Mətbuat-Monitorinq 31.10.14

Rəsmi qəzetlər dövlət başçısı İlham Əliyevin Xorvatiya baş nazirinin birinci müavininin başçılıq etdiyi nümayəndə heyətini qəbul etməsi, bəzi qanunlara dəyişikliklər, bəzi qanunların tətbiqi haqda sərəncamların imzalanması haqda xəbərləri ilik səhifələrə yerləşdiriblər.

“Azadlıq” qəzeti bu günlərdə Dövlət İdarəçilik Akademiyasındakı çıxışında PA-nın rəhbəri Ramiz Mehdiyevin iqtidarın ünvanına olan tənqidləri bir daha önə çəkərək bunu “R.Mehdiyein iflas etirafı və öz günahlarını başqa ünvanda axtarması” adlandırır.

Qəzet Ombudsman aparatı təmsilçilərinin “Azadlıq” qəzetinin həbsdə olan müxbiri Seymur Həziyə və NİDA gənclər hərəkatının üzvlərinə baş çəkdiklərini yazır.

AXCP sədri Əli Kərimli xaricdən yayımlanan iqtidara müxalif “Azərbaycan saatı” verlişinin əməkdaşı Xalid Qarayevin dünən 25 sutka inzibati cəza almasını “iqtidarın azad söz önündə qorxusnun göstəricisi” kimi dəyərləndirib. 

ABŞ-ın “National İnterest” jurnalı Azərbaycandakı korrupsiyalaşmış və ədalətsiz rejimin ölkədə dini ekstremizmi gücləndirə biləcəyi barədə xəbərdarlıq edib.

Dünya Bankının tikintiyə icazə alınmasına görə Azərbaycanın 190 ölkə arasında 150-ci, obyektə işıq çəkdiməyə görə 159-cu, sərhəddən keçid ticarətinə görə 166-cı yerdə olmasını ekspertlər ölkədəki rüşvət və inhisarın səviyyəsılə əlaqələndiriblər.

“Ekspress”  Qafqaz Müsəlmanları İdarəsinin (QMİ) dövlət qurumları ilə qarşıdurmada olması haqda xəbərləri “düşmən dəyirmanına su tökmək” sayması  təkzibini ilk səhifəyə çıxarıb.

Dini Komitənin sədri Mübariz Qurbanlı İranın “Səhər” telekanlının Azərbaycan əleyinə təbliğatını “mənasız variant” adlandırıb.

“Exo”  tikinti sektorunda məşğulluğun 53,6% artmasını diqqət mərkəzinə çəkərək 5 il ərzində maaşların 63% artdığını qeyd edir və hər iki halda artımı iri müəssisələrin təmin etdiyi vurğulanır.

“Novoe Vremya” Qarabağ probleminin həllində həmsədr dövlətlərdən olan ABŞ-ın problemi həll etmək əvəzinə Dağlıq Qarabağı 2016-cı ilə kimi minalardan təmizləmək fəaliyyətini mənfi sayaraq “ABŞ niyə birdən-birə Qarabağı minalardan təmizləməyi düşündü?” sualını ön plana çıxarır.

“Bizim yol”  2015-ci il üçün dövlət büdcəsinin təsdiqlənmsini ilk səhifədə yerləşdirib.

“Yeni Müsavat”  Türkiyənin “Hürriyyət” qəzetinə istinadən nəqliyyat naziri Ziya Məmmədovun oğlu Anar Məmmədovun Türkiyədə bir şəxsi qətlə yetirmək üçün killer kimi seçdiyi adama 500 min dollar təklif etməsi iddiasını ilk səhifəyə çəkib.

Qəzet yazır ki, ölkə fermerləri Kənd Təsərrüfatı Nazirliyinin xəttilə kredit alarkən 20 min manatlıq kreditə imza atsalar da cəmi 15 min manat alır, həmin 15 min manatın 2-3 min manatını da nazirliyin satdığı “motosikilet”ə verməli olur.