əldə edilmiş əmlakı leqallaşdırma), 193-1.3.2 (...xeyli miqdarda), 206.4 (mütəşəkkil dəstənin qaçaqmalçılığı) və 213.2.1 (Vergiləri,... ödəməkdən yayınma ) maddələri ilə yeni ittihamlar irəli sürülüb. Əvvəl "ToplumTV işi" üzrə həbs olunanlar 206.3.2-ci (qaçaqmalçılıq – qabaqcadan əlbir olan bir qrup şəxs tərəfindən törədildikdə) maddələri ilə təqsirləndirilirdi. Əvvəlki ittihamlarla şəxslərə 8 ilədək həbs verilə bilərdisə, indi cəza müddəti 12 ilə çata bilər.
-
Çərşənbə axşamı hava dəyişkən olacaq, yağıntı olmayacaq. Şimal-qərb küləyi əsəcək. Havanın temperaturu gecə müsbət 3+6, gündüz müsbət 6+9 dərəcə olacaq. Rütubət 70-80 faiz olacaq.
-
İmişli rayonunda ictimai yerdə törətdikləri xuliqanlıq hərəkətlərinə görə bir qrup şəxs həbs edilib.
-
İmişli rayonunda yol-nəqliyyat hadisəsi nəticəsində iki uşaq ölüb, üçü yaralandığı bildirilir. Daxli İşlər Nazirliyinin mətbuat xidmətindən Turana bildirilib ki, xidmətə gedən Dövlət Yol Polisi avtomobilinin qarşısına digər bir nəqliyyat vasitəsinin çıxması nəticəsində xidməti avtomobil yol kənarında olan uşaqlara dəyib. Onlardan 2 nəfər həlak olub, digər azyaşlılar və sürücü xəstəxanaya çatdırılıb.
Rəy yaz