Milli Hidrometeorologiya Xidməti Bakıda və Abşeron yarımadasında yanvarın 7-si axşamdan 8-i gündüzədək bəzi yerlərdə yağışın yağacağını proqnozlaşdırır. Xidmət bildirib ki, yarımadanın ayrı-ayrı ərazilərində yağıntının intensivləşməsi mümkündür.
Şərq bölgələrində də eyni vaxt ərzində arabir yağıntılar müşahidə olunacaq. Milli Hidrometeorologiya Xidməti xəbərdarlıq edir ki, bəzi yerlərdə yağıntıların qısa müddət ərzində intensivləşməsi ehtimal edilir.
Vətəndaşlara hava şəraitinə uyğun tədbirlər görmələri tövsiyə olunur.
Cəmiyyət
-
Ötən gün leysan yağışları nəticəsində müqəddəs Məkkə və Mədinə şəhərlərinin küçələrini su basıb. Sel yollara və avtomobillərə ziyan vurub. Səudiyyə Ərəbistanının digər yaşayış məntəqələrini də su basıb.
-
Azərbaycanda uşaq ölümlərinin sayında artım olduğu bildirilir. Ötən il ilə bağlı rəsmi statistika hələ açıqlanmasa da, 2023-cü ildə 1 yaşınadək vəfat edən uşaqların sayı 2 min 39-a çatıb. Bu, 2022-ci illə müqayisədə 2.1 dəfə çoxdur. 1000 diri doğulan körpələrin ümumi sayında 1 yaşınadək vəfat edənlər 18.1 nəfər (1.8 faiz) təşkil edib.
-
Yanvarın 8-də Bakıda və Abşeron yarımadasında yağış yağacaq, bəzi yerlərdə intensiv olacaq. Günorta yağıntı kəsiləcək. Cənub-şərq küləyi əsəcək. Havanın temperaturu gecə 4-8, gündüz 8-11 dərəcə olacaq. Nisbi rütubət 75-85% təşkil edəcək.
-
Könüllülər Yeni il ərəfəsində “Bölüşək, sevindirək!” adlı növbəti xeyriyyə təşəbbüsünü həyata keçiriblər Dünya Azərbaycanlılarının Həmrəyliyi Günü və Yeni il münasibətilə “Azercell Könüllüləri” ənənəvi xeyriyyə aksiyası keçirib. “Bölüşək, sevindirək!” şüarı ilə təşkil olunan bu kampaniya çərçivəsində Könüllülər İkinci Vətən müharibəsinin şəhid və qazi ailələrinin, eləcə də aztəminatlı ailələrin uşaqlarını ziyarət edib və onlara bayram hədiyyələri təqdim ediblər. Ümumilikdə 200-dən çox uşağa bayram hədiyyələri çatdırılıb.
Rəy yaz