“Azadlıq” qəzeti deputat Gülər Əhmədova ilə keçmiş rektor Elşad Abdullayevin arasında sonuncunun deputat olması ilə bağlı “rüşvət bazarlığı”na dair qalmaqalın PA-nın rəhbəri Ramiz Mehdiyevin təklənməsinə səbəb olduğunu yazaraq bunu “R.Mehdiyevin böyük güclərin hədəfinə gəlməsi” adlandırır. Adı çəkilən rüşvət qalmaqalının mərkəzində olan keçmiş deputat Gülər Əhmədova və Sevinc Babayevanın istintaq tərəfindən dindirilməsinə dair suala ölkə prokurorluğunun mətbuat xidməti cavab verməkdən imtina edib.
Müsavat Partiyasının başqanı İsa Qəmbər xalqın seçməli olduğu deputatların iqtidar siyahısı ilə müəyyən olunmasını “ölkədə orta əsr rejiminin hökmranlığı” kimi qiymətləndirir.
Qəzet dövlət başçısının ehtiyat fondu adlı qurumun büdcə vəsaitlərini mənasız xərcləməsinə dair məlumat verərək bu fondu “korrupsiya mənbəyi” adlandırır.
Rəsmi Tehranın “Səhər” telekanalında Azərbaycan əleyhinə kampaniya aparılmasına qadağa qoymasını qəzet İranın Azərbaycanı yenidən İran lehinə əməkdaşlığa cəlb etmək istəməsi sayır.
Vəkil Aslan İsmayılov iqtidarın sahibkarlara qarşı basqılarını “hakimiyyətin bu ölkədə cibində “beş manat” pulu olanın qalmasını istəməməsi” kimi şərh edir.
“Yeni Müsavat” qəzeti “deputatlıq rüşvəti” qalmaqalının “qəhrəmanı” keçmiş deputat Gülər Əhmədovanın qəzetləri yenidən məhkəmə ilə hədələməsini, keçmiş rektor Elşad Abdullayevlə “deputat olmaq bazarlığı”na dair videogörüntülərin montaj olması haqda açıqlamasını “keçmiş deputatın yenidən hücuma keçməsi” adlandırır. Qəzetin iddiasına görə, əllərində video-kompromatlar olması ehtimal edilən məmur-biznesmenlərin məkanlarına gecə basqınları olur, iqtidar mənsublarına külli miqdar rüşvət verən verən şəxslərin siyahısı tutulur, yaxın günlərdə YAP və məmur ordusundan istefalar gözlənilir.
“Bakı Xəbər” yazır ki, “Məşədi Dadaş” məscid icmasının axundu Hacı Şahin Həsənli oktyabrın 5-də Təhsil Nazirliyinin önündə dindarların aksiyası zamanı polis-dindar qarşıdurmasını “belə qarşıdurmaların bəzi qüvvələrin marağında olması” kimi şərh edib.
Politoloq Vəfa Quluzadə rəsmi Tehranın “Səhər” telekanalına Azərbaycan əleyhinə kampaniya aparmağı qadağan etməsini “taktiki gediş, o qədər də etibarlı olmayan jest” kimi dəyərləndirib.
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz